இந்திய ஹாக்கி அணி இதுவரை நீல கலர் உடையணிந்துதான் விளையாடிக்கொண்டிருந்தது. ஆனால் திடீரென அதன் உடை காவி கலருக்கு மாற்றப்பட்டு இருக்கிறது. அடுத்த மாதம் நெதர்லாந்து மற்றும் பெல்ஜியத்தில் நடைபெறவுள்ள எஃப்.ஐ.எச் உலகக் கோப்பையில் இந்திய ஹாக்கி அணியின் ஆடவர் மற்றும் மகளிர் என இரு அணிகளும் தங்களது பாரம்பர்ய நீல நிற உடைகளுக்குப் பதிலாக காவி நிற ஜெர்சியை அணிவார்கள் என்று ஹாக்கி இந்தியா தெரிவித்துள்ளது. அதோடு இதனை உறுதிப்படுத்தும் விதமாக வீடியோ ஒன்றை கடந்த 27-ம் தேதியன்று, ஹாக்கி இந்தியா நிர்வாகம் சமூக ஊடகங்களில் வெளியிட்டது. பாரம்பர்ய நீல நிறத்தில் இருந்து விலகியது சமூக ஊடகங்களில் ஒரு விவாதப்பொருளாக மாறியது. மேலும் முன்னாள் ஆண்கள் அணி கேப்டன் வீரேன் ரஸ்குவின்ஹா இது குறித்து கேள்வி எழுப்பினார். 2026 உலகக் கோப்பைக்கு முன்னதாக ஆண்கள் மற்றும் பெண்கள் தேசிய அணிகளுக்கான ஜெர்சி நிறத்தை மாற்றியதற்கான காரணங்களை ஹாக்கி இந்தியா நிர்வாகக் குழு தெளிவுபடுத்தியுள்ளது. இது தொடர்பாக ஹாக்கி இந்தியா வெளியிட்டுள்ள செய்திக்குறிப்பில், ``நீல செயற்கை ஆடுகளங்களில் தெரிவுநிலையை மேம்படுத்துவதற்காக 2026 உலகக் கோப்பைக்கான ஆண்கள் மற்றும் பெண்களுக்கான ஹாக்கி ஜெர்சியின் நிறம் காவிக்கு மாற்றப்பட்டிருக்கிறது. மேலும் ஊழியர்கள் மற்றும் வீரர்களின் பரிந்துரைகள் மற்றும் விரிவான ஆலோசனைகளின் அடிப்படையில் சீருடை நிறத்தை மாற்றுவதற்கான முடிவு எடுக்கப்பட்டது என்பதை நாங்கள் உங்களுக்குத் தெரிவிக்க விரும்புகிறோம். இப்போது சர்வதேச ஹாக்கி ஆடுகளங்களுக்கான நிலையான நிறமாக நீலம் இருக்கிறது. எனவே அதனைக் கருத்தில் கொண்டு வீரர்களின் உடை நிறத்தை மாற்ற முடிவு செய்யப்பட்டுள்ளது'' என்று அதில் குறிப்பிடப்பட்டு இருந்தது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dette er et tamilsk resumé til hurtig læsning. For den fulde historie, ekstra kontekst og opdateringer, åbn den oprindelige udgiver.
Læs fuld artikel
https://www.vikatan.com/trending/indian-hockey-team-switches-to-saffron-team-management-clarifies-the-controversy
