சமர்கண்ட், செஸ் ஒலிம்பியாட் போட்டியில் இந்தியா 2 பதக்கங்களை வென்று அசத்தியுள்ளது. ஓபன் பிரிவில் இந்திய அணி வெள்ளிப் பதக்கத்தையும், மகளிர் அணி வெண்கலப் பதக்கத்தையும் கைப்பற்றியுள்ளது. ஓபன் பிரிவில் வெள்ளி 46-வது செஸ் ஒலிம்பியாட் போட்டி உஸ்பெகிஸ்தானில் நடைபெற்றது. இதில் ஓபன் பிரிவின் 11-வது சுற்றில் இந்தியா, ஹங்கேரி அணிகள் மோதின. இந்த ஆட்டம் 2-2 என்ற கணக்கில் டிராவில் முடிந்தது. முடிவில் இந்திய அணி 2-வது இடத்தைப் பிடித்து வெள்ளிப் பதக்கத்தை வென்றது. ஜெர்மனி அணி 3-வது இடம் பிடித்து வெண்கலப் பதக்கத்தை கைப்பற்றியது. உஸ்பெகிஸ்தான் அணி முதலிடம் பிடித்து சாம்பியன் பட்டத்தை வென்றது. மகளிர் அணிக்கு வெண்கலம் மகளிர் பிரிவின் 11-வது மற்றும் கடைசி சுற்றில் இந்தியா, ஜார்ஜியா அணிகள் மோதின. இந்த ஆட்டமும் 2-2 என்ற கணக்கில் டிராவில் முடிந்தது. இந்தியாவின் ஹம்பி தனது ஆட்டத்தில் வெற்றி பெற்றார். வந்திகா அகர்வால் மற்றும் சவிதா ஸ்ரீ ஆகியோர் தங்களது ஆட்டங்களை டிரா செய்தனர். திவ்யா தோல்வியடைந்தார். இதன் மூலம் 11 சுற்றுகளின் முடிவில் இந்திய மகளிர் அணி 3-வது இடத்தைப் பிடித்து வெண்கலப் பதக்கத்தை வென்றது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.
Lire l'article complet
https://www.dailythanthi.com/sports/othersports/silver-in-the-open-section-bronze-in-the-womens-section-india-shines-at-the-chess-olympiad
