Doctor Vikatan: தூங்கும் இடம் மாறினால் கனவுகள் அதிகரிக்குமா, தூக்கம் பாதிக்குமா?

Doctor Vikatan: புதிய இடத்திலோ, புதிய அறையிலோ தூங்கும்போது பொதுவாக தூக்கம் பாதிக்கப்படுமா. அப்படி இடம் மாறும்போது கனவுகளும் அதிகம் வருவது போல உணர்கிறேன். இது எனக்கு மட்டும் தோன்றும் உணர்வா. அப்படி நடப்பது இயல்பானதா? பதில் சொல்கிறார், சென்னையைச் சேர்ந்த மனநல மருத்துவர் ரோஹித் கண்ணா. மனநல மருத்துவர் ரோஹித் கன்னா ஒரு நபர் ஹோட்டல் அல்லது உறவினரின் வீடு போன்ற ஒரு புதிய சூழலில் தூங்கும்போது, மூளை சற்று அதிக விழிப்புடன் இருக்கும். இது லேசான தூக்கத்துக்கு வழிவகுக்கும். இதனால் அடுத்த நாள் காலையில் கனவுகளை நினைவுகூர்வது எளிதாகிறது. இதைவைத்து நீங்கள் அதிகமாக கனவு காண்கிறீர்கள் என்று அர்த்தபடுத்திக்கொள்ள முடியாது. மல்லாாந்து படுத்துத் தூங்குவது கனவுகளை நன்கு நினைவில் வைத்திருப்பதுடன் தொடர்புடையது என்று சில ஆய்வுகளும், அப்படித் தூங்குவது அதிக கெட்ட கனவுகளுடன் (nightmares) தொடர்புடையது எனச் சில ஆய்வுகளும் சொல்கின்றன. மல்லாந்து படுத்த நிலை காற்றுப்பாதையைச் சற்று சுருக்கி, குறட்டை அல்லது மூச்சுத்திணறல் (sleep apnea) ஏற்படுவதற்கான வாய்ப்பை அதிகரிக்கும். தூக்கத்தின்போது ஆக்ஸிஜன் குறையும் போது, மூளை அந்த மன அழுத்த சமிக்ஞையைச் செயலாக்கி, அதை ஒரு பயமுறுத்தும் கனவாக மாற்றும். ஒருபக்கமாகச் சாய்ந்து தூங்குவது பொதுவாக காற்றுப்பாதையைத் தெளிவாக வைத்திருக்கும். குறட்டை மற்றும் தூக்கத்தின் போதான மூச்சுத்திணறல் அபாயத்தைக் குறைக்கிறது, அதனால்தான் அமைதியான, அதிக நிம்மதியான தூக்கத்திற்கு ஒருக்களித்த நிலையே பெரும்பாலும் பரிந்துரைக்கப்படுகிறது. ஆனால், ஆழ்ந்த உறக்கத்துக்கு இதுதான் சிறந்த பொசிஷன் என்று எதையும் அறுதியிட்டுச் சொல்ல முடியாது. கனவுகள் என்பவை உங்கள் மூளை செய்ய வேண்டியதைச் செய்கிறது என்பதற்கான அறிகுறியே. Doctor Vikatan: கனவுகள் இல்லாத நிம்மதியான உறக்கம். உத்தரவாதம் தரும் 10 டிப்ஸ்! கனவுகள் என்பவை உங்கள் மூளை செய்ய வேண்டியதைச் செய்கிறது என்பதற்கான அறிகுறிகளே. கனவு காண்பதைப் பற்றிக் கவலைப்படுவதற்குப் பதிலாக, ஆரோக்கியமான தூக்கப் பழக்க வழக்கங்களில் கவனம் செலுத்துங்கள். பயமுறுத்தும் கனவுகள் தொடர்ந்து வந்தாலோ, தூக்கத்தின்போது சுவாசக் கோளாறு ஏற்பட்டாலோ அல்லது தூக்கமின்மை வாரக்கணக்கில் நீடித்தாலோ, அதைப் புறக்கணிக்காதீர்கள். மனநல மருத்துவர் அல்லது தூக்கவியல் நிபுணரை (sleep specialist) கலந்தாலோசிப்பது நல்லது. பெரும்பாலான தூக்கக் கோளாறுகளுக்குச் சிகிச்சையின் மூலம் நல்ல தீர்வு காண முடியும். டாக்டர் ரோஹித் கன்னா:சென்னையைச் சேர்ந்த Schizophrenia Research Foundation (SCARF) India அமைப்பில் மனநல மருத்துவராகப் பணிபுரிகிறார். உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் என்ற பெயரில் வெளியாகும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.