🎥Cinéma

Idhayam Murali: "முதல்ல 'இதயம் முரளி' டைட்டில் வேண்டாம்னு சொன்னேன்!" - பகிரும் அதர்வா

🇮🇳Vikatan

1 juil. 2026

'டான் பிக்சர்ஸ்' ஆகாஷ் பாஸ்கரன் இயக்குநராக அறிமுகமாகும் 'இதயம் முரளி' திரைப்படம் ஜூலை 10-ம் தேதி திரையரங்குகளில் வெளியாகிறது. அதர்வா, கயாடு லோஹர், ப்ரீத்தி முகுந்தன் ஆகியோர் நடித்திருக்கும் இந்தப் படத்திற்கு தமன் இசையமைத்திருக்கிறார். இப்படத்தின் ரிலீஸையொட்டி சினிமா விகடன் சேனலுக்கு அதர்வா பேட்டியளித்திருக்கிறார். இந்தப் பேட்டியில், 'இதயம் முரளி' என்கிற தலைப்பை முதலில் வைக்க வேண்டாம் எனக் கூறியதாக அதர்வா குறிப்பிட்டிருக்கிறார். அதர்வா - இதயம் முரளி நம்மிடையே பேசிய அதர்வா, ``உண்மையச் சொல்ல வேண்டுமென்றால், 'இதயம் முரளி' என்ற தலைப்பு எனக்குத் தெரிந்து கடந்த 2016-ம் ஆண்டிலிருந்தே திரைத்துறையில் பேசப்பட்டு வந்தது. 'இந்த இயக்குநர் பண்ணுகிறார், அந்த நடிகர் பண்ணுகிறார்' என்று பல தரப்பிலும் பேசப்பட்டது. ஆனால், இறுதியில் அந்தத் தலைப்பு ஒரு நல்ல படத்திற்காக என்னை வந்து சேர்ந்ததில் எனக்கு மிகுந்த மகிழ்ச்சி. முன்பு வெளியான 'இதயம்' திரைப்படம் ஒரு கல்ட் கிளாசிக் காதல் காவியம். அது ஒருதலைக் காதலைப் பற்றிய கதையாக இருந்தாலும், காலப்போக்கில் அது பலரின் உணர்வாகவே மாறிவிட்டது. அந்தத் தலைப்பு, ஒருதலைக் காதல் செய்யும் ஒட்டுமொத்த ரசிகர்களுக்கும் ஒரு தனித்துவமான எமோஷன் தான். அதனால், இந்தத் திரைப்படம் எனக்கு மிகவும் ஸ்பெஷலானது. முதலில் படத்திற்கு இந்தத் தலைப்பை வைக்கலாம் என்று சொன்னபோது, நான் இயக்குநர் ஆகாஷிடம், 'ஆகாஷ், இந்தத் தலைப்பு மட்டும் வேண்டாம், வேறு ஏதாவது மாற்றி வையுங்கள்' என்றுதான் கூறினேன். அதற்கு முழுமையாக மறுப்பு தெரிவிக்கவில்லை என்றாலும், அந்தத் தலைப்பை வைப்பதில் எனக்கு ஆரம்பத்தில் உடன்பாடு இல்லை. அது சரியாக இருக்குமா என்ற தயக்கம் இருந்தது. அதனால், அவர் எனக்குக் கதையைத் திரைக்கதை வடிவமாக மாற்றிக் கொடுக்கும்போதெல்லாம் வேறு ஒரு தலைப்பைப் போட்டுத்தான் தருவார். ஆனால், இறுதியாக 'இக்கதைக்கு இதுதான் மிகப்பொருத்தமான தலைப்பு' என்று அவர் விளக்கியபோது, நானும் மிகுந்த உற்சாகத்தோடு, 'சூப்பர், இதையே பண்ணலாம்' என்று சம்மதித்தேன். இதயம் முரளி படம் என் அம்மா பெரிய அளவில் எமோஷனலாகப் பேச மாட்டார். ஆனால், 'இந்தப் படம் ஒரு நல்ல திரைப்படமாக வர வேண்டும் என்பதை மட்டும் உறுதி செய்து கொள்' என்று அறிவுறுத்தினார். அம்மாவின் அந்த வார்த்தை என் மனதில் எப்போதும் ஓடிக்கொண்டே இருக்கும். அதனால், தினமும் காலையில் படப்பிடிப்புக்குச் செல்வதற்கு முன்பே இயக்குநர் ஆகாஷிற்கு போன் செய்து விடுவேன். 'ஆகாஷ், இது நமக்கு மிக முக்கியமான படம். இந்த சீன் கச்சிதமாக வந்துவிடுமா? அந்த சீன் சரியாக வந்துவிடுமா?' என்று தொடர்ந்து கேட்பேன். வழக்கமாக ஒரு திரைப்படத்திற்குப் போடும் உழைப்பை விட, அல்லது எடுத்துக்கொள்ளும் அக்கறையை விட, இந்தத் திரைப்படத்திற்கு எனக்குக் கூடுதல் பொறுப்பு இருந்தது." என்றார். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.

