💻Technologie

Doctor Vikatan: 3 வயதுக் குழந்தைக்கு மாறுகண்... தானாக சரியாகுமா, சிகிச்சை தேவையா?

Veröffentlicht

1. Juli 2026

Quellenname

Vikatan

Land

India

Vollständiger Artikel

Doctor Vikatan: என் 3 வயதுக் குழந்தைக்குத் திடீரென இடது கண் மட்டும் லேசாக மாறுகண்ணாக (Squint eye) மாறுகிறது. இந்தப் பிரச்னை வளர வளர தானாகவே சரியாகிவிடுமா அல்லது டாக்டரிடம் காட்ட வேண்டுமா? பதில் சொல்கிறார் சென்னையைச் சேர்ந்த கண் மருத்துவர் விஜய் ஷங்கர். கண் மருத்துவர் விஜய் ஷங்கர் 3 வயது குழந்தைக்குத் திடீரென ஒரு கண் மட்டும் லேசாக மாறுகண்ணாக (Squint) மாறினால், உடனடியாக கண் மருத்துவரிடம் (Ophthalmologist) அழைத்துச் சென்று காட்ட வேண்டும். கண் மருத்துவர், குழந்தையைப் பரிசோதித்துவிட்டு, ஏதேனும் பவர் குறைபாடு (Refractive Error) உள்ளதா என்று பார்ப்பார். கண் பரிசோதனையில், குழந்தைக்கு மயோபியா (Myopia) எனப்படும் கிட்டப்பார்வையோ, ஹைப்பர்மெட்ரோபியா (Hypermetropia) எனப்படும் தூரப்பார்வையோ அல்லது சிதறல் பார்வையோ (Astigmatism ) இருக்கின்றனவா என்று பார்ப்பார். அப்படி ஏதேனும் பார்வைக் குறைபாடு கண்டறியப்பட்டால், அதற்கேற்ற பொருத்தமான கண்ணாடியைப் (Appropriate Glasses) பயன்படுத்த அறிவுறுத்துவார். மாறுகண்ணோடு தொடர்புடைய மற்றொரு முக்கியமான விஷயம் 'ஆம்பிலியோபியா' (Amblyopia ) ஆகும். இதை 'சோம்பேறிக் கண்' (Lazy Eye) என்றும் சொல்வோம். இந்தக் குறைபாடு உள்ள கண்ணில் பார்வைத் திறன் குறைவாக இருக்கும். எனவே, மாறுகண்ணோடு ஆம்பிலியோபியா குறைபாடும் இருந்தால் அதையும் சரி செய்ய வேண்டும். ஒருவேளை கண்ணாடி அணிந்த பிறகும் மாறுகண் குறைபாடு சரியாகவில்லை என்றால், அதற்கு அடுத்தபடியாக அறுவை சிகிச்சை (Surgery) பரிந்துரைக்கப்படலாம். Doctor Vikatan: கேட்டராக்ட் எனப்படும் கண்புரை அறுவை சிகிச்சை... தாமதப்படுத்தினால் பிரச்னையாகுமா? இதற்கு ஆக்லுஷன் தெரபி (Occlusion Therapy) என்ற சிகிச்சை உதவும். இதில் பொதுவாக பார்வை நன்றாக உள்ள கண்ணை மூடி, பார்வை குறைவாக உள்ள பலவீனமான கண்ணை (Weak Eye) தூண்டும்படி செய்வார்கள். இதன் மூலம் குழந்தை, பலவீனமான கண்ணைக்கொண்டு நன்றாகப் பார்ப்பதை உறுதி செய்ய முடியும். இந்தச் சிகிச்சையோடு, கண்களுக்கான பயிற்சிகளும் (Orthoptic Exercises) வழங்கப்படும். எனவே, உங்கள் குழந்தை விஷயத்தில், முதலில் பார்வைக் குறைபாட்டைச் சரிசெய்து, கண்ணை வலுப்படுத்துவதோடு பார்வைத்திறனை 6/6 என்ற அளவிற்குக் கொண்டு வர வேண்டும். ஒருவேளை கண்ணாடி அணிந்த பிறகும் மாறுகண் குறைபாடு சரியாகவில்லை என்றால், அதற்கு அடுத்தபடியாக அறுவை சிகிச்சை (Surgery) பரிந்துரைக்கப்படலாம். அறுவை சிகிச்சை செய்வதன் மூலம் மாறுகண் குறைபாட்டை முற்றிலும் சரிசெய்துவிடலாம். உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

Dies ist eine tamilische Kurzfassung zum schnellen Lesen. Für den vollständigen Bericht, mehr Kontext und Aktualisierungen besuchen Sie die Originalquelle.

