இங்கிலாந்துக்கு எதிரான ஐந்து போட்டிகள் கொண்ட டி-20 தொடரின் முதல் ஆட்டத்தில், புதன்கிழமை அன்று அவர் மீண்டும் விளையாடும் லெவன் அணியில் சேர்க்கப்படவில்லை. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.
https://www.bbc.com/tamil/articles/cewq7g044nqo
தமிழ்நாடு எப்.எல்.2 உரிமத்தாரர்கள் சங்கத் தலைவர் வீரபாண்டியன் மதுரை உயர்நீதிமன்ற கிளையில் தாக்கல் செய்த மனுவில்,"எங்களுடைய சங்க உறுப்பினர்கள் மதுவிலக்கு மற்றும் ஆயத்தீர்வைத்துறையிடமிருந்து சட்டப்பூர்வ உரிமம் பெற்று மனமகிழ், விளையாட்டு மன்றங்களை நடத்தி வருகின்றனர். இந்த மனமகிழ் மன்றங்களில் உறுப்பினர்களாக உள்ளவர்கள் மற்றும் விருந்தினர்களுக்கு டாஸ்மாக்கிடம் மதுபானம் கொள்முதல் செய்து விற்பதை செய்து வருகிறோம். தற்போது ஆளும் கட்சியைச் சேர்ந்த நிர்வாகிகள் மற்றும் எம்.எல்.ஏ.க்கள் அத்துமீறி மனமகிழ் மன்றத்திற்குள் நுழைந்து ஆய்வு செய்வது போல வீடியோ எடுக்கின்றனர். இது தனிநபர்களின் தனியுரிமையை மீறும் செயல் என்பதோடு உரிமம் பெற்றவர்களை மிரட்டி பணமும் கேட்கின்றனர். பணம் தர மறுத்தால் வேறு வகையில் தாக்குதல் நடத்துகின்றனர். விருதுநகர் மாவட்டம் கூமாப்பட்டி மற்றும் திருச்சி மாவட்டத்திலுள்ள மனமகிழ் மன்றத்தில் ஆளும் கட்சியைச் சேர்ந்தவர்கள் ஆய்வு என்ற பெயரில் அனுமதியின்றி நுழைந்து, அங்கிருப்பவர்களிடம் கேள்வி எழுப்பியதோடு மன்றத்தின் செயல்பாடுகளில் தலையிட்டு வருகின்றனர். மதுரை உயர்நீதிமன்றம் கிளை மன்றங்களின் செயல்பாடுகள் சம்பந்தப்பட்ட அதிகாரிகள் கண்காணித்து வருகின்றனர். இந்த நிலையில் ஆளுங்கட்சியைச் சேர்ந்தவர்கள் ஆய்வு செய்கிறேன் என்கிற பெயரில் மனமகிழ்மன்றத்தில் நுழைந்து எங்களுக்கு இடையூறு ஏற்படுத்தி வருகின்றனர். எனவே சம்பந்தமில்லாத நபர்கள் மனமகிழ் மன்றங்கள் விவகாரத்தில் தலையிடாத வகையில் மதுவிலக்கு மற்றும் ஆயத்தீர்வைத்துறை கமிஷனருக்கு நடவடிக்கை மேற்கொள்ள உத்தரவிட வேண்டும்" எனக் குறிப்பிட்டிருந்தார். இதை விசாரித்த நீதிபதி சி.சரவணன் பிறப்பித்த உத்தரவில், "மதுவிலக்கு மற்றும் ஆயத்தீர்வைத்துறை அதிகாரிகளைத் தவிர வேறு யாரும் மனமகிழ் மன்றங்களில் ஆய்வு செய்யக்கூடாது. இதைச் சம்பந்தப்பட்ட அதிகாரிகள் உறுதி செய்ய வேண்டும்" எனக் கூறி வழக்கை ஜூலை 23க்கு ஒத்திவைத்தார். தவெக தேனீர் விருந்தைப் புறக்கணிக்க காரணம் என்ன? - சிபிஐ வீரபாண்டியன் விளக்கம் முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
