கடந்த 30-ம் தேதி, துபாயிலிருந்து இஸ்ரேலின் டெல் அவிவ்விற்குப் பறந்த ஃபிளைதுபாய் நிறுவனத்தின் விமானம் ஒன்றில் இந்திய விமானி ஸ்மித் மச்சார் சக விமானியால் கத்தியால் குத்தப்பட்டிருக்கிறார். சக விமானி விமானத்தைத் தகர்க்க முயன்றபோது ஸ்மித் மச்சார் அதைத் தடுக்க முயற்சி செய்திருக்கிறார். அப்போது ஏற்பட்ட தாக்குதல்தான் இது. இதுவரை யார் அந்தச் சக விமானி என்பது தெரியவில்லை. அவர் ஓமன் நாட்டைச் சேர்ந்தவர் என்பது மட்டுமே இஸ்ரேல் தரப்பில் இருந்து வெளிவந்த ஒரே தகவல். தற்போது அந்தச் சக விமானி யார் என்பது தெரியவந்துள்ளது. ஃபிளைதுபாய் விமானம்"எழுந்து செயல்பட வேண்டும் என்று எனக்குள்ளேயே சொல்லிக்கொண்டேன்"- போன்காலில் மோடியிடம் ஸ்மித் மிச்சார் யார் அவர்? குறிப்பிட்ட ஃபிளைதுபாய் விமானத்தின் முதன்மை விமானி ஸ்மித் மச்சார். இந்தத் தாக்குதலுக்குக் காரணமான உதவி விமானி ஹமாம் அல்ஹமாமி என்று அடையாளம் காணப்பட்டுள்ளார். வால்ஸ்ட்ரீட் ஜர்னலின் தகவலின்படி, ஹமாம் அல்ஹமாமியின் தந்தை ஓமன் நாட்டைச் சேர்ந்தவர். தாய் சிரியா நாட்டைச் சேர்ந்தவர். இவர் ஐக்கிய அரபு அமீரகத்தில் பிறந்து வளர்ந்த ஓமன் நாட்டைச் சேர்ந்தவர் என்று கூறப்படுகிறது. இதுவரை வெளியாகியுள்ள தகவல்களின்படி, அல்ஹமாமி தனது பெரும்பாலான காலத்தைச் சிரியாவில் கழித்துள்ளார். அங்குதான், அவர் தீவிரவாதக் கருத்துகளால் ஈர்க்கப்பட்டுள்ளார் என்று சொல்லப்படுகிறது. தடை 2024-ம் ஆண்டு ‘ஓமன் ஏர்’ என்னும் விமான நிறுவனத்தில் உதவி விமானிப் பயிற்சியாளராகப் பணியாற்றிக் கொண்டிருந்திருக்கிறார். அப்போது அவரிடம் தீவிரவாதம் சம்பந்தமான பொருள்கள் இருப்பதாகக் கண்டுபிடிக்கப்பட்டுள்ளது. இதையடுத்து, அவருக்கு விமானம் இயக்குவதற்குத் தடை விதிக்கப்பட்டுள்ளது. அதன் பிறகு, அந்த நிறுவனத்திலேயே நிர்வாகம் சார்ந்த பணிகளை மட்டும் செய்து வந்திருக்கிறார். ஓமன் ஏர் நிறுவனத்தின் தடையை மீறியும், ஃபிளைதுபாய் நிறுவனத்தில் இவருக்கு உதவி விமானிப் பணி வழங்கப்பட்டிருக்கிறது. 30-ம் தேதி ஃபிளைதுபாய் விமானத்தை இஸ்ரேலுக்குள் மோதிப் பேரழிவை ஏற்படுத்துவதுதான் அல்ஹமாமியின் பிளானாக இருந்திருக்கலாம் என்று தகவல்கள் தெரிவிக்கின்றன. ஸ்மித் மிச்சாருக்குக் கத்திக்குத்து, விபரீதத்திற்குக் காரணமான விமானி யார்? - இதுவரை கிடைத்த தகவல்கள் முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
This is a Tamil summary for quicker reading. For the full report, extra context, and updates, open the original publisher.
Read Full Article
https://www.vikatan.com/government-and-politics/who-is-hamam-alhamami-new-details-emerge-in-flydubai-attack