Vollständiger Artikel — Link unten

Quelle

Vollständigen Artikel lesen

https://www.vikatan.com/health/squint-eye-in-a-3-year-old-child-will-it-correct-itself-or-is-treatment-necessary↗

Das könnte Sie auch interessieren

Alle Nachrichten →

💻Technologie

உயிரின் எல்லையில் நிற்கும் மனிதர்கள்: மருத்துவர் தினம் சொல்லும் அமைதியான உண்மை

வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர் "மனித வாழ்க்கையில் இரண்டு தருணங்கள் மறக்க முடியாதவை. ஒன்று, இந்த உலகில் முதன்முதலாகக் கண் திறக்கும் தருணம். மற்றொன்று, உயிர் நம்மை விட்டு விலகும் தருணம். இந்த இரண்டு தருணங்களுக்கும் மிக அருகில் நிற்பவர் பெரும்பாலும் ஒரு மருத்துவர்தான்." ஒரு நாட்டின் வளர்ச்சியை அதன் உயரமான கட்டடங்கள் தீர்மானிப்பதில்லை. அதன் பொருளாதார வளர்ச்சி மட்டுமே தீர்மானிப்பதில்லை. ஒரு சமூகத்தின் உண்மையான நாகரிகத்தை அளவிட வேண்டுமெனில், அந்த நாடு தனது நோயாளிகளை எப்படி கவனிக்கிறது என்பதையும், உயிரைக் காக்கும் மருத்துவர்களை எப்படி மதிக்கிறது என்பதையும் பார்க்க வேண்டும். அதனால்தான் மருத்துவர் தினம் என்பது ஒரு தொழிலைக் கொண்டாடும் நாள் அல்ல. மனித உயிரின் மதிப்பை மீண்டும் நினைவூட்டும் நாள். நம்முடைய வாழ்வில் அமைதியாகப் பங்களித்து வரும் மருத்துவர்களுக்கு நன்றியுணர்வை வெளிப்படுத்தும் நாள். இந்தியாவில் ஒவ்வொரு ஆண்டும் ஜூலை 1 மருத்துவர் தினமாகக் கடைப்பிடிக்கப்படுகிறது. இந்த நாள் புகழ்பெற்ற மருத்துவர், கல்வியாளர், சமூகச் சீர்திருத்தவாதி மற்றும் மேற்குவங்கத்தின் முன்னாள் முதலமைச்சரான டாக்டர் பிதான் சந்திர ராய் அவர்களின் பிறந்த நாளும் (1 ஜூலை 1882), நினைவு நாளும் (1 ஜூலை 1962) ஆகும். அவருடைய மருத்துவப் பணியையும் மனிதநேயச் சேவையையும் போற்றும் வகையில், 1991 முதல் இந்திய அரசு ஜூலை 1-ஐ தேசிய மருத்துவர் தினமாகக் கடைப்பிடித்து வருகிறது. மருத்துவம் என்பது வெறும் நோயைக் குணப்படுத்தும் அறிவியல் அல்ல. அது நம்பிக்கையை உயிரோடு வைத்திருக்கும் மனிதநேயம். மருத்துவமனைக்குள் வரும் ஒரு நோயாளி, மருந்தை மட்டும் எதிர்பார்ப்பதில்லை; “நான் குணமடைவேன்” என்ற நம்பிக்கையையும் எதிர்பார்க்கிறார். அந்த நம்பிக்கையை முதலில் வழங்குபவர் மருத்துவர். உலக சுகாதார நிறுவனம் தொடர்ந்து வலியுறுத்தும் ஒரு உண்மை என்னவெனில், வலுவான