Udgivet
23. jun. 2026
Kildenavn
BBC Tamil
Land
Russia
சோவியத் ரஷ்யாவில் ஜோசப் ஸ்டாலின் ஆட்சிக் காலத்தில் பிரபலமான ஃபென்யா என்கிற ரகசிய மொழி இன்று சைபர் குற்றவாளிகளால் பயன்படுத்தப்படுகிறது. இந்த மொழியின் தோற்றம், வரலாறு, பரிணாமம் ஆகியவற்றை இந்தக் கட்டுரை விளக்குகிறது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dette er et tamilsk resumé til hurtig læsning. For den fulde historie, ekstra kontekst og opdateringer, åbn den oprindelige udgiver.
Fuld artikel — se linket nedenfor
பழங்குடிகள் மற்றும் தோட்ட தொழிலாளர்கள் நிறைந்த மலை மாவட்டமான நீலகிரியில், முதல் தலைமுறையாக கல்வி பயிலும் மாணவர்களின் ஒரே புகலிடமாக அரசுப் பள்ளிகள் செயல்பட்டு வருகின்றன. அதிலும் குறிப்பாக பட்டியல் சமுதாயத்தைச் சேர்ந்த மாணவர்கள் அதிக எண்ணிக்கையில் அரசுப் பள்ளிகளில் பயின்று வருகின்றனர். வடமாநிலத் தொழிலாளர்களின் குழந்தைகளும் அரசுப் பள்ளிகளில் அதிக எண்ணிக்கையில் சேர்ந்து வருகின்றனர். அதேவேளையில், அரசுப் பள்ளிகளில் மாணவர் எண்ணிக்கை கணிசமாகக் குறைந்து வருகிறது. நடப்பு கல்வியாண்டில் நீலகிரி மாவட்டத்தில் உள்ள 48 அரசு தொடக்கப் பள்ளிகளில் ஒற்றை மாணவர் சேர்க்கைகூட நடைபெறவில்லை என்கிற அதிர்ச்சி தகவல்கள் வெளியாகியிருக்கின்றன. AI Rep image இதான் பின்னணி குறித்து நம்மிடம் பேசிய நீலகிரி மாவட்டக் கல்வித்துறை அதிகாரிகள், " இந்த மாவட்டத்தில் 501 அரசு மற்றும் அரசு உதவி பெறும் பள்ளிகள் இயங்கி வருகின்றன. நடப்பு கல்வியாண்டான 2026-27 - ல் தற்போது வரை 1- ம் வகுப்பில் 1,689 மாணவர்களும், 6- ம் வகுப்பில் 2,749 , 11- ம் வகுப்பில் 2924 மாணவர்களும் புதிதாக சேர்ந்துள்ளனர். கடந்த கல்வியாண்டைக் காட்டிலும் நடப்பு கல்வியாண்டில் 1- ம் வகுப்பு முதல் 12- ம் வகுப்பு வரை மாணவர் எண்ணிக்கை 32 ஆயிரத்து 437 ஆக குறைந்திருக்கிறது. குறிப்பாக 28 அரசு பள்ளிகளில் 1- ம் வகுப்பில் புதிதாக சேர்க்கை நடைபெறவில்லை" என்றனர். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர் என்னை பெண் பார்க்க வந்த நாளில்தான் குமாரை (பெயர் மாற்றப்பட்டுள்ளது) நான் முதன் முதலாகப் பார்க்கிறேன். சுமார் 20 வயது இருக்கும். மாப்பிள்ளையின் உறவு தான். குழந்தை போல வாயில் விடாது நீர் வடிந்து கொண்டே இருந்தது. கைக்குட்டை யால் வாயைத் துடைத்தபடியே இருந்தான். மீண்டும் குமாரை 20 வருடங்களுக்குப் பிறகு தான் பார்த்தேன். இன்னும் திருமணம் ஆகவில்லை. அம்மா இறந்துவிட்டார். படிப்பறிவு இல்லாத