Sourcecinema.vikatan.com

Lire l'article complet

https://cinema.vikatan.com/kollywood/atharvaa-about-idhayam-movie-title-tamil-aakash-baskaran

Article complet

Vous pourriez aussi aimer

Toutes les actualités →

🎥Cinéma

Bhagyaraj: "தாத்தா சாமிகிட்ட போயிட்டார்னு அவருடைய பேரன் பூஜை அறையில் தேடினான்!" - பார்த்திபன் பேட்டி

இயக்குநரும் நடிகருமான கே. பாக்யராஜின் மறைவு தமிழ் திரையுலகிற்கு அதிர்ச்சியை ஏற்படுத்தியது. பாக்யராஜின் இறுதிச் சடங்கிற்கான வேலைகள் அனைத்தையும், அவருடைய சீடரான பார்த்திபன் முன் நின்று கவனித்துக் கொண்டார். பாக்யராஜிடம்தான், பார்த்திபன் உதவி இயக்குநராகப் பணியாற்றினார். அன்று முதல் அத்தனை நெருக்கமான பாக்யராஜுடன் பயணித்து வந்த பார்த்திபனை, இச்சம்பவம் பெரிதும் பாதித்தது. பாக்யராஜ் மறைவு குறித்தும், அவருடனான நினைவுகள் குறித்தும் நம் சினிமா விகடன் சேனலுக்கு அளித்த பேட்டியில் பார்த்திபன் பகிர்ந்துகொண்டார். Bhagyaraj அவர் பேசுகையில், "எங்கள் இயக்குநர் கே.பாக்யராஜ் சார் கொடுத்த நம்பிக்கைதான் என் தந்தை நிம்மதியாகக் கண்மூடக் காரணமாக இருந்தது. பொதுவாக, மரண தருவாயில் இருக்கும் எந்தவொரு தந்தைக்கும் 'நமக்குப்பின் நம் மகன் என்ன ஆவான்?' என்ற கவலை இருக்கவே செய்யும். ஆனால், அதையெல்லாம் தாண்டி, 'என்றாவது ஒரு நாள் என் மகன் ஒரு நல்ல நிலைக்கு வருவான்' என்ற மிகப்பெரிய நம்பிக்கையை என் தந்தைக்குள் விதைத்தவர் பாக்யராஜ் சார். நான் அவரிடம் உதவியாளராகச் சேர்வதற்கு முன்பு டப்பிங் பேசுவது, தொலைக்காட்சி நாடகங்களில் நடிப்பது எனப் பல வேலைகளைச் செய்துகொண்டிருந்தேன். அப்போது என் மீது என்னுடைய தந்தைக்குக் கவலை இருந்தது. என் தந்தை உடலநலம் பாதிக்கப்பட்டிருந்த காலகட்டத்தில்தான் நான் பாக்யராஜ் சாரிடம் போய் சேர்ந்தேன். அவரிடம் சேர்ந்தாலும் 'தாவணிக் கனவுகள்' திரைப்படத்தில் நான் 11-வது உதவி இயக்குநராகத்தான் சேர்ந்தேன். நான் சீக்கிரமாக ஹீரோவாகவோ, இயக்குநராகவோ ஆகிவிட வேண்டும் என்கிற சூழ்நிலையில்தான் அப்படத்தில் 'போஸ்ட்மேன்' கதாபாத்திரம் ஒன்றில் பாக்யராஜ் சார் என்னை நடிக்க வைத்தார். என் தந்தையின் புற்றுநோய் பாதிப்பு குறித்தோ, நான் அனுபவித்து வந்த குடும்பக் கஷ்டங்கள் குறித்தோ அவரிடம் நான் எதையும் விளக்கவில்லை. அப்போது எனக்குக் கிடைத்த சம்பளம் வெறும் ரூ.300 மட்டும்தான். அதில் ரூ.270 தந்தையின் மாத்திரைகளுக்கே செலவாகிவிடும். மீதமுள்ள ரூ.30-ஐ வைத்துக்கொண்டு நானும், என் அம்மா, அப்பா, தம்பி என நான்கு பேரும் முப்பது நாட்களும் சாப்பிட வேண்டும். Parthiban About Bhagyaraj முன்னேற வேண்டும் என்ற மனநிலையுடன் இரவும் பகலும் அழுதுகொண்டே உழைப்பேன். 'பார்த்திபன் இப்படி உடைந்து அழுது யாரும் பார்த்ததில்லை' என்று இப்போது பலரும் சொல்கிறார்கள். யாரும் பார்க்கவில்லை என்பதைத் தவிர, நான் பல நாட்கள் தனிமையில் உடைந்து அழுதிருக்கிறேன். நான் மிகவும் சென்சிட்டிவ்வான ஒருவன்தான். என் நிலைமையைப் பற்றிப் புரிந்துகொண்ட பாக்யராஜ் சார், எனக்கு அந்தப் போஸ்ட்மேன் வாய்ப்பை அளித்தார். என் தந்தையும் அதனைப் பார்த்தார். நிறைய பத்திரிகைகளில் என்னைப் பாராட்டி விமர்சனங்கள் வந்தன. அதைப் பார்த்து என் தந்தை அடைந்த சந்தோஷத்திற்கு எல்லையே இல்லை. மரண தருவாயில் இருந்த அவருக்கு அந்த நிம்மதியைத் தந்த என் இயக்குநருக்கு நான் எப்படி நன்றி சொல்வது என்று தவித்தேன். ஒருநாள் என் தந்தையை அவரிடம் அழைத்துச் சென்று நன்றி கூறினோம். என் தந்தை மிகவும் கம்பீரமானவர், எளிதில் கண் கலங்காதவர். ஆனால் அன்று கலங்கினார். 