சுகாதார அமைப்பு இல்லாமல் எந்த நாட்டின் முன்னேற்றமும் நிலையானதாக இருக்க முடியாது. ஆரோக்கியமான மக்கள் இல்லாமல் பொருளாதார வளர்ச்சியும், கல்வி முன்னேற்றமும், சமூக நலனும் முழுமையடையாது. எனவே, மருத்துவர்களின் பணி தனிநபர்களை மட்டுமல்ல, ஒரு நாட்டின் எதிர்காலத்தையே பாதுகாக்கும் பணியாகும். இந்தியா இன்று உலகின் மிகப்பெரிய சுகாதார அமைப்புகளில் ஒன்றாக வளர்ந்து வருகிறது. மத்திய அரசின் அதிகாரப்பூர்வ தரவுகளின்படி, நாட்டில் 13.8 லட்சத்திற்கும் அதிகமான பதிவு செய்யப்பட்ட அலோபதி மருத்துவர்கள் பணியாற்றுகின்றனர். மருத்துவர்–மக்கள் விகிதம் சுமார் 1 : 811 என மதிப்பிடப்பட்டுள்ளது. இது உலக சுகாதார நிறுவனம் பரிந்துரைக்கும் குறைந்தபட்ச அளவைக் கடந்ததாக மத்திய அரசு தெரிவித்துள்ளது. இந்த முன்னேற்றம், மருத்துவக் கல்வி, மருத்துவக் கல்லூரிகள் மற்றும் சுகாதாரக் கட்டமைப்பில் கடந்த ஆண்டுகளில் செய்யப்பட்ட முதலீடுகளின் விளைவாகும். தமிழ்நாடு இந்தியாவின் சுகாதாரத் துறையில் குறிப்பிடத்தக்க மாநிலமாக விளங்குகிறது. அரசு மருத்துவமனைகள், ஆரம்ப சுகாதார நிலையங்கள், மருத்துவக் கல்வி, தாய்–சேய் நலத் திட்டங்கள், அவசர மருத்துவ சேவைகள், உறுப்பு மாற்று அறுவைச் சிகிச்சை போன்ற பல துறைகளில் மாநிலம் நீண்டகாலமாக முக்கிய பங்காற்றி வருகிறது. இதன் காரணமாக இந்தியாவின் பல மாநிலங்களிலிருந்தும், வெளிநாடுகளிலிருந்தும் நோயாளிகள் தமிழ்நாட்டில் சிகிச்சை பெற வருகின்றனர். ஆனால், மருத்துவரின் வாழ்க்கையை வெளியில் இருந்து பார்க்கும்போது நாம் காண்பது வெள்ளை மேலங்கி மட்டுமே. அதன் பின்னால் இருக்கும் வாழ்க்கை பலருக்கும் தெரியாது. பல ஆண்டுகள் மருத்துவக் கல்வி, தொடர்ச்சியான பயிற்சி, இரவு–பகலற்ற பணிநேரம், அவசர அழைப்புகள், உயிருக்கும் மரணத்திற்கும் இடையில் சில நொடிகளில் முடிவெடுக்க வேண்டிய பொறுப்பு, நோயாளிகளின் நம்பிக்கை, குடும்பங்களின் எதிர்பார்ப்பு—இவை அனைத்தும் மருத்துவரின் அன்றாட வாழ்க்கையின் ஓர் அங்கம். ஒரு மருத்துவர் வெற்றிகரமாக ஒரு உயிரைக் காப்பாற்றினால், அந்த மகிழ்ச்சியை ஒரு குடும்பம் கொண்டாடுகிறது. ஆனால் காப்பாற்ற முடியாத ஒவ்வொரு உயிரின் பாரமும், பல நேரங்களில் அமைதியாக மருத்துவரின் மனதிலேயே தங்கிவிடுகிறது. அந்த மனவலியை எந்தப் புள்ளிவிவரமும் அளவிட முடியாது. கொரோனா பெருந்தொற்று உலகிற்கு ஒரு மறக்க முடியாத உண்மையை