லண்டன் சில்வர்ஸ்டோன் சர்க்யூட்டில் நடைபெற்ற 'லீ மேன்ஸ்' கார் பந்தயத்தில் நடிகரும் ரேஸருமான அஜித்குமார் கலந்துகொண்டார். இந்தக் கார் பந்தயத்தை முதல்வர் விஜய், கொடியசைத்து தொடங்கி வைத்தார். முதலீடுகளை ஈர்ப்பதற்காக லண்டன் சென்றிருக்கும் முதல்வர் விஜய் இந்தக் கார் ரேஸ் நிகழ்வில் கலந்துகொண்டு, பந்தயத்தையும் தொடங்கி வைத்தார். ரேஸ் தொடங்குவதற்குச் சில மணி நேரத்திற்கு முன்பாகவே ரேஸிங் நிகழ்வு நடந்த இடத்திற்கு வந்த விஜய், அஜித்தைச் சந்தித்துப் புகைப்படங்கள் எடுத்துக்கொண்டார். Ajith Kumar - Vijay அங்கு இருவரும் ரசிகர்களை நோக்கிச் கையசைத்த வீடியோக்களும், புகைப்படங்களும் இணையத்தில் வைரலாகின. அதற்குப் பிறகு ரேஸ் டிராக்கில் அஜித்துக்கு வாழ்த்து தெரிவித்து, பந்தயத்தையும் கொடியசைத்துத் தொடங்கி வைத்தார். பந்தய முடிவிற்குப் பிறகு ரேஸ் குறித்து அஜித்குமார், முதல்வர் விஜய்க்கு விளக்கமளித்தார். பின்னர், விஜய்யும் ரேஸிங் சூட் ஒன்றை அணிந்துகொண்டு அஜித்துடன் இந்தியக் கொடியைப் பிடித்தவாறு புகைப்படங்கள் எடுத்துக்கொண்டார். இதனையடுத்து, முதல்வர் விஜய், அஜித்துக்குக் கார் மினியேச்சர் ஒன்றையும் பரிசளித்திருக்கிறார். இந்தப் பரிசில், 'பிரியமுடன் விஜய், To my lovely brother Ajith' எனக் கையெழுத்திட்டு வழங்கியிருக்கிறார். View this post on Instagram A post shared by Vikatan (@vikatan_emagazine) அஜித்தும், தன்னுடைய ஹெல்மட் ஒன்றை முதல்வர் விஜய்க்கு அன்பளிப்பாக வழங்கியிருக்கிறார். இந்தப் புகைப்படங்கள் இப்போது இணையத்தில் வைரலாகி வருகின்றன. '48 லேப்ஸ்; 282.8 கி.மீ கவரேஜ்!' - ரேஸில் அஜித் எத்தனையாவது இடம் பிடித்தார்? - உண்மை என்ன? முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dette er et tamilsk resumé til hurtig læsning. For den fulde historie, ekstra kontekst og opdateringer, åbn den oprindelige udgiver.
Læs fuld artikel
https://cinema.vikatan.com/kollywood/cm-vijay-flags-off-ajith-le-mans-race-london-silverstone