'என் மகனை உங்களிடம் ஒப்படைத்துவிட்டுச் செல்கிறேன்' என்ற எண்ணம் அவரிடம் இருந்தது. அதன் பிறகு சில நாட்களில் என் தந்தையும் காலமாகிவிட்டார். தந்தை இறந்த மூன்றாம் நாளே நான் இயக்குநரின் அலுவலகத்திற்குச் சென்று கீழே நின்றேன். மாடியிலிருந்து என்னைப் பார்த்த இயக்குநர், 'அவனை வீட்டுக்குப்போகச் சொல்லுங்கள்' என்றார். Parthiban About Bhagyaraj தந்தை இறந்ததற்காக 13 நாட்கள் வீட்டிற்குள் இருக்க வேண்டும் என்கிற சடங்குகளை விட, என் இயக்குநரின் அருகில் இருப்பதுதான் எனக்கு முக்கியமாகத் தெரிந்தது. ஆனால், என்னைப் பார்த்தால் அவரும் உணர்ச்சிவசப்பட்டுவிடுவார் என்பதால், 'ஒரு வாரம் கழித்து வரச்சொல்லுங்கள்' என என்னைத் தவிர்த்தார். நானோ மறுநாளும் பிடிவாதமாகப் படப்பிடிப்புத் தளத்திற்குச் சென்றேன். அலுவலகத்தில் எங்களுக்கிடையே எப்போதாவது முரண்பாடுகள் வரும்போது, நான் அவருக்குக் கடிதம் எழுதுவேன். ஒருமுறை அவர், 'இனி எனக்குக் கடிதம் எழுதாதே, அதைப் படிக்கும்போது எனக்கு மிகவும் கஷ்டமாக இருக்கிறது' என்றார். அந்த அளவிற்கு உருக்கமாக எழுதுவேன். அதற்குப் பிறகு நான் எழுதிய ஒரு கடிதத்தில், 'இது கடிதமல்ல, என் உயில்' என்று குறிப்பிட்டிருந்தேன். அதன்பின், அவருடைய சொந்தப் படத்தை நான் இயக்கும் வாய்ப்பு வந்தது. ஆனால், அவருக்குக் கீழ் இருந்தவர்கள் பட்ஜெட் காரணத்தைச் சொல்லிச் சில நெருக்கடிகளை உண்டாக்கினார்கள். பொருளாதார ரீதியாக அவர்கள் சொல்வது சரியாக இருக்கலாம். ஆனால் நான் என் இயக்குநரிடம் விவரித்த பிரம்மாண்டமான கதையை அப்படிச் சுருக்க எனக்கு உடன்பாடில்லை. பிறகு அந்தப் படத்திலிருந்து நான் வெளியேறினேன். அவரை விட்டுப் பிரிந்திருந்த அந்தச் சமயத்தில், என் தாயின் மூக்குத்தியை விற்று, 'தினத்தந்தி' நாளிதழில் ஒரு விளம்பரம் கொடுத்தேன். அதைப் பார்த்து நெகிழ்ந்துபோன இயக்குநர், என்னை அழைத்து வரச் சொன்னார். நான் அவரிடம் செல்லும்போது, 'அவருடைய தயாரிப்பில் நான் மீண்டும் படம் இயக்க மாட்டேன்' என்ற ஒரே ஒரு நிபந்தனையுடன் தான் சென்றேன். Parthiban About Bhagyaraj அவர் என்னைப் பார்த்து, 'முன்பு நடந்ததை மறந்துவிடு, நீ படம் இயக்க வேண்டாம், எப்போது வேண்டுமானாலும் என்னிடம் வா' என்றார். பாக்யராஜ் சார் அவருடைய பேரனிடம் ரொம்பவே பாசமாக இருப்பார். பேரனும் தாத்தாவும் காரில் வாக்கிங் செல்வார்கள். பாக்யராஜ் சார் மறைந்த பிறகு, அந்தச் சிறுவனிடம் தாத்தா சாமியிடம் சென்றுவிட்டதாகச் சொல்லியிருக்கிறார்கள். அதற்கு அந்தச் சிறுவன் பூஜை ரூமிற்குச் சென்று தேடிப் பார்த்திருக்கிறான். பாக்யராஜ் சாருக்காக நான் இறுதிச் சடங்கு நிகழ்வில் முன்நின்றது குறித்துப் பலரும் தவறான கமெண்ட்களைப் பதிவிட்டார்கள். 'அனைத்தையும் நீதான் முன்னின்று செய்ய வேண்டும் என நினைக்கிறாய். நீ இறந்துபோனால் யாரும் வந்து பார்க்கமாட்டார்கள்' என்றெல்லாம் சொன்னார்கள். அவையெல்லாம் என்னை மிகவும் காயப்படுத்தின." என்றார் வேதனையுடன். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