உணர்த்தியது. மக்கள் வீடுகளுக்குள் பாதுகாப்பாக இருந்தபோது, மருத்துவர்கள் மருத்துவமனைகளுக்குள் ஆபத்தை எதிர்கொண்டனர். தங்கள் குடும்பத்திலிருந்து விலகி, பாதுகாப்பு உடைகளுக்குள் மணிக்கணக்கில் பணியாற்றி, தங்களது உயிரையும் பணயம் வைத்து எண்ணற்ற உயிர்களைக் காப்பாற்றினர். அந்த நாட்கள் மருத்துவம் ஒரு தொழில் அல்ல; மனிதகுலத்தின் மீதான ஒப்பற்ற பொறுப்பு என்பதை உலகிற்கு மீண்டும் நினைவூட்டின. இன்று மருத்துவத் தொழில் புதிய சவால்களை எதிர்கொள்கிறது. புதிய நோய்கள், முதியோர் மக்கள் தொகையின் அதிகரிப்பு, வாழ்க்கை முறை நோய்கள், மனநலப் பிரச்சினைகள், நவீன தொழில்நுட்பத்தின் விரைவான வளர்ச்சி—இவை அனைத்தும் மருத்துவர்களின் பொறுப்பை மேலும் விரிவுபடுத்துகின்றன. செயற்கை நுண்ணறிவு பல உதவிகளைச் செய்யக்கூடும்; ஆனால் ஒரு நோயாளியின் கையைப் பிடித்து, “நம்பிக்கை இழக்க வேண்டாம்” என்று சொல்லும் மனிதத் தொடுதலை எந்த இயந்திரமும் மாற்ற முடியாது. மருத்துவர் தினம் என்பது மலர்க்கொத்து கொடுக்கும் நாள் மட்டுமல்ல. மருத்துவர்களை மனிதர்களாகப் புரிந்துகொள்ளும் நாள். அவர்கள் வெறும் சிகிச்சை அளிப்பவர்கள் அல்ல; ஒவ்வொரு குடும்பத்தின் நம்பிக்கையையும் தாங்கிச் செல்பவர்கள் என்பதை உணரும் நாள். ஒரு நல்ல மருத்துவர் நோயைக் காண்பதில்லை; நோயாளியைக் காண்கிறார். உடலை மட்டுமல்ல, மனதையும் குணப்படுத்த முயல்கிறார். அதனால்தான் மருத்துவம் அறிவியலாக மட்டுமல்ல, மனிதநேயத்தின் உயர்ந்த வடிவமாகவும் விளங்குகிறது. மருத்துவர் தினத்தில் நாம் கூற வேண்டிய மிகப் பெரிய நன்றி, “நீங்கள் எங்களைக் காப்பாற்றினீர்கள்” என்பதல்ல. “நாங்கள் மிகவும் பலவீனமாக இருந்த தருணங்களில், எங்களுக்குப் பதிலாக நீங்கள் நம்பிக்கை வைத்திருந்தீர்கள்” என்பதுதான். உலகில் பலர் வரலாற்றை எழுதுகிறார்கள். சிலர் நாடுகளை உருவாக்குகிறார்கள். சிலர் அறிவியலை முன்னேற்றுகிறார்கள். ஆனால் மருத்துவர்கள் மட்டும் ஒவ்வொரு நாளும் அமைதியாக ஒரு உயிரின் அடுத்த நாளை எழுதுகிறார்கள். அதனால்தான் வெள்ளை மேலங்கி என்பது ஒரு சீருடை அல்ல. அது மனித உயிரின் மீது எடுத்துக்கொள்ளப்பட்ட ஒரு அமைதியான உறுதிமொழி. மருத்துவர் தின நல்வாழ்த்துகள். மனிதகுலத்தின் அமைதியான காவலர்களுக்கு எங்களின் மனமார்ந்த வணக்கங்கள். – புகழ் தயாளன் காரைக்குடி முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