ஏழைகள். பையனுக்கு புத்தி சுவாதீனம் இல்லை. பிராப்தம் அவ்வளவுதான் என்று மகனின் குறையோடே வாழ்ந்து பழகி விட்டார் குமாரின் அப்பா. நாங்கள் அப்போது மதுரையில் இருந்தோம். அங்கு பிரபலமான மனநல மருத்துவரான சி. ராமசுப்பிரமணியம் அவர்களிடம் ஆலோசனைக் கேட்க முடிவு செய்தோம். மருத்துவரிடம் நியமன நேரம் பெற்று, அவரை சந்தித்தபோது தான் தெரிந்தது, குமாரின் நாக்கு கீழ் அன்னத்தோடு ஒட்டி உள்ளது என்று. சிறிய அறுவை சிகிச்சை மூலம் சரிசெய்து "பேச்சுப் பயிற்சி"யும் அளிக்கப்பட்டது. தனது முற்பதுகளில்தான் முதன்முறையாக "அப்பா, அக்கா, மாமா, அத்தை" என்று ஒற்றை வார்த்தைகளைச் சொல்ல குமாருக்கு முடிந்தது. அன்றைக்கு குமாரின் முகத்தில் நான் பார்த்த சந்தோஷத்தை, வெறும் வார்த்தைகளால் விவரித்து விட முடியாது. அது, "ஹியரிங் ஏய்டு" மூலம் முதன்முதலாக அம்மா குரல் கேட்ட ஒரு குழந்தையின் சந்தோஷம், "அறுவை சிகிச்சைக்குப் பிறகு" பார்வை கிடைத்தவன் சந்தோஷம் போல, தனது குரலைத் தானே கேட்டு மகிழ்ந்த அந்த சந்தோஷம்...... இதைவிட பேரின்பம் என்னவென்றால், கட்டணம் ஏதும் வசூலிக்காமல் தனக்குப் பேச்சு கொடுத்த மருத்துவருக்கு பிரதிபலனாக அவருடனேயே இருந்து அவருடன் சேவை செய்ய முடிவு செய்து, மருத்துவரின் அழகர் கோவிலில் உள்ள அவரது 'போதி வளாகத்தில்' சிகிச்சை பெற்று வருபவர்களை கண்காணிக்கும் பொறுப்பை ஏற்று இன்றுவரை செவ்வனே செய்து வரும் குமாருக்கு, அதே வளாகத்தில் "பால் பண்ணை" அமைத்து அதற்கு அவரை பொறுப்பாளராகவும் நியமனம் செய்துள்ளார் மருத்துவர். குமார் மட்டுமல்ல, பல குமார்களும், குமாரிகளும் அங்குத் தங்கி சிகிச்சை பெற்று வருகிறார்கள். அவர்களுக்கும் தோட்டவேலை, அடுமனை வேலை என அவரவருக்குப் பிடித்த வேலைகளில் சிகிச்சையோடு பயிற்சியும் அளித்து அதன் மூலம் அவர்கள் சம்பாதிக்கவும் ஏற்பாடுகள் செய்கிறார் மருத்துவர். போதி வளாகத்தைப் பார்த்த பிறகு (2004-ல்) அங்குள்ள 'Visitor's Notebook' -ல் நான் எழுதி வந்தது: அக்கரை பச்சையை இக்கரையில் இருந்து ரசித்தேன். அருகில் சென்று பார்க்க இருகை தட்டி பரிசல்காரனை அழைத்தேன். அந்திமாலைப் பொழுது அது இதமாய் வீசிய தென்றலில் நனைந்தேன் அக்கரை இக்கரையானது. அக்கரையில் இருந்து நான் கண்டது இக்கரையில் வாழும் பசுமையான உள்ளம் கொண்ட நல் இதயங்களை - என்பதை உணர்ந்தேன். உடலுக்கு தான் வயது உள்ளத்துக்கு அல்ல - உள்ளதை உள்ளபடி ஏற்றுக்கொள்ளவும் வெளிப்படுத்தவும் நல்ல உள்ளம் வேண்டும். நல்ல உள்ளங்களை இனம் கண்டு சேவை செய்யும் நல் இதயங்களில் 'செல்லமுத்து