மீசைய முறுக்கு 2: இசையமைப்பாளர் தேவா வாழ்த்து; ``இது போதும் எனக்கு இது போதுமே!” - ஹிப்ஹாப் ஆதி

ராப் பாடகராக அறிமுகமாகி பல திரைப்படங்களுக்கு இசையமைத்து வெற்றிகரமான இசையமைப்பாளராக வலம் வந்தவர் ஹிப்ஹாப் ஆதி. பின்னர் நடிகர், இயக்குநர் எனத் தனக்கென திரைத்துறையில் ஒரு இடத்தைத் தக்கவைத்துக்கொண்டார். இந்த நிலையில், ஹிப் ஹாப் ஆதி இசையமைத்து, இயக்கி, நடித்துள்ள படம் ‘மீசைய முறுக்கு 2’. 2017-ம் ஆண்டு வெளியான ‘மீசைய முறுக்கு’ திரைப்படம் இளைஞர்கள் மத்தியில் மிகப்பெரிய வரவேற்பைப் பெற்றிருந்த நிலையில், அதன் தொடர்ச்சியாக உருவாகியதே ‘மீசைய முறுக்கு 2’. இந்தப் படத்தில் கெட்டிகா ஷர்மா, ரம்யா ரங்கநாதன், சைத்ரா ஜே. ஆச்சார், நாசர், ஹர்ஷத் கான், பாபா பாஸ்கர், கருணாஸ் உள்ளிட்ட பலர் நடித்துள்ளனர். இசையமைப்பாளர் தேவா - ஹிப்ஹாப் ஆதி கானா பாடல்களையும், கானா கலைஞர்களின் வாழ்க்கையையும் மையமாக வைத்து உருவாகியிருக்கும் இந்தப் படத்துக்கு, வெளியான முதல் நாளிலிருந்தே பெரும் வரவேற்பு கிடைத்திருக்கிறது. இந்நிலையில், இசையமைப்பாளர் தேவா ஹிப்ஹாப் ஆதியை அழைத்து, பாராட்டி வாழ்த்து தெரிவித்திருக்கிறார். இது தொடர்பாக ஹிப்ஹாப் ஆதி தன் எக்ஸ் பக்கத்தில், ``“இது போதும் எனக்கு - இது போதுமே!” - தேவா ஐயாவிற்கு நன்றி கரையிலிருந்து கானாவை திரைக்கு எடுத்து சென்ற ஹீரோ - மீசையை முறுக்கு 2 படத்தைப் பார்த்து பாராட்டியதுதான் இந்தப் படத்திற்குக் கிடைக்ககூடிய மிகப்பெரும் அங்கீகாரம்!" எனக் குறிப்பிட்டிருக்கிறார். "'மீசைய முறுக்கு 2' படத்துக்குப் பிறகு கானா பாடல் மீதான பார்வை மாறும்" - ஹிப்ஹாப் ஆதி முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.