அமெரிக்க கால்பந்து வீரர் ஃபோலாரின் பலோகன் உலகக் கோப்பை போட்டியில் வாங்கிய ஒரு ரெட் கார்டு, அவரது அணிக்கு தற்காலிக பின்னடைவைக் கொடுத்தாலும், ரசிகர்களுக்கு மிகப்பெரிய ஜாக்பாட்டாக மாறியுள்ளது. பிரபல பீட்சா நிறுவனமான டோமினோஸ், இந்த ரெட் கார்டால் சுமார் 60,000-க்கும் மேற்பட்ட இலவச பீட்சாக்களை வழங்கப் போவதாக அறிவித்துள்ளது. இது கால்பந்து ரசிகர்களுக்கு இரட்டைக் கொண்டாட்டமாக அமைந்துள்ளது. திட்டம் போட்ட டோமினோஸ்! இந்த அறிவிப்பு திடீரென வந்தது அல்ல. 2026 உலகக் கோப்பை தொடர் தொடங்குவதற்கு முன்பே, டோமினோஸ் நிறுவனம் ஒரு வித்தியாசமான விளம்பர சலுகையை அறிவித்திருந்தது. அதாவது, "அமெரிக்க தேசிய அணியின் வீரர் யாராவது போட்டியில் ரெட் கார்டு பெற்றால், ரசிகர்களின் சோகத்தைப் போக்க '$1 மில்லியன் மதிப்புள்ள எமர்ஜென்சி பீட்சாக்கள்' இலவசமாக வழங்கப்படும்" என மே மாதமே உறுதியளித்திருந்தது. தற்போது போஸ்னியா மற்றும் ஹெர்சகோவினாவுக்கு எதிரான போட்டியில் பலோகன் ரெட் கார்டு பெற்றதால், அந்த வாக்குறுதி நிறைவேறும் தருணம் வந்துவிட்டது. டோமினோஸ் ரெட் கார்டும், சரித்திர வெற்றியும்! பொதுவாக, ஒரு முக்கிய வீரர் ரெட் கார்டு பெற்று வெளியேறினால், அது அணிக்கு பெரும் பாதிப்பை ஏற்படுத்தும். ஆனால், புதன்கிழமை நடந்த இந்த நாக்-அவுட் போட்டியில் அப்படி நடக்கவில்லை. போட்டியின் இரண்டாம் பாதியில் பலோகன் வெளியேற்றப்பட்ட பிறகும், அமெரிக்க அணி மனம் தளரவில்லை. 82-வது நிமிடத்தில் மாலிக் டில்மேன் அடித்த ஒரு அற்புதமான ஃப்ரீ-கிக் கோலால், அமெரிக்கா வெற்றியை உறுதி செய்தது. இதன் மூலம், 24 ஆண்டுகளுக்குப் பிறகு உலகக் கோப்பை நாக்-அவுட் சுற்றில் அமெரிக்கா தனது முதல் வெற்றியைப் பதிவு செய்து, அடுத்த சுற்றுக்கு (ரவுண்ட் ஆஃப் 16) முன்னேறியுள்ளது. அணியின் வெற்றியும், இலவச பீட்சா அறிவிப்பும் ரசிகர்களை உற்சாகத்தில் ஆழ்த்தியுள்ளது. ஹீரோவும், வில்லனும்! இந்த போட்டியில் ரெட் கார்டு வாங்குவதற்கு முன்பு வரை, ஃபோலாரின் பலோகன்தான் அமெரிக்க அணியின் நட்சத்திரமாக ஜொலித்தார். இந்த தொடரில் தனது மூன்றாவது கோலை இந்தப் போட்டியில்தான் அவர் அடித்திருந்தார். இருப்பினும், அவர் செய்த ஃபவுலின் தீவிரத்தைப் பொறுத்து, அடுத்த இரண்டு அல்லது அதற்கு மேற்பட்ட போட்டிகளில் விளையாடத் தடை விதிக்கப்படலாம் என எதிர்பார்க்கப்படுகிறது. இது அணிக்கு ஒரு பின்னடைவாக இருக்கலாம். இலவச பீட்சாவை பெறுவது எப்படி? இந்த சலுகையைப் பெற