`கன்ஃபெஷன் ரூம் டு கன்சல்டன்ட் ரூம்' - அறிவாலயத்தில் பிக்பாஸ் சாஷோ?!

சட்டப்பேரவைத் தேர்தல் தோல்வியிலிருந்து மீண்டு, மீண்டும் அதிரி புதிரி அரசியலுக்குத் திமுக திரும்பிட பல்வேறு நடவடிக்கைகளில் ஈடுபட்டு வருகிறது. தோல்விக்கான காரணங்கள் அறிக்கையாக கட்சித் தலைமைக்குச் சமர்ப்பிக்கப்பட்டு விட்ட நிலையில், சட்டசபைக்குள் ஆளுங்கட்சியை எதிர்க்கும் அரசியலாகட்டும், கூட்டணியில் இருந்து வெளியேறிய கட்சிகளை லெஃட் அன்ட் ரைட் விடுவதாகட்டும் அதன் தலைவர்கள் இறங்கி ஆடத் தொடங்கியிருக்கின்றனர். முன்னாள் அமைச்சர் மதியழகனின் இல்லத் திருமண விழாவில் பேசிய ஆ.ராசா, 'இனி கூட்டணியே தேவையில்லை' என்கிற முடிவை எடுக்க வேண்டுமெனப் பேசியிருக்கிறார். இந்தப் பின்னணியில் கோபாலபுரக் குடும்பத்துக்குள்ளும் ஏக சலசலப்புகளும் பரபரப்புகளும் தினந்தினம் அரங்கேறிய வண்ணம் இருக்கின்றனவாம். அவற்றின் தொடர்ச்சியாக கட்சித் தலைமைக்கு gen Z தலைமுறையினரை கவர புதியதொரு ஆலோசகர் நியமனமும் நடந்திருப்பதாக நம்பிக்கையான சோர்ஸ்கள் தெரிவிக்கின்றன. ஸ்டாலின் - திமுக இன்றைய தலைமுறையிடம் கட்சியைக் கொண்டு செல்ல வெறும் ஐ.டி விங்கை மட்டும் நம்பினால் போதாது என்கிற முடிவுக்கு வந்து விட்டதாம் தலைமை. கட்சி ஐ.டி விங்கின் கடந்த கால செயல்பாடே தேர்தல் முடிவுக்குப் பிறகு தலைமையின் குடும்பத்துக்குள் பிரச்னைக்கும் காரணமானது என்கிறார்கள். எனவே சமூகத்தின் நடப்பு ட்ரென்டிங்கை அறிந்து, அதற்கேற்றபடி கட்சியின் செயல்பாட்டை அமைக்க நினைத்த கட்சி, அதற்கு ஆலோசனைகள் வழங்க பொருத்தமான நபராகப் பார்த்திருப்பது, விஜய் டிவியின் ஃபேவரைட் நிகழ்ச்சியான 'பிக்பாஸ்' நிகழ்ச்சியில் வாய்ஸ் கொடுத்து வருகிற‌ சாஷோ என்கிற சதிஷ் சாரதி என்கிறார்கள். Udhayanidhi Stalin டப்பிங் ஆர்ட்டிஸ்ட், நடிகர் என்பதைத் தாண்டி லைஃப்ஸ்டைல் கன்சன்டன்ட் என்கிற பெயரில் மனவளம் தொடர்பான ஆலோசனைகளும் வழங்கி வருகிற இவர், இது தொடர்பாக திமுக தலைவர் மு.க ஸ்டாலின் மற்றும் உதயநிதியைச் சில தினங்களுக்கு முன் சந்தித்து பேசியதாகவும் தகவல். பிக்பாஸ் வீட்டில் எல்லோரையும் கன்ஃபெஷன் ரூம்க்கு வாங்க எனக் கூப்பிடும் பிக்பாஸ் அறிவாலயத்தின் கன்சல்டன்ட் ரூம்க்கு வந்திருப்பது திமுகவினர் மத்தியில் புதிய உத்வேகத்தைப் பாய்ச்சுமா என்பதை பொறுத்திருந்து தான் பார்க்க வேண்டும்.! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.