தொழில்துறை : `கெஸ்ட் ஹவுஸுக்கு வரச்சொன்ன முதல்வரின் உதவியாளர்' - தெலங்கானா பெண் தொழிலதிபர்

தெலங்கானா மாநிலத்தில் விளம்பரத்துறையில் தொழில் வாய்ப்புகளுக்காக முயன்ற பெண் தொழிலதிபர் ஒருவருக்கு நேர்ந்த கசப்பான அனுபவம் பேசுபொருளாகியிருக்கிறது. தெலங்கானா மாநிலத்தைச் சேர்ந்தவர் தொழிலதிபர் கே. சோபா ரெட்டி. 'மிதுனா ஆட்ஸ்' (Mithuna Ads) நிறுவனத்தின் உரிமையாளரான இவர், கடந்த மூன்று ஆண்டுகளாக வெளிப்புற விளம்பரத் துறையில் (Outdoor Advertising) சட்டப்பூர்வமான தொழில் வாய்ப்புகளைப் பெறப் போராடி வருவதாகத் தெரிவித்துள்ளார். இது தொடர்பாக தெலங்கானா முதல்வர் ரேவந்த் ரெட்டியின் நெருங்கிய உதவியாளர் ஒருவரை அணுகியிருக்கிறார். அப்போது அவர், இது குறித்துப் பேசுவதற்காகத் ஒரு விருந்தினர் இல்லத்திற்கு (Guest House) வருமாறு அழைத்தார். இந்தச் சம்பவம் தனக்கு மிகுந்த அசௌகரியத்தையும் மன உளைச்சலையும் ஏற்படுத்தியதாக தெரிவித்திருக்கிறார். ரேவந்த் ரெட்டி இது தொடர்பாக சோபா ரெட்டி, ``என்னை கெஸ்ட் ஹவுஸுக்கு அழைத்தது பெரும் அசௌகரியத்தைக் கொடுத்தது. பொதுவெளியில் சம்பந்தப்பட்ட நபர் மீது தனிப்பட்ட குற்றச்சாட்டுகளைச் சுமத்தவோ அல்லது அவரது பெயரை வெளிப்படுத்தவோ விரும்பவில்லை. இருப்பினும், முதல்வர் ரேவந்த் ரெட்டி இந்த விவகாரத்தில் தலையிட்டு, அரசு தொடர்பான விவகாரங்கள் மற்றும் சந்திப்புகள் அனைத்தும் உத்தியோகபூர்வமான, வெளிப்படையான மற்றும் கண்ணியமான அரசு அமைப்புகளின் வாயிலாகவே நடைபெறுவதை உறுதி செய்ய வேண்டும். நான் எந்தவிதமான சிறப்புச் சலுகையையும் கேட்கவில்லை. சட்டப்பூர்வமான தொழில் வாய்ப்பு, சமமாக நடத்தப்படுதல் மற்றும் தொழில் செய்வதற்கான கண்ணியம் ஆகியவற்றை மட்டுமே எதிர்பார்க்கிறேன். இந்தத் துறையில் வெளிப்படைத்தன்மையையும், அனைவருக்கும் ஒரே மாதிரியான நடைமுறையையும் அமல்படுத்தி, தனது கோரிக்கையை அரசு பரிசீலிக்க வேண்டும்." எனக் குறிப்பிட்டிருக்கிறார். மோசடி புகார்: ``அம்பிகா அக்காவை நம்பாம யாரை நம்புறது நம்பினேன். ஆனா." - நடிகை ராதா வேதனை முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.