விரும்பும் ரசிகர்கள், டோமினோஸ் நிறுவனத்தின் இணையதளத்தில் ஜூன் 10-ம் தேதி இரவு 11:59 மணிக்குள் பதிவு செய்திருக்க வேண்டும் என்பது நிபந்தனையாகும். மேலும், அவர்கள் டோமினோஸின் ரிவார்ட்ஸ் திட்டத்திலும் உறுப்பினராக இருக்க வேண்டும். இலவச 'எமர்ஜென்சி பீட்சா' பெறத் தேர்ந்தெடுக்கப்படும் ரசிகர்கள், இந்த சலுகையை 2026-ம் ஆண்டு வரை பயன்படுத்திக்கொள்ளலாம்.! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
75 நிமிடங்கள் வரை முன்னிலை, சரித்திரம் படைக்கும் அபாரமான ஆட்டம், கோல்கீப்பரின் வீரமிக்க தடுப்புகள்... அத்தனையும் கடைசி நேரத்தில் தவிடு பொடியாகின. இங்கிலாந்தின் நட்சத்திர வீரர் ஹாரி கேன் அடித்த இரண்டு கோல்களால், 2026 உலகக் கோப்பையில் ஜனநாயக காங்கோ குடியரசின் கனவுப் பயணம் கண்ணீருடன் முடிவுக்கு வந்தது. புதன்கிழமை நடைபெற்ற 32 அணிகள் மோதிய நாக்-அவுட் சுற்றில், இங்கிலாந்து அணியை எதிர்கொண்டது காங்கோ. ஆரம்பம் முதலே ஆட்டத்தில் அனல் பறந்தது. யாருமே எதிர்பாராத வகையில், ஆட்டத்தில் முன்னிலை பெற்றது காங்கோ. அந்த ஒரு கோல் முன்னிலையை கிட்டத்தட்ட ஆட்டத்தின் இறுதி வரை கட்டிக்காத்து, ஒட்டுமொத்த கால்பந்து உலகையும் ஆச்சரியத்தில் ஆழ்த்தியது. இங்கிலாந்து அணி எவ்வளவோ முயன்றும் காங்கோவின் தடுப்புச் சுவரைத் தகர்க்க முடியவில்லை. குறிப்பாக, கோல்கீப்பர் லயோனல் எம்பாசியின் ஆட்டம் பிரமிக்க வைத்தது. ககாங்கோ அணி தனி ஒருவனாய் போராடிய கோல்கீப்பர்! வலது பக்கம், இடது பக்கம் என அத்தனை முனைகளிலிருந்தும் வந்த ஷாட்களைத் தடுத்து, இங்கிலாந்துக்கு சிம்மசொப்பனமாக விளங்கினார் எம்பாசி. ஒரு கட்டத்தில், அவரது அபாரமான தடுப்பைக் கண்டு வியந்த இங்கிலாந்து வீரர் ஜூட் பெல்லிங்ஹாம், தரையில் விழுந்து கிடந்த எம்பாசியை எழுந்து நின்று கட்டிப்பிடித்து தனது மரியாதையை வெளிப்படுத்தினார். ஆனால், விதி ஹாரி கேன் வடிவில் வந்தது. 75-வது நிமிடத்தில் முதல் கோலையும், 86-வது நிமிடத்தில் வெற்றிக்கான இரண்டாவது கோலையும் அடித்து, காங்கோவின் சரித்திரக் கனவைச் சிதைத்தார் ஹாரி கேன். 2-1 என்ற கோல் கணக்கில் இங்கிலாந்து வெற்றி பெற்று, காலிறுதிக்கு முந்தைய சுற்றுக்கு முன்னேறியது. போட்டிக்குப் பிறகு பேசிய கோல்கீப்பர் எம்பாசி, "என் உடலை அறிவியலுக்கு அர்ப்பணித்து விட்டேன். ஆனால், ஹாரி கேன் ஒரு சூப்பர் ஸ்ட்ரைக்கர் என்பது எங்களுக்குத் தெரியும். இரண்டு முறை நாங்கள் அவர் மீது