மதுரை, மதுரை கோட்டத்தில் பொறியியல் பணிகள் நடைபெற்று வருவதால், செங்கோட்டை-மயிலாடுதுறை விரைவு ரெயில் உள்பட பல்வேறு ரெயில்கள் மாற்றுப் பாதையில் இயக்கப்படவுள்ளன. திருச்சி ரெயில்வே கோட்ட நிர்வாகம் வெளியிட்டுள்ள செய்திக்குறிப்பில் கூறப்பட்டுள்ளதாவது;- “மதுரை ரெயில்வே கோட்டத்திற்கு உட்பட்ட பகுதிகளில் பொறியியல் பணிகள் நடைபெற்று வருவதால், சில ரெயில்கள் மாற்றுப் பாதையில் இயக்கப்படும் என்று அறிவிக்கப்பட்டுள்ளது. செங்கோட்டை மயிலாடுதுறை விரைவு ரெயில் (எண்: 16848): ஆகஸ்ட் 1, 2, 3, 4, 6 மற்றும் 7 ஆகிய தேதிகளில் கொடைரோடு, திண்டுக்கல், வடமதுரை, வையம்பட்டி, மணப்பாறை ஆகிய ரெயில் நிலையங்களைத் தவிர்த்து, மதுரையில் இருந்து மானாமதுரை, சிவகங்கை, தேவகோட்டை ரோடு, காரைக்குடி, புதுக்கோட்டை மற்றும் கீரனூர் வழியாக திருச்சிக்கு இயக்கப்படும். நாகர்கோவில் மும்பை சி.எஸ்.டி.எம். விரைவு ரெயில் (எண்: 16352): ஆகஸ்ட் 2 மற்றும் 6 ஆகிய தேதிகளில் கொடைரோடு, திண்டுக்கல் ஆகிய ரெயில் நிலையங்களைத் தவிர்த்து, மதுரையில் இருந்து மானாமதுரை, சிவகங்கை, காரைக்குடி, புதுக்கோட்டை வழியாக திருச்சிக்கு இயக்கப்படும். கன்னியாகுமரி ஹவுரா அதிவிரைவு ரயில் (எண்: 12666): கொடைரோடு, திண்டுக்கல் ரெயில் நிலையங்களைத் தவிர்த்து, மதுரையில் இருந்து மானாமதுரை, சிவகங்கை, காரைக்குடி மற்றும் புதுக்கோட்டை வழியாக திருச்சிக்கு இயக்கப்படும். குருவாயூர் சென்னை எழும்பூர் விரைவு ரெயில் (எண்: 16128): ஆகஸ்ட் 1, 2, 3, 5 மற்றும் 6 ஆகிய தேதிகளில் மதுரை, சோழவந்தான், கொடைரோடு, திண் டுக்கல், மணப்பாறை ஆகிய ரெயில் நிலையங்களைத் தவிர்த்து, விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை வழியாக திருச்சிக்கு இயக்கப்படும். கன்னியாகுமரி ஐதராபாத் விரைவு ரெயில் (எண்:17070): ஆகஸ்ட் 7-ந்தேதி கொடைரோடு, திண்டுக்கல் ரெயில் நிலையங்களைத் தவிர்த்து, மதுரையில் இருந்து மானாமதுரை, சிவகங்கை, காரைக்குடி, புதுக்கோட்டை வழியாக திருச்சிக்கு இயக்கப்படும். பகுதியாக ரத்து: பாலக்காடு டவுன் திருச்சி விரைவு ரெயில் (எண்: 16844) ஆகஸ்ட் 1, 4, 6 மற்றும் 8 ஆகிய தேதிகளில் பாலக்காடு டவுன் முதல் புகளூர் வரை மட்டுமே இயக்கப்படும். புகளூர் முதல் திருச்சி இடையே ரத்து செய்யப்படுகிறது என்று தெரிவிக்கப்பட்டுள்ளது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.
Lire l'article complet
https://www.dailythanthi.com/news/tamilnadu/attention-passengers-engineering-work-in-madurai-division-trains-to-the-southern-region-to-operate-via-diverted-routes