அறக்கட்டளையும்' ஒன்று. நல்ல உள்ளங்களை நல்வழி கொண்டு செல்லும் நல் இதயத்திற்கு நன்றி கலந்த வணக்கங்கள். மருத்துவரின் சேவை இன்றுவரை தொடர்ந்து கொண்டுதான் இருக்கிறது. -இளவேணி இராசேந்திரன் வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் முயற்சியே ‘My Vikatan’. இந்த ‘My Vikatan’ பிரிவில் பதிவாகும் கட்டுரைகளுக்கு என பிரத்யேகமான ஒரு வாட்ஸ்அப் கம்யூனிட்டி க்ரூப் உருவாக்கப்பட்டுள்ளது. இதில் இணைந்திருப்பதன் மூலம், ‘My Vikatan’கட்டுரைகள், ‘My Vikatan’ தொடர்பான அறிவிப்புகள் என அனைத்தையும் உடனே தெரிந்து கொள்ளலாம்..! இதில் இணைய கீழே உள்ள லிங்கை க்ளிக் செய்யுங்க மக்களே...! Link : https://chat.whatsapp.com/G7U0Xo0F63YA5PC6VgYMBQ விகடனில் உங்களுக்கென ஒரு பக்கம்... உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
பணியாளர் வருங்கால வைப்பு நிதி அமைப்பின் உறுப்பினர் வலைதளம், நிறுவனங்களின் வலைதளம், UMANG ஆப் ஆகியவை ஐந்து நாள்களுக்கு தற்காலிகமாக வேலை செய்யாது என்று EPFO அறிவித்துள்ளது. என்ன காரணம்? கணினி மேம்பாட்டுப் பணி காரணமாக இந்த வலைதளங்கள் மற்றும் ஆப் தற்காலிகமாக வேலை செய்யாது. எப்போது முதல் எப்போது வரை? இன்று (ஜூன் 26, 2026) முதல் வருகிற ஜூன் 30, 2026 வரை மேம்பாட்டுப் பணிகள் நடக்க உள்ளது. அதன் பின், வருகிற ஜூலை 1-ம் தேதி முதல் வழக்கம் போல் EPFO வலைதளங்களிலும், UMANG ஆப்பும் செயல்படும். EPFO'இந்திய ரூபாய் மதிப்பு உயர்ந்தாலும், சாதகம் இல்லை' - காரணம் அமெரிக்காவா? இந்த 5 நாள்களில் என்னென்ன சேவைகளை செய்ய முடியாது? > கிளெய்ம் சமர்ப்பித்தல் மற்றும் பரிசீலனை > ECR தாக்கல் > புதிய ஊழியர்களுக்கு UAN இணைத்தல் > e-பாஸ்புக் சேவைகள் ஏன் இந்த மேம்பாட்டுப் பணி? வலைதளங்களும், ஆப்களும் வேகமாகவும், நம்பகத்தன்மையுடனும், பாதுகாப்பாகவும் இருப்பதற்கு இந்த மேம்பாட்டுப் பணி மேற்கொள்ளப்பட்டு வருகிறது. இந்தச் சமயத்தில் முக்கியமான அல்லது அவசரமான பணியாளர் வருங்கால வைப்பு நிதி பணி ஏதேனும் இருந்தால் 14470 எண்ணில் தொடர்பு கொள்ளலாம். Gold: நகை வாங்குவதற்கும் சரி, முதலீடு செய்வதற்கும் சரி இதுதான் சூப்பர் நேரம்; ஆனால்...? முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர் "தெய்வம் மனித உருவில் வரும்" என்று பெரியவர்கள் சொல்வார்கள். அந்த வார்த்தையின் உண்மையான அர்த்தத்தை நான் உணர்ந்தது, என் இரண்டு குழந்தைகளின் பிறப்பின் போதுதான். தேசிய மருத்துவ தினத்தை முன்னிட்டு, என் வாழ்க்கையில் நான் என்றென்றும் நன்றியுடன் நினைக்கும் மருத்துவர் — கோவில்பட்டி கே.