சென்னை, ரக்ஷா பந்தனை முன்னிட்டு பயணிகளின் வசதிக்காக, கூட்டநெரிசலை தவிர்க்கும் வகையில் ராஜஸ்தான் மாநிலம் ஜோத்பூரில் இருந்து சென்னை சென்டிரலுக்கு சிறப்பு ரெயில் இயக்கப்படும் என்று தெற்கு ரெயில்வே அறிவித்துள்ளது. இதுதொடர்பாக வெளியிடப்பட்டுள்ள செய்திக்குறிப்பில் தெரிவிக்கப்பட்டிருப்பதாவது:- ஜோத்பூர் - சென்னை கடற்கரை/சென்னை சென்டிரல் எக்ஸ்பிரஸ் சிறப்பு ரெயில் (வண்டி எண். 04815) வருகிற 29-ந்தேதி (சனிக்கிழமை) இரவு 9.20 மணிக்கு ஜோத்பூரில் இருந்து புறப்பட்டு மூன்றாவது நாள் இரவு 8 மணிக்கு சென்னை வந்தடையும். மறுமார்க்கத்தில் சென்னை சென்டிரல் - ஜோத்பூர் எக்ஸ்பிரஸ் சிறப்பு ரெயில் (வண்டி எண். 04186) வருகிற செப்டம்பர் 1-ந்தேதி (செவ்வாய்க்கிழமை) மாலை 5.15 மணிக்கு சென்னை சென்டிரலில் இருந்து புறப்பட்டு மூன்றாவது நாள் இரவு 8.30 மணிக்கு ஜோத்பூர் சென்றடையும். இந்த சிறப்பு ரெயில்களுக்கான முன்பதிவு நாளை மறுநாள் (23-ந்தேதி) காலை 8 மணிக்கு தொடங்கும். இவ்வாறு அதில் தெரிவிக்கப்பட்டுள்ளது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dette er et tamilsk resumé til hurtig læsning. For den fulde historie, ekstra kontekst og opdateringer, åbn den oprindelige udgiver.
Læs fuld artikel
https://www.dailythanthi.com/news/tamilnadu/attention-passengers-special-train-between-chennai-central-and-jodhpur