கவனம் செலுத்தத் தவறியதன் விலையைக் கொடுத்துவிட்டோம்," என்று வருத்தத்துடன் குறிப்பிட்டார். களத்திற்கு வெளியே விழுந்த பேரிடி! போட்டியில் தோற்ற வலி ஒருபுறம் என்றால், காங்கோ பயிற்சியாளர் செபாஸ்டியன் டெசாப்ரேவுக்கு அதைவிடப் பெரிய அதிர்ச்சி காத்திருந்தது. போட்டிக்குப் பிறகான பத்திரிகையாளர் சந்திப்பில் அவர் பேசிக்கொண்டிருந்தபோது, அணியின் ஊடக அதிகாரி ஒரு தகவலை அவரிடம் தெரிவித்தார். அது, அவரது தந்தை இறந்துவிட்டார் என்ற துயரச் செய்தி. அந்த நொடியில் டெசாப்ரேவின் முகம் அத்தனையையும் சொல்லிவிட்டது. ஆனாலும், தனது உணர்ச்சிகளை அடக்கிக்கொண்டு, பத்திரிகையாளர்களுக்கு நன்றி கூறிவிட்டு அந்த இடத்திலிருந்து அமைதியாக வெளியேறினார் டெசாப்ரே. களத்தில் ஒரு சரித்திரத் தோல்வி, தனிப்பட்ட வாழ்வில் ஒரு பேரிழப்பு என ஒரே நாளில் இரண்டு வலிகளை அவர் சந்தித்தது அனைவரையும் சோகத்தில் ஆழ்த்தியது. இந்தத் தோல்வி ஒருபுறம் இருந்தாலும், டெசாப்ரேவின் பங்களிப்பு காங்கோ கால்பந்து வரலாற்றில் மறக்க முடியாதது. 1974-ம் ஆண்டுக்குப் பிறகு, முதன்முறையாக உலகக் கோப்பைக்குத் தகுதிபெற வைத்தது, முதல் கோல்களைப் பதிவு செய்தது, முதல் வெற்றியைப் பெற்றது, நாக்-அவுட் சுற்றுக்கு முன்னேறியது என அவரது தலைமையில் காங்கோ அணி புதிய சரித்திரத்தையே படைத்துள்ளது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
2026 ஐபிஎல் தொடரில் மும்பை இந்தியன்ஸ் அணியின் படுதோல்விக்குப் பிறகு, அந்த அணியின் கேப்டன் ஹர்திக் பாண்ட்யா அணியிலிருந்து வெளியேற முடிவு செய்துள்ளார் என்கிற தகவல் கடந்த சில நாள்களாகவே பேசப்பட்டு வருகிறது. இந்த தகவல் வெளியானதிலிருந்து, ஐபிஎல் டிரேடிங் உலகில் பெரும் பரபரப்பு ஏற்பட்டுள்ளது. ஐந்து முறை சாம்பியன் பட்டம் வென்ற மும்பை அணியிலிருந்து விலகும் இந்த 32 வயது ஆல்-ரவுண்டரை தங்கள் அணிக்குக் கொண்டுவர பிற அணிகளுக்கு இடையே கடும் போட்டி நிலவி வருகிறது. டைம்ஸ் ஆஃப் இந்தியா வெளியிட்டுள்ள தகவலின்படி, பாண்ட்யாவைக் கைப்பற்றும் போட்டியில் இதுவரை ஏழு அணிகள் ஆர்வம் காட்டியுள்ளன. ராயல் சேலஞ்சர்ஸ் பெங்களூரு (RCB) மற்றும் சன்ரைசர்ஸ் ஹைதராபாத் (SRH) ஆகிய அணிகள் மட்டுமே இந்தப் போட்டியில் இருந்து விலகி உள்ளன. ஹர்திக் பாண்ட்யா, ரோகித் சர்மா சிஎஸ்கே-வின் திடீர் என்ட்ரி! இந்தப் போட்டியில் சென்னை சூப்பர் கிங்ஸ் (CSK) அணி தாமதமாகக் களமிறங்கினாலும், தற்போது கொல்கத்தா நைட் ரைடர்ஸ் (KKR) அணிக்குக் கடுமையான போட்டியை உருவாக்கியுள்ளது என்ற தகவல் வெளியாகி உள்ளது. ராஜஸ்தான் ராயல்ஸ் (RR) அணியும் இந்த ரேஸில் தொடர்ந்து நீடிக்கிறது. எம்.