ஜி. கிளினிக்கின் டாக்டர்.சுப்புலட்சுமி மேடம், MBBS, DGO. என் முதல் குழந்தை பிறக்கும்போதும், ஆறு ஆண்டுகளுக்குப் பிறகு என் இரண்டாவது குழந்தை பிறக்கும்போதும், நான் நம்பிச் சென்ற மருத்துவர் ஒருவர்தான் – டாக்டர் சுப்புலட்சுமி மேடம். என் இரண்டு குழந்தைகளின் பிறப்பிலும் ஒரே மருத்துவரை நம்பியதே அவர் மீதான என் நம்பிக்கையைச் சொல்கிறது. இரண்டு பிரசவ காலங்களிலும் எனக்கு மிகவும் கடுமையான வலி ஏற்பட்டது. அந்த வலியைத் தாங்க முடியாமல், "அம்மா... தயவுசெய்து சிசேரியன் செய்து விடுங்கள்" என்று கண்ணீருடன் கேட்டேன். ஆனால் அவர் என் கையைப் பிடித்து மிகவும் அமைதியாக, "உன்னுடைய உடல்நிலைக்கு இயல்பான சுகப் பிரசவம் செய்ய முடியும். கொஞ்சம் தைரியமாக இரு. இந்த வலி சில நேரம்தான். உன்னால் முடியும். நான் உன்னுடன் இருக்கிறேன்," என்று சொன்னார். மேலும், அவர் என்னிடம் சொன்ன ஒரு அறிவுரை இன்னும் என் மனதில் ஒலிக்கிறது. "இன்று வலிக்குப் பயந்து தேவையில்லாமல் அறுவை சிகிச்சையைத் தேர்வு செய்யாதே. உன் உடல்நிலைக்கு இயல்பான பிரசவம் சாத்தியமாக இருக்கிறது. அதைத் தாண்டி வந்தால், நீண்ட காலத்திற்கு ஆரோக்கியமாக இருப்பாய்," என்றார். அந்த சில வார்த்தைகள் எனக்கு மருந்தை விடப் பெரிய சக்தியைக் கொடுத்தன. என் பயம் மெதுவாக நம்பிக்கையாக மாறியது. ஆனாலும் என் முதல் குழந்தையின் பிரசவம் அவ்வளவு எளிதானதாக இல்லை. ஒரு கட்டத்தில் குடும்ப உறுப்பினர்கள் அனைவரும் பயந்துதான் போனோம். ஆனால் டாக்டர் சுப்புலட்சுமி மேடம் மட்டும் தன்னுடைய அமைதியையும் நம்பிக்கையையும் இழக்கவில்லை. 'எல்லாம் நல்லபடியாக நடக்கும்' என்ற அவரது வார்த்தைகளும், பொறுமையான அணுகுமுறையும், இறுதியில் என் குழந்தையை சுகப்பிரசவத்தின் மூலம் இந்த உலகிற்கு வரவழைத்து.அந்த நொடி என் கண்கள் ஆனந்த கண்ணீரில் நனைந்து விட்டன. மருத்துவர் மேலும் ஆறு வருடங்கள் கழித்து என் இரண்டாவது குழந்தைக்கு ஏற்பட்ட பிரசவ சிக்கலையும் தீர்த்து வைத்து, மீண்டும் அனைவருக்கும், எனக்கும் நம்பிக்கையும் தைரியமும் கொடுத்து, என் இரண்டாவது குழந்தைக்கும் சுகப்பிரசவம் ஏற்படுத்தி பூமிக்கு வரவழைத்து விட்டார்கள். இன்றும் அந்த இரு சம்பவத்தை நான் நினைத்துப் பார்க்கும்போது, இறைவனின் அருளாலும், டாக்டர் சுப்புலட்சுமி மேடம் கொடுத்த சரியான வழிகாட்டுதலாலும், அவர் சொன்னது போலவே நான் இன்று வரை எனக்கு எந்தவொரு நீண்டகால முதுகுவலி பிரச்சினையும் இல்லாமல் ஆரோக்கியமாக இருக்கிறேன். அந்த உண்மையை நினைக்கும் ஒவ்வொரு