💻Technologie

26 ஆண்டுக்கால அல்சர் துயரம்... 6 மாதங்களில் குணப்படுத்திய ஹோமியோபதி டாக்டர்

வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர் இந்தியாவில், பொது சுகாதாரம் மற்றும் சமூகத்திற்கான மருத்துவ நிபுணர்களின் பங்களிப்புகள், தியாகங்கள் மற்றும் அயராத அர்ப்பணிப்பைக் கௌரவிக்கும் வகையில், ஒவ்வொரு ஆண்டும் ஜூலை 1 ஆம் தேதி தேசிய மருத்துவர்கள் தினம் கொண்டாடப்படுகிறது. சுருக்கமாகச் சொன்னால், மனித வாழ்வின் முன்னணிப் பாதுகாவலர்களாகச் சேவை செய்யும் மருத்துவர்களை அங்கீகரிக்கும் விதமாக, இந்திய மருத்துவச் சங்கத்தால் அவர்களுக்கு ஒரு முறையான மரியாதையாக இந்த நிகழ்வு ஏற்பாடு செய்யப்படுகிறது. கோவிட்-19 பெருந்தொற்றுக் காலத்தில், தடுப்பூசிகள் அறிமுகப்படுத்தப்படுவதற்கு முன்னும் பின்னும், இந்திய மருத்துவர்களே நாட்டின் மருத்துவப் சேவைகளுக்கு முதுகெலும்பாகத் திகழ்ந்தனர் என்பது குறிப்பிடத்தக்கது. அவர்கள் கட்டுக்கடங்காத நோயாளிகளின் எண்ணிக்கையைச் சமாளித்து, கடுமையான மன அழுத்தத்தின் கீழ் நீண்ட நேரம் பணிபுரிந்து, அளவற்ற தனிப்பட்ட ஆபத்துகளை எதிர்கொண்டனர். இந்தக் காலகட்டத்தில் சுமார் 757 மருத்துவர்கள் தங்கள் உயிரை இழந்தனர். இது மனித சமூகத்திற்காக மருத்துவர்கள் செய்த ஒரு தியாகம். ஒவ்வொருவரின் வாழ்விலும் உடல்நலம் தொடர்பான பல சம்பவங்கள் நிகழ்கின்றன. பெரும்பாலான நோயாளிகள், தங்களின் உடல்நலப் பிரச்சினைகளுக்குத் திறம்பட சிகிச்சையளித்து, அவர்களைக் குணப்படுத்தி இயல்பு வாழ்க்கைக்குத் திரும்பச் செய்த மருத்துவர்களை நினைவுகூர மறந்துவிடுகிறார்கள். எனவே , ஒவ்வொருவரும் மருத்துவர்கள் தினத்தை மிகவும் முக்கியமானதாகக் கருதி, நம் உயிரைக் காப்பாற்றி, நம்மை நலமுடனும் ஆரோக்கியத்துடனும் வைத்திருந்த அந்த மருத்துவர்களை நினைவுகூர்ந்து, அவர்களுக்கு தகுந்த கௌரவம் தந்து கொண்டாட வேண்டும். நமது கருத்துக்களையும் அனுபவங்களையும் பகிர்ந்துகொள்ள நமக்கு ஒரு சிறந்த வாய்ப்பை வழங்கிய விகடனுக்கு நன்றி.. நவீன மருத்துவம் நமக்கு நன்கு பரிச்சயமான, விரக்தியூட்டும் ஒரு சுழற்சியைப் பின்பற்றுகிறது. அது விளக்க முடியாத அறிகுறிகளுடன் தொடங்கி, சிறப்புப் பரிசோதனைகளுக்கு நகர்ந்து, பெரும்பாலும் தொடர் சிகிச்சையில் முடிவடைகிறது, ஆனால் உண்மையான நிவாரணம் எதுவும் பெரும்பாலும் கிடைப்பதில்லை . என் 20 வயதில், நான் வயிறு சம்பந்தமான நோயால் அவதிப்பட்டேன். டெல்லியில் உள்ள மருத்துவர்கள் பரிந்துரைத்த அனைத்து வகையான மருந்துகளையும் முயற்சித்தேன், ஆனால் நிரந்தர நிவாரணம் கிடைக்கவில்லை . இறுதியாக, சில ஆண்டுகளுக்குப் பிறகு, அரசு மருத்துவர்களின் ஆலோசனையின்படி, நான் எக்ஸ்ரே பரிசோதனை செய்துகொண்டேன். மருத்துவர் அது பெப்டிக் அல்சர் என்று கண்டறிந்தார். மருத்துவ ஆலோசனை மற்றும் உணவுக் கட்டுப்பாட்டின் அடிப்படையில், தற்காலிகமாக வலியைத் தாங்க முடிந்தது. எனக்கு 46 வயது ஆகும் வரை இது