பாலிவுட் நடிகர் ஆமீர் கான், தனது காதலி கௌரி ஸ்ப்ராட்டை மும்பை பான்ட்ராவில் உள்ள தனது இல்லத்தில் எளிமையான முறையில் பதிவுத் திருமணம் செய்து கொண்டார். சில நாள்களுக்கு முன்பு தனக்கும் கெளரி ஸ்ப்ராட்டுக்கும் ஜூன் 5-ம் தேதி திருமணம் நடைபெறவிருப்பதாக ஆமீர் கான் அறிவித்திருந்தார். இந்நிலையில் இவர்களுக்கு இன்று திருமணம் நடைபெற்றிருக்கிறது. குடும்பத்தினர் மற்றும் முக்கிய நண்பர்கள் முன்னிலையில் இந்தத் திருமணம் நடைபெற்றிருக்கிறது. இவர்களுடைய திருமணத்திற்குத் திரைப்பிரபலங்கள் பலரும் வாழ்த்து தெரிவித்து வருகிறார்கள். ஆமீர் கான் இவர்களின் திருமணப் புகைப்படம் ஒன்று தற்போது சமூக வலைதளங்களில் வெளியாகி வைரலாகி வருகிறது. இந்தத் திருமண நிகழ்வில் கௌரியின் மகன் குயினும், ஆமீர் கானின் மகன்கள் ஆசாத், ஜுனைத் கான், மகள் ஈரா கான் மற்றும் ஆமீர் கானின் தாயார் ஜினத் உசேன் ஆகியோர் முன்னிலையில் இந்தப் பதிவுத் திருமணம் நடைபெற்றிருக்கிறது. இவர்களோடு 'லகான்' படத்தின் இயக்குநர் அசுதோஷ் கோவாரிகர், நகைச்சுவை நடிகர் வீர் தாஸ், தொழிலதிபர் முகேஷ் அம்பானி, முன்னாள் கிரிக்கெட் வீரர் இர்பான் பதான், அரசியல் தலைவர் ராஜ் தாக்கரே ஆகியோர் இந்தத் திருமணத்தில் கலந்துகொண்டிருக்கிறார்கள். கெளரியுடன் ஆமீர் கான் நடிகர் ஆமீர் கான் கடந்த 1986-ம் ஆண்டு ரீனா தத்தாவைத் திருமணம் செய்துகொண்டார். இந்தத் தம்பதியருக்கு ஜுனைத் கான் என்ற மகனும், ஈரா கான் என்ற மகளும் உள்ளனர். 16 ஆண்டுக்காலத் திருமண வாழ்க்கைக்குப் பிறகு கடந்த 2002-ம் ஆண்டு விவாகரத்து பெற்றுப் பிரிந்தனர். இதன் பிறகு, பிரபல திரைப்பட இயக்குநரான கிரண் ராவை ஆமீர் கான் கடந்த 2005-ம் ஆண்டு திருமணம் செய்துகொண்டார். இவர்கள் 2021-ம் ஆண்டு விவாகரத்து பெற்றனர். இந்நிலையில், தற்போது தனது நீண்டகாலத் தோழியான கௌரி ஸ்ப்ராட்டை ஆமீர் கான் திருமணம் செய்துகொண்டுள்ளார். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Questo è un riassunto in tamil per una lettura veloce. Per il resoconto completo, il contesto e gli aggiornamenti, apri l’editore originale.
Leggi articolo completo
https://cinema.vikatan.com/bollywood/aamir-khan-gauri-spratt-married-pali-hill-house-bandra-wedding-details
