Doctor Vikatan:எங்கள் வீட்டில் சிறு வயதிலிருந்தே யாருக்கும் பிரேக்ஃபாஸ்ட் சாப்பிடும் பழக்கம் கிடையாது. Brunch தான்.… என்னுடைய எழுபது வயது சகோதரி மதியம் லன்ச் சாப்பிடுகிறார். இரவு வாழைப்பழம், ஆப்பிள், ஆரஞ்சு என்று ஏதாவது இரண்டு பழங்கள் சாப்பிடுகிறார். ஒரு தோசையாவது சாப்பிடச் சொன்னாலும் வேண்டாம் என்கிறார். இப்போதைக்கு ஆரோக்கியமாகத்தான் இருக்கிறார். ஆனால், போகப்போக சக்தி வேண்டாமா. அவர் இப்படிச் செய்வது எனக்கு மிகவும் கவலையாக உள்ளது. என் சகோதரி செய்வது சரியா? -Uma, விகடன் இணையத்திலிருந்து பதில் சொல்கிறார், கோவையைச் சேர்ந்த ஊட்டச்சத்து ஆலோசகர் கற்பகம். கற்பகம், ஊட்டச்சத்து ஆலோசகர் 70 வயதில் உங்கள் சகோதரி ஆரோக்கியமாக இருக்கிறார் என்பதே சந்தோஷமான விஷயம். அவரது வயதில் அப்படி இருப்பது ஒருவகையில் வரமும்கூட. அதே சமயம், அவர் ஒரு நாளைக்கு ஒரு வேளைதான் முறையான உணவு சாப்பிடுகிறார், இரவு உணவுக்கு வெறும் பழங்கள்தான் சாப்பிடுகிறார் என்கிற போது, அவரது வயதில் அது சில பிரச்னைகளை ஏற்படுத்தலாம். ஒருவருக்கு வயதாகும்போது அடிப்படையில் உடலில் சில மாற்றங்கள் நிகழும். அதில் தசையிழப்பும் முக்கியமானது. தசையிழப்பு ஏற்பட்டால் ஒரு நபர் எப்போதும் களைப்பாகவும் பலவீனமாகவும் உணர்வார். எனவே, புரதச்சத்து மட்டும் போதும் என்று நினைக்காமல், கார்போஹைட்ரேட், வைட்டமின் பி 12, வைட்டமின் டி, நார்ச்சத்து என அனைத்து ஊட்டச்சத்துகளும் உணவுகளின் வழியே உடலுக்குள் போகின்றனவா என்று பார்க்க வேண்டும். வாரத்தில் 2-3 நாள்களுக்கு தோசையோ, பெசரட்டோ சாப்பிடலாம். Doctor Vikatan: 79 வயதில் ஸ்டென்ட். படி ஏறினால் மூச்சு வாங்குதல். என்னதான்தீர்வு? உங்கள் சகோதரி சாப்பிடும் உணவில் மேற்சொன்ன அனைத்து ஊட்டச்சத்துகளும் கிடைக்கின்றனவா என்ற பார்க்க வேண்டும். அதற்கேற்ப அவரது உணவுத்திட்டத்தை முறைப்படுத்த வேண்டும். உதாரணத்துக்கு, இரவு உணவுக்கு தோசையாகச் சாப்பிடுவதைவிட, புரதம் நிறைந்த வேறு உணவு சாப்பிடலாம். வாரத்தில் 2-3 நாள்களுக்கு தோசையோ, பெசரட்டோ சாப்பிடலாம். பகல் வேளையில் சுண்டல் சாப்பிடலாம். ஒரு நாளைக்கு மூன்று வேளைகளும் சாப்பிட்டே ஆக வேண்டும் என அவசியமில்லை. இரண்டு வேளைகள் சாப்பிட்டாலே போதுமானதுதான். வயதாக, ஆக ஒருவரது வளர்சிதை மாற்றமும் மந்தமாகத் தொடங்கும் என்பதையும் புரிந்துகொள்ள வேண்டும். எனவே, உங்கள் சகோதரி சத்தாகச் சாப்பிடுகிறாரா என்பதை மட்டும் கவனியுங்கள், போதுமானது. டயட்டீஷியன் கற்பகம்: ஆர்ட் ஆஃப் ஈட்டிங் கிளினிக்கின் சீனியர் நியூட்ரிஷனிஸ்ட் மற்றும் ட்ரெய்னிங் ஹெட். இத்துறையில் 9 ஆண்டுகள் அனுபவம் உள்ளவர். உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் என்ற பெயரில் வெளியாகும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dies ist eine tamilische Kurzfassung zum schnellen Lesen. Für den vollständigen Bericht, mehr Kontext und Aktualisierungen besuchen Sie die Originalquelle.
Vollständigen Artikel lesen
https://www.vikatan.com/health/one-meal-a-day-at-age-70-only-fruits-for-dinner-will-it-affect-health
