குரூப்-1 முதல்நிலை தேர்வு: 57 ஆயிரத்து 612 பேர் ஆப்சென்ட்; 2 மாதங்களில் தேர்வு முடிவு

சென்னை குரூப்-1 முதல்நிலை தேர்வில் 57 ஆயிரத்து 612 பேர் ஆப்சென்ட் ஆகியுள்ளனர். 2 மாதங்களில் தேர்வு முடிவு வெளியிடப்படும். 46 காலிப்பணியிடங்கள் தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) மூலம் குரூப்-1 பணியிடங்களில் 12 துணை கலெக்டர், 2 வணிகவரி உதவி ஆணையர், 3 கூட்டுறவு சங்கங்களின் துணைப்பதிவாளர், 8 தமிழ்நாடு பதிவு பணி மாவட்ட பதிவாளர், ஒரு தொழிலாளர் உதவி ஆணையர் என 26 காலிப்பணியிடங்களை நிரப்புவதற்கான அறிவிப்பு கடந்த ஜூன் மாதம் 23-ந்தேதி வெளியிடப்பட்டது. ஜூலை 29 ந்தேதி வரை விண்ணப்பிக்க அவகாசம் வழங்கப்பட்டது. இதற்கிடையில் குரூப்-1 பணியிடங்களில் மேலும் 20 காலிப்பணியிடங்கள் அதிகரிக்கப்பட்டன. இதன் மூலம் காலிப்பணியிடங்கள் எண்ணிக்கை 46 ஆக அதிகரித்தது. குரூப்-1 முதல்நிலைத் தேர்வு செப்டம்பர் மாதம் 27-ந்தேதி நடைபெறும் என அறிவிக்கப்பட்டிருந்தது. இந்த தேர்வுக்கு பட்டதாரிகள் போட்டிப்போட்டு விண்ணப்பித்தனர். முதல்நிலை தேர்வு தமிழகம் முழுவதும் விண்ணப்பித்ததில் 95 ஆயிரத்து 984 ஆண்கள், 1 லட்சத்து 27 ஆயிரத்து 441 பெண்கள், மூன்றாம் பாலினத்தவர்கள் 15 பேர் என 2 லட்சத்து 23 ஆயிரத்து 440 பேர் அனுமதிக்கப்பட்டனர். இந்த நிலையில் குரூப்-1 முதல்நிலை தேர்வு நேற்று நடைபெற்றது. தேர்வுக்காக தமிழகம் முழுவதும் 754 தேர்வு அறைகள் அமைக்கப்பட்டிருந்தன. சென்னையில் 128 மையங்களில் தேர்வு நடைபெற்றது. தமிழகம் முழுவதும் நடைபெற்ற குரூப்-1 முதல்நிலை தேர்வை 1 லட்சத்து 65 ஆயிரத்து 828 பேர் எழுதினர். சதவீத அடிப்படையில் இது 74.22 சதவீதமாகும். தேர்வு எழுத வராமல் 57 ஆயிரத்து 612 பேர் 'ஆப்சென்ட்' ஆகியுள்ளனர். இது 25.78 சதவீதமாகும். முதல்நிலை தேர்வில் தேர்ச்சி பெறுபவர்கள், முதன்மை தேர்வுக்கு அழைக்கப்படுவார்கள். 2 மாதங்களில் முடிவு தேர்வு முடிவு தொடர்பாக டி.என்.பி.எஸ்.சி. தலைவர் எஸ்.கே.பிரபாகர் நிருபர்களுக்கு அளித்த பேட்டியில், குரூப்-1 முதல்நிலை தேர்வின் முடிவு 2 மாதங்களில் வெளியிடப்படும். முழுமையான தேர்வு முடிவுகள் வெளியாகும்போது கூடுதல் காலிப்பணியிடங்கள் அறிவிப்பு வெளியிட வாய்ப்பு உள்ளது என்றார். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.