🎥Cinéma

Ananda Vikatan Cinema Awards: பிரதீப் ரங்கநாதன் முதல் சாய் அபயங்கர் வரை! | Full Winners List

முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

🎥Cinéma

பாலிவுட் நடிகை உர்ஃபி ஜாவேத் இந்து மதத்துக்கு மாறினாரா? - அஸ்ஸாம் கோயிலில் தரிசனம் குறித்து விளக்கம்

ஆடை அணிவதில் தொடர்ந்து பல்வேறு சர்ச்சைகளை ஏற்படுத்தி வரும் பாலிவுட் நடிகையும், டிவி பிரபலமுமான உர்ஃபி ஜாவேத், எதைச் செய்தாலும் சர்ச்சைக்குறிய வகையில் செய்வது வழக்கம். அவர் இஸ்லாம் மதத்தில் இருந்து இந்து மதத்திற்கு மாறிவிட்டதாகவும், அவரது பெயரை ரிதா பரத்வாஜ் என்று மாற்றிக்கொண்டதாகவும் செய்தி பரவியது. இச்செய்தி பரவிய நிலையில் அவர் அஸ்ஸாம் மாநிலம் கவுகாத்தியில் உள்ள காமாக்யா கோவிலுக்கு சென்று தரிசனம் செய்துள்ளார். கோயிலுக்கு வரும் போது வழக்கமான உடைகளை தவிர்த்து பாரம்பரிய உடையில் அணிந்து வந்திருந்தார். பின்னர் இது தொடர்பான புகைப்படங்களை அவர் தனது இன்ஸ்டாகிராம் பக்கத்தில் பகிர்ந்துள்ளார். அதில் கைகளைக் குவித்தபடியும், நெற்றியில் குங்குமம் வைத்த படி தொடர்ச்சியான புகைப்படங்களைப் பகிர்ந்துள்ளார். மேலும் காமாக்யா தேவி கோயிலுக்கு சென்றேன் என்று பகிர்ந்துள்ளார். அதோடு இந்து மதத்திற்கு மாறிவிட்டதாக வெளியாகி இருக்கும் செய்திக்கும் விளக்கம் அளித்துள்ளார். அவர் இது தொடர்பாக வெளியிட்டுள்ள இன்ஸ்டாகிராம் பதிவில், ``இந்து மதத்திற்கு மாறிவிட்டதாக வெளியாகும் கூற்றுக்களில் எந்த உண்மையும் இல்லை. ஏனது பெயரையோ, மதத்தையோ மாற்றிக் கொள்ளவில்லை. எனக்கு எந்த மதத்திலும் நம்பிக்கை இல்லை. எனது அடையாளத்தில் எந்த வித மாற்றமும் இல்லை" என்று குறிப்பிட்டுள்ளார். சரியாக உண்மைச் சரிபார்ப்பு இல்லாமல் இதுபோன்ற கூற்றுக்கள் ஏன் பரப்பப்படுகின்றன என்றும் அவர் கூறியுள்ளார். கடந்த ஆண்டு, உர்ஃபி ஜாவேத் பாபுல்நாத் கோயிலுக்குச் சென்றார். அங்கு அவர் கோயிலின் செங்குத்தான படிக்கட்டுகளில் முழங்காலில் ஏறிச்சென்று தரிசனம் செய்தார் என்பது குறிப்பிடத்தக்கது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