முறையும்,அவர் மீது என் நன்றி இன்னும் அதிகமாகிறது. இன்று பல ஆண்டுகள் கடந்துவிட்டன. ஆனால் அவர் இன்னும் அதே கிளினிக்கில், அதே புன்னகையுடன், அதே அன்போடும், அதே நம்பிக்கை தரும் வார்த்தைகளோடும் நோயாளிகளை வரவேற்கிறார். அவரை ஒவ்வொரு முறையும் சந்திக்கும் போதும், "நன்றி மேடம்" என்று சொல்லாமல் என்னால் வர முடியாது. ஒரு மருத்துவரின் உண்மையான வெற்றி அவர் எழுதும் மருந்துச் சீட்டில் இல்லை; நோயாளியின் மனதில் விதைக்கும் நம்பிக்கையில்தான் இருக்கிறது என்பதை அவர் எனக்குக் கற்றுக் கொடுத்தார். இன்று இந்தக் கட்டுரை மூலமாக டாக்டர் சுப்புலட்சுமி மேடத்திற்கு என் நன்றியை மீண்டும் ஒருமுறை தெரிவித்துக் கொள்கிறேன். அந்த நாள் பிரசவ அறையில் அவர் எனக்குக் கொடுத்த தைரியத்தை நான் வாழ்நாள் முழுவதும் மறக்க மாட்டேன். என் இரண்டு குழந்தைகளின் பிறப்பிலும், என் தாய்மையின் பயணத்திலும், என் வாழ்க்கையின் அழகான நினைவுகளிலும் டாக்டர் சுப்புலட்சுமி மேடம் என்றென்றும் இடம் பெற்றிருப்பார். ஒரு சுவாரஸ்யமான உண்மை — நானும் என் அம்மாவின் கருவிலிருந்து வெளிவந்த நான் ஆறு மாதக் குழந்தையாக இருந்த போதிலிருந்து என்னையும் பார்த்தவர் இதே டாக்டர் சுப்புலட்சுமி மேடம்தான். இன்று என் குழந்தைகளுக்கும் அவரே மருத்துவர். ஒரே மருத்துவர், எங்கள் குடும்பத்தின் இரண்டு தலைமுறைகளுக்கும் அன்போடு உடன் இருக்கிறார் என்பது, என்னைப் பொறுத்தவரை ஒரு பாக்கியமாக கருதுகிறேன்.நான் இன்றும் எனக்கு உடம்பில் ஏதாவது பிரச்சினை என்றாலும், இவர்களிடம் காண்பித்து விட்டு சென்றால், எனக்கு உடனே உடல் சரியாகி விடும் என்பது திண்ணம். என்னைப் பொறுத்தவரை, அவர் ஒரு மருத்துவர் மட்டுமல்ல... ஒரு தாயின் அன்புடன் மற்றொரு தாய்க்கு தைரியம் கொடுத்த தெய்வம். என்றென்றும் அன்புடன், இந்திரா ப்ரியதர்ஷினி... வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் முயற்சியே ‘My Vikatan’. இந்த ‘My Vikatan’ பிரிவில் பதிவாகும் கட்டுரைகளுக்கு என பிரத்யேகமான ஒரு வாட்ஸ்அப் கம்யூனிட்டி க்ரூப் உருவாக்கப்பட்டுள்ளது. இதில் இணைந்திருப்பதன் மூலம், ‘My Vikatan’கட்டுரைகள், ‘My Vikatan’ தொடர்பான அறிவிப்புகள் என அனைத்தையும் உடனே தெரிந்து கொள்ளலாம்..! இதில் இணைய கீழே உள்ள லிங்கை க்ளிக் செய்யுங்க மக்களே...! Link : https://chat.whatsapp.com/G7U0Xo0F63YA5PC6VgYMBQ விகடனில் உங்களுக்கென ஒரு பக்கம்... உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Hold dig informeret med de seneste nyheder fra pålidelige kilder