தொடர்ந்தது. ஹைதராபாத்தில் உள்ள என் நண்பர்களின் உதவியுடன், DOCTOR P.D.P. RAO. என்ற ஹோமியோபதி மருத்துவரைத் தொடர்பு கொண்டேன். அவர் தனது தொழிலில் நிபுணராகவும், எளிமையான தோற்றம் கொண்டவராகவும் இருந்தார். அவருடைய மருந்து இந்த அல்சரை விரைவில் குணப்படுத்தும் என்று அவர் என்னை நம்பவைத்தார். ஆரம்பத்தில், நான் நம்பவில்லை . ஆனால், அவருடைய மருந்தை முயற்சி செய்ய முடிவு செய்தேன். அவரால் குணப்படுத்த முடிந்தால், அவருக்கு ஒரு தங்க நாணயம் பரிசாக வழங்குவதாகவும் உறுதியளித்தேன். டாக்டர் ராவ், பல வருடங்களாக அவதிக்குள்ளாக்கிய என் அல்சர் நோயை மிக விரைவில் குணப்படுத்தினார். எனக்கு ஆச்சரியமளிக்கும் வகையில், அவருடைய மருந்து ஆறு மாதங்களுக்குள் எனது வயிற்றுப் புண்ணையும் உடல்நலப் பிரச்சினைகளையும் குணப்படுத்தியது. வாக்குறுதி அளித்தபடியே , நான் பணிவுடன் கை கூப்பி அவருக்கு ஒரு தங்க நாணயத்தை வழங்கி மிகவும் மகிழ்ச்சியடைந்தேன். அதே போல், டாக்டர் ராவ் எனது உறவினரின் புற்றுநோயின் ஆரம்ப நிலைக்கு மிகவும் நம்பிக்கையுடன் சிகிச்சையளித்து, ஓராண்டுக்குள் அவரைக் குணப்படுத்தியதை நான் கண்டேன். நானும் என்னைப் போல் குணமடைந்த பல நோயாளிகளும், காப்பாற்றும் தெய்வமாகவே அவரைக் கருதிகிறோம். மேலும், டாக்டர் ராவ் ஒருபோதும் அதிக கட்டணம் எதிர்பார்ப்பதில்லை. நோயாளிகளுக்கு முழு திருப்தி அளிக்கும் வகையில் மிகுந்த அக்கறையுடனும் நேர்மையுடனும் சேவை செய்கிறார். வழக்கமான மருத்துவம் தீர்வு அளிக்கத் தவறும்போது, நோயாளிகள் ஒரு மாற்று வழியைத் தேடுகிறார்கள். எனக்கும், எங்கள் சமூகத்தில் உள்ள எண்ணற்ற மற்றவர்களுக்கும், அந்தப் பாதை, பிரதான மருத்துவமனைகள் தோல்வியுற்ற இடத்தில் வெற்றி கண்ட ஒரு குறிப்பிடத்தக்க ஹோமியோபதி மருத்துவரிடம் எங்களை அழைத்துச் சென்றது. எங்களைப் பொறுத்தவரை டாக்டர் பி.டி.பி.ராவ் நினைவுகூரப்பட வேண்டியவர், நாங்கள் அவரை முழு அர்ப்பணிப்புடன் கௌரவிக்கிறோம். அவருக்கும், சமூகத்திற்குச் சேவை செய்து, மக்கள் தங்கள் ஆரோக்கியத்தைப் பேண உதவிய அனைத்து மருத்துவர்களுக்கும் நல்வாழ்த்துகள். மருத்துவர்கள் தினத்தை முன்னிட்டு, ஹைதராபாத்தில் உள்ள பவானி ஹோமியோ கிளினிக்கின் டாக்டர் பி.டி.பி. ராவ் அவர்களுக்கு மீண்டும் என் இனிய வாழ்த்துகள். . ராதாகிருஷ்ணன் ஹைதராபாத் வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் முயற்சியே ‘My Vikatan’. இந்த ‘My Vikatan’ பிரிவில் பதிவாகும் கட்டுரைகளுக்கு என பிரத்யேகமான ஒரு வாட்ஸ்அப் கம்யூனிட்டி க்ரூப் உருவாக்கப்பட்டுள்ளது. இதில் இணைந்திருப்பதன் மூலம், ‘My Vikatan’கட்டுரைகள், ‘My Vikatan’ தொடர்பான அறிவிப்புகள் என அனைத்தையும் உடனே தெரிந்து கொள்ளலாம்..! இதில் இணைய கீழே உள்ள லிங்கை க்ளிக் செய்யுங்க மக்களே...! Link : https://chat.whatsapp.com/G7U0Xo0F63YA5PC6VgYMBQ விகடனில் உங்களுக்கென ஒரு பக்கம்... உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

