பெரம்பலூர்: பெட்ரோல் பங்க் பார்க்கிங்கில் தூங்கியவர்கள் மீது ஏறிய ஜே.சி.பி; இருவர் பலியான சோகம்!

பெரம்பலூர் மாவட்டம், பாளையம் கிராமத்தில் உள்ள ஒரு பெட்ரோல் பங்க் பார்க்கிங் பகுதியில், தூங்கிக் கொண்டிருந்த இரு தொழிலாளர்கள் மீது எதிர்பாராதவிதமாக ஜேசிபி வாகனம் ஏறியதில் அவர்கள் சம்பவ இடத்திலேயே பரிதாபமாக உயிரிழந்தனர். உயிரிழந்தவர்கள் சத்தீஸ்கர் மாநிலத்தைச் சேர்ந்த ரூபேஷ் குமார் சோரி (வயது: 25) மற்றும் டக்கீஸ்வர் (வயது: 21) என்பது தெரியவந்துள்ளது. இவர்கள் இருவரும் கடந்த 6 மாதங்களாக போர்வெல்ஸ் நிறுவனம் ஒன்றில் பணியாற்றி வந்துள்ளனர். இந்நிலையில், காலை தம்பிரான்பட்டியைச் சேர்ந்த ஜே.சி.பி ஓட்டுநர் சந்தோஷ் ராஜ் வாகனத்தை இயக்க முற்பட்டபோது, அங்கு தூங்கிக் கொண்டிருந்தவர்கள் மீது வாகனம் ஏறியதாகக் கூறப்படுகிறது. பெரம்பலூர் தகவலறிந்து வந்த செஞ்சேரி ஊரகப் காவல் நிலைய போலீஸார், விபத்தில் பலியான இருவரின் உடல்களையும் மீட்டு உடற்கூறாய்வு மேற்கொள்வதற்காக பெரம்பலூர் அரசு மருத்துவமனைக்கு அனுப்பி வைத்தனர். மேலும், இச்சம்பவம் குறித்து வழக்குப் பதிவு செய்து தீவிர விசாரணை மேற்கொண்டு வருகின்றனர். பெட்ரோல் பங்க் பார்க்கிங்கில் தூங்கிய இரு வடமாநில இளைஞர்கள் மீது ஜே.சி.பி வாகனம் ஏறி விபத்தான நிலையில், அவர்கள் இறந்த சம்பவம் சோகத்தை ஏற்படுத்தியிருக்கிறது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.