🎥Cinéma

ஒடிசா: 5-ம் வகுப்பு பாடப் புத்தகத்தில் இடம்பெற்ற ஐஸ்வர்யா ராய் பாடல்; வலுக்கும் கண்டங்கள்!

ஒடிசா மாநிலத்தில் 5-ஆம் வகுப்பு மாணவர்களுக்கான அரசுப் பாடப் புத்தகத்தில், நடிகை ஐஸ்வர்யா ராய் நடித்து 1999-இல் வெளியான 'ஹம் தில் தே சுகே சனம்' திரைப்படத்தின் பிரபலமான 'நிம்புடா நிம்புடா' பாடல் இடம்பெற்றிருப்பது பெரும் சர்ச்சையை ஏற்படுத்தி இருக்கிறது. 5-ம் வகுப்பு பாடப் புத்தகத்தில் இடம்பெற்ற ஐஸ்வர்யா ராயின் பாடல் ராஜஸ்தான் மாநில நாட்டுப்புறப் பாடலான இது, திரைப்படப் பாடலாகப் புத்தகத்தில் அப்படியே அச்சிடப்பட்டுள்ளது சமூக வலைதளங்களில் கடும் கண்டனக் குரல்களை எழுப்பியுள்ளதுடன், கல்வியாளர்கள் மத்தியிலும் அதிர்ச்சியை ஏற்படுத்தியுள்ளது. புத்தகத்தைத் தொகுக்கும்போது ஏற்பட்ட கவனக்குறைவால் இந்தத் தவறு நடந்திருக்கலாம் என்று கூறப்படும் நிலையில், ஒடிசா மாநிலக் கல்வி ஆராய்ச்சி மற்றும் பயிற்சி கவுன்சிலின் (SCERT) பாடப்புத்தகங்களில் மொத்தம் 1,600-க்கும் மேற்பட்ட பிழைகள் கண்டறியப்பட்டுள்ளன. குறிப்பாக, 8-ஆம் வகுப்புப் புத்தகங்களில் மட்டும் அதிகபட்சமாக 705 பிழைகள் உள்ளன. SCERT இந்த விவகாரம் பூதாகரமானதைத் தொடர்ந்து, பாடப்புத்தகங்கள் அனைத்தும் தீவிர ஆய்வுக்கு உட்படுத்தப்பட்டு, அவை விரைவில் திருத்தப்பட்டு மாணவர்களுக்கு வழங்கப்படும் என்று ஒடிசா மாநில பள்ளி மற்றும் மக்கள் கல்வித்துறை அமைச்சர் நித்யானந்த கோண்ட் தெரிவித்துள்ளார். மேலும், இந்தத் தவறு குறித்து முழுமையாக விசாரிக்க விசாரணைக் குழு ஒன்று அமைக்கப்பட்டுள்ளதாக ஒடிசா மாநில முதல்வர் மோகன் சரண் மாஜி அறிவித்துள்ளார். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

Actualités Tamoules

Restez informé avec les dernières actualités de sources fiables

Toutes les actualités Retour à l'accueil

Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.

Sourcecinema.vikatan.com

Lire l'article complet

https://cinema.vikatan.com/kollywood/atharvaa-about-idhayam-movie-title-tamil-aakash-baskaran

Article complet