💻Technologie

நட்சத்திரங்களின் துடிப்பில் பிரபஞ்சத்தின் தூரத்தை கண்டறிந்த அண்டவியலின் அமைதி புரட்சியாளர்!

வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்தக் கட்டுரையில் இடம்பெற்றுள்ள கருத்துகள் அனைத்தும், கட்டுரையாளரின் தனிப்பட்ட கருத்துகள். விகடன் தளத்தின் கருத்துகள் அல்ல - ஆசிரியர் ஹென்ரியேட்டா சுவான் லீவிட் ஒரு புகழ்பெற்ற அமெரிக்க வானியலாளர் ஆவார். பிரபஞ்சத்தின் அளவை துல்லியமாக அளவிடுவதற்கான "ஒளிர்மை-அலைவுநேரத் தொடர்பை" (Period-Luminosity relationship) கண்டறிந்ததன் மூலம் நவீன அண்டவியலுக்கு (Cosmology) மாபெரும் அடித்தளம் அமைத்தவர். லீவிடின் தந்தை ஜார்ஜ் ரோஸ்வெல் லீவிட் புகழ்பெற்ற காங்கிரிகேஷனல் திருச்சபை பாதிரியார். இவரது தாயார் பெயர் ஹென்ரியேட்டா ஸ்வான் கென்ட்ரிக். லீவிட் மாசசூசெட்ஸின் லான்காஸ்டர் நகரில் வசதியான, மத நல்லிணக்கமும் ஒழுக்கமும் மிக்க பாரம்பரியமிக்க குடும்பத்தில் 1868-ஆம் ஆண்டு ஜூலை 4 ல் பிறந்தார். லீவிட் குழந்தையாக இருந்தபோது, அவரது தந்தை ஓஹியோவில் உள்ள ஒரு தேவாலயத்தில் பாதிரியாராகப் பொறுப்பேற்றார். இதனால் இவர்களது குடும்பம் ஓஹியோ மாநிலத்தின் கிளீவ்லேண்ட் நகருக்குக் குடிபெயர்ந்தது. ஓஹியோவில் உள்ள பள்ளிகளில் தனது ஆரம்ப மற்றும் இடைநிலைக் கல்வியை முடித்த லீவிட், 1885-ஆம் ஆண்டு ஓஹியோவில் உள்ள ஒபர்லின் கல்லூரியில் சேர்ந்தார். அங்கு அவர் கலை மற்றும் அறிவியல் சார்ந்த படிப்புகளைப் பயின்றார். அவரது குடும்பம் மீண்டும் மாசசூசெட்ஸ் திரும்பியதால், கேம்பிரிட்ஜில் உள்ள "பெண்களுக்கான சொசைட்டி ஃபார் தி காலேஜியேட் இன்ஸ்ட்ரக்ஷன் ஆப் வுமன்" நிறுவனத்தில் சேர்ந்தார். ஹார்வர்ட் பல்கலைக்கழகத்தின் இந்த மகளிர் பிரிவு பின்னாளில் புகழ்பெற்ற ராட்க்ளிஃப் கல்லூரி என மாறியது. லீவிட் தனது கல்லூரிப் படிப்பின் இறுதி ஆண்டில் வானியல் பாடத்தை ஒரு விருப்பப் பாடமாகத் தேர்ந்தெடுத்துப் படித்தார். இந்த ஒரு பாடம் அவரது வாழ்க்கையையே மாற்றியமைத்தது. கல்லூரிப் படிப்பை முடித்த சில காலத்தில் கடுமையான நோயால் பாதிக்கப்பட்ட லீவிட் தனது கேட்கும் திறனை முழுமையாக இழந்தார். எனினும், இந்த காது கேளாமை சவால் அவரது வானியல் ஆர்வத்தை ஒருபோதும் குறைக்கவில்லை. 