கூட்டுறவு வங்கிகளில் தங்க நகைக்கடன் ரூ.10 ஆயிரமாக உயருகிறது?

சென்னை, கூட்டுறவு வங்கிகள் மற்றும் கூட்டுறவு சங்கங்களில் தங்க நகைகளை அடமானம் வைத்து பெறப்படும் கடன் தொகையை உயர்த்த கூட்டுறவுத் துறை முடிவு செய்துள்ளது. அதன்படி, ஒரு கிராம் தங்கத்திற்கு அதிகபட்சமாக ரூ.10 ஆயிரம் வரை கடன் வழங்கப்பட உள்ளது. ரூ.8 ஆயிரம் வரை வழங்கப்படுகிறது தமிழகத்தில் உள்ள கூட்டுறவு வங்கிகள் மற்றும் கூட்டுறவு சங்கங்களில் தங்க நகைகளை அடமானம் வைத்தால், ஒரு கிராம் தங்கத்திற்கு தற்போது அதிகபட்சமாக ரூ.8 ஆயிரம் வரை கடன் வழங்கப்படுகிறது. தங்கத்தின் விலை தொடர்ந்து அதிகரித்து வரும் நிலையில், இந்தக் கடன் தொகையை உயர்த்த நடவடிக்கை எடுக்கப்பட்டுள்ளது. தங்கம் விலை தொடர்ந்து உயர்வு சர்வதேச சந்தை நிலவரங்களின் தாக்கத்தால் தங்கத்தின் விலை மீண்டும் உயர்ந்து வருகிறது. நேற்று 22 காரட் ஆபரணத் தங்கத்தின் விலை ஒரு சவரனுக்கு ரூ.1 லட்சத்து 19 ஆயிரத்து 600 ஆக இருந்தது. இதனால், தங்கத்தை அடமானம் வைத்து அதிகளவில் கடன் பெறும் நிலை ஏற்பட்டுள்ளது. தனியார் நிறுவனங்களுடன் போட்டி தேசியமயமாக்கப்பட்ட வங்கிகள் மற்றும் தனியார் நிதி நிறுவனங்களில் ஒரு கிராம் தங்கத்திற்கு அதிகபட்சமாக ரூ.10 ஆயிரம் வரை கடன் வழங்கப்படுகிறது. இதனால், அதிக வாடிக்கையாளர்களை ஈர்க்கும் வகையில் கூட்டுறவு நிறுவனங்களிலும் தங்க நகைக்கடன் தொகையை உயர்த்த முடிவு செய்யப்பட்டுள்ளது. விரைவில் அதிகாரப்பூர்வ ஒப்புதல் கூட்டுறவு நிறுவனங்களில் ஒரு கிராம் தங்கத்திற்கு ரூ.9 ஆயிரம் முதல் ரூ.10 ஆயிரம் வரை கடன் வழங்கும் வகையில் புதிய வரம்பை நிர்ணயிக்க திட்டமிடப்பட்டுள்ளது. இதுதொடர்பாக வரும் வாரம் நடைபெற உள்ள கூட்டுறவுத் துறை உயரதிகாரிகள் கூட்டத்தில் ஒப்புதல் அளிக்கப்பட உள்ளதாக தகவல் வெளியாகி உள்ளது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.