எஸ். தோனிக்கு பிறகான ஒரு காலகட்டத்திற்கு, சிஎஸ்கே அணிக்கு ஹர்திக் பாண்ட்யா ஒரு சரியான தேர்வாகக் கருதப்படுகிறார். இருப்பினும், அவருக்கு கேப்டன் பதவி வழங்கப்படும் என்பதற்கு எந்த உத்தரவாதமும் இல்லை. மறுபுறம், கொல்கத்தா நைட் ரைடர்ஸ் அணி ஒரு புதிய கேப்டனைத் தேடி வருகிறது. அதேபோல, ராஜஸ்தான் ராயல்ஸ் அணியும் பாண்ட்யாவுக்கு கேப்டன் பதவியுடன் நீண்ட கால ஒப்பந்தத்தையும் வழங்கத் தயாராக உள்ளது. இவ்வளவு பெரிய அணிகள் தங்கள் கேப்டன் மீது ஆர்வம் காட்டும் நிலையில், மும்பை இந்தியன்ஸ் அணி யாருடன் டிரேட் செய்யும் விரும்பும் என்பதும் கவனிக்க வேண்டியதாக உள்ளது டிரேடிங்கில் உள்ள சிக்கல்கள்! தற்போது மும்பை இந்தியன்ஸ், சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் இடையே பேச்சுவார்த்தைகள் தீவிரமாக நடந்து வருகின்றன. மூன்று தரப்பினரும் இதுவரை எதையும் உறுதிப்படுத்தவில்லை என்றாலும், பலவிதமான சாத்தியக்கூறுகள் ஆராயப்பட்டு வருகின்றன. இது முழுக்க முழுக்க பணப் பரிமாற்றமாக இருக்குமா? அல்லது சிஎஸ்கே எந்த வீரரை விட்டுக் கொடுக்கும்? கொல்கத்தா அணியிடம் வர்த்தகம் செய்யக்கூடிய மதிப்புமிக்க வீரர்கள் இருக்கிறார்களா? அல்லது கடந்த ஆண்டு கே.எல். ராகுல் விஷயத்தில் ஏற்பட்டது போன்ற இழுபறி நீடிக்குமா? எனப் பல கேள்விகள் எழுந்துள்ளன. கடந்த சீசனில் சஞ்சு சாம்சன், ரவீந்திர ஜடேஜா மற்றும் சாம் கரன் சம்பந்தப்பட்ட பிளாக்பஸ்டர் டிரேடிங்கின் போது சிஎஸ்கே எப்படித் திட்டமிட்டு நுழைந்ததோ, அதேபோல பாண்ட்யா விஷயத்திலும் சரியான நேரத்திற்காகக் காத்திருந்து காய்நகர்த்தியுள்ளது. சிஎஸ்கே இதனை சாத்தியப்படுத்தும் நிலையில், இந்த டிரேடிங்கின் போக்கையே அது மாற்றக்கூடும் என்றும் கூறப்படுகிறது. பாண்ட்யாவின் விருப்பமும், மும்பையின் நெருக்கடியும்! எல்லாவற்றையும் விட வீரரின் சம்மதம் மிகவும் முக்கியமானது. கேப்டன் பதவி இல்லாத ஒரு அணிக்குச் செல்ல பாண்ட்யா சம்மதிப்பாரா என்பதுதான் மில்லியன் டாலர் கேள்வி. இப்போதைக்கு எந்தத் தரப்பிலிருந்தும் அதிகாரப்பூர்வ அறிவிப்புகள் வரவில்லை என்றாலும், இந்த டிரேடிங் குறித்த தெளிவான நிலவரம் விரைவில் வெளியாகும் என எதிர்பார்க்கப்படுகிறது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Restez informé avec les dernières actualités de sources fiables
