Doctor Vikatan: டெங்கு பாதிப்பு வராமலிருக்க தடுப்பூசி இருக்கிறதா. இதுவரை அது பற்றி யாரும் பேசிய மாதிரி இல்லை. வராமல் தடுக்க உதவும் மருந்துகள் உண்டா? பதில் சொல்கிறார், சென்னையைச் சேர்ந்த, தொற்றுநோய் சிகிச்சை மருத்துவர் டி. சுரேஷ்குமார் தொற்றுநோய் சிகிச்சை மருத்துவர் டி. சுரேஷ்குமார் 2026 ஜூலையில், இந்தியாவில் டெங்கு தடுப்பூசிக்கு ஒப்புதல் அளிக்கப்பட்டது. 4 முதல் 60 வயது வரை உள்ளவர்களுக்கான இந்த 'டெட்ராவேலன்ட் லைவ்-அட்டெனுவேட்டட்' (tetravalent live-attenuated) டெங்கு தடுப்பூசி, 2027-ம் ஆண்டில் வணிகரீதியாகக் கிடைக்கும் என்று எதிர்பார்க்கப்படுகிறது. இந்தத் தடுப்பூசி நான்கு வகையான டெங்கு வைராலஜிக்கல் பிரிவுகளுக்கும் எதிராகப் பாதுகாப்பளிக்கும் வகையில் வடிவமைக்கப்பட்டுள்ளது. இருப்பினும், எந்தவொரு தடுப்பூசியும் முழுமையான பாதுகாப்பிற்கு உத்தரவாதம் அளிப்பதில்லை என்பதையும், ஒருவரின் மருத்துவ வரலாறு மற்றும் அங்கீகரிக்கப்பட்ட வழிகாட்டுதல்களின் அடிப்படையில் மருத்துவரின் ஆலோசனையைப் பெற்றே இதன் தகுதி தீர்மானிக்கப்பட வேண்டும் என்பதையும் நினைவில் கொள்ள வேண்டும். தற்போது, டெங்கு தொற்றைத் தடுக்கவோ அல்லது குணப்படுத்தவோ வாய்வழி எடுத்துக்கொள்ளக்கூடிய குறிப்பிட்ட மாத்திரைகளோ மருந்துகளோ எதுவும் இல்லை. கொசுக்கடியைத் தவிர்ப்பதும், கொசுக்கள் உற்பத்தியாவதைக் கட்டுப்படுத்துவதுமே எந்தக் காலத்திலும் மிகவும் பயனுள்ள தடுப்பு நடவடிக்கை. டெங்குDoctor Vikatan: டெங்கு காய்ச்சல் பாதித்தால் கட்டாயம் மருத்துவமனையில் அட்மிட் செய்ய வேண்டுமா? பொதுமக்கள் கொசு விரட்டிகளைப் பயன்படுத்த வேண்டும். கை மற்றும் கால்களை முழுமையாக மூடும் ஆடைகளை அணிய வேண்டும், சாத்தியமான இடங்களில் ஜன்னல்களுக்கு வலைகளைப் பயன்படுத்த வேண்டும், மேலும் பாத்திரங்கள், கூலர்கள், பூத்தொட்டிகள் மற்றும் பிற வீட்டு உபயோகப் பொருள்களில் தண்ணீர் தேங்காமல் பார்த்துக் கொள்ள வேண்டும். ஏடிஸ் (Aedes) கொசுக்கள் மூலமே டெங்கு பரவுகிறது என்பதையும், இவை பகல் நேரங்களிலும் மற்ற நேரங்களிலும் கடிக்கக்கூடும் என்பதையும் நினைவில் கொள்வது முக்கியம். எனவே, தடுப்பூசி போடுவதைக் கருத்தில் கொண்டாலும், இத்தகைய தடுப்பு நடவடிக்கைகளையும் எளிய ஆதரவு சிகிச்சைகளையும் (supportive care) தொடர்ந்து பின்பற்ற வேண்டும். டாக்டர் டி. சுரேஷ்குமார்: சென்னை அப்போலோ மருத்துவமனையில் தொற்றுநோய் சிகிச்சை மருத்துவராகப் பணிபுரிகிறார். இத்துறையில் 23 ஆண்டுகள் அனுபவம் உள்ளவர். உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் என்ற பெயரில் வெளியாகும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.
Lire l'article complet
https://www.vikatan.com/health/rising-dengue-cases-is-there-a-vaccine-to-prevent-it