1895-ஆம் ஆண்டு ஹார்வர்ட் கல்லூரி ஆய்வகத்தில் ஒரு தன்னார்வலராக இணைந்து தனது வரலாற்றுச் சிறப்புமிக்க ஆராய்ச்சிப் பயணத்தைத் தொடங்கினார். பெரிய தொலைநோக்கிகளை இயக்க ஹார்வர்ட் ஆய்வகம் பெண்களை அனுமதிக்காத அக்காலத்தில்,அதற்குப் பதிலாக, நட்சத்திரங்களின் புகைப்படத் தகடுகளை (Photographic plates) ஆராய்ந்து கணக்கிடும் பணிகளில் ஈடுபடுத்தப்பட்டனர். இவர்கள் "ஹார்வர்ட் கம்ப்யூட்டர்கள்" என்று அழைக்கப்பட்டனர். பூமியின் தென் அரைக்கோளத்தில் இருந்து எடுக்கப்பட்ட மகன்மதிக்கடல் விண்மீன் திரள் (Magellanic Clouds - பெரிய மற்றும் சிறிய மேகங்கள்) கூட்ட புகைப்படத் தகடுகளை ஆராய்ந்தார். லீவிட் அதில் மிக முக்கியமானவர். பிரபஞ்சத்தின் அளவையே மாற்றியமைத்த இந்த விஞ்ஞானிக்கு ஆரம்பத்தில் இந்தப் பணியில் ஒரு மணி நேரத்திற்கு வெறும் 25 சென்ட்டுகள் மட்டுமே ஊதியமாக வழங்கப்பட்டது. இந்த விண்மீன் திரள்களுக்குள் மட்டும் அவர் சுமார் 1,777 மாறும் விண்மீன்களைக் கண்டறிந்து, அவற்றின் பிரகாச மாறுபாடுகளைக் குறித்துக் கொண்டார். லீவிட், இரவு வானத்தில் பிரகாசம் தொடர்ந்து மாறும் செஃபீட் மாறும் விண்மீன்களைப் (Cepheid variables) பற்றி ஆய்வு செய்தார். விண்வெளியில் உள்ள சில நட்சத்திரங்களின் பிரகாசம்ஒரே சீராக இருக்காது. அவை ஒரு குறிப்பிட்ட கால இடைவெளியில் பிரகாசமாக மாறுவதும், பின்னர் மங்குவதுமாக இருக்கும். இந்த துடிப்புத் தன்மை கொண்ட நட்சத்திரங்களே செஃபீட் மாறும் விண்மீன்கள் என்று அழைக்கப்படுகின்றன. இந்த நட்சத்திரங்கள் அனைத்தும் ஒரே விண்மீன் திரளுக்குள் இருந்ததால், "இவை அனைத்தும் பூமியிலிருந்து தோராயமாக ஒரே தொலைவில்தான் இருக்க வேண்டும்" என்ற யூகத்தின் அடிப்படையில் நட்சத்திரத்தின் உண்மையான பிரகாசத்திற்கும், அது பிரகாசமாகி மங்குவதற்கு எடுத்துக் கொள்ளும் காலத்திற்கும் நேரடித் தொடர்பு இருப்பதைக் லீவிட் கண்டுபிடித்தார். நீண்ட காலம் (துடிப்பு நீளம்) எடுத்துக் கொள்ளும் நட்சத்திரங்கள் அதிக ஒளிர்திறன் (பிரகாசம்) கொண்டுள்ளன என்பதைக் கண்டறிந்தார். நட்சத்திரங்களின் இந்த துடிப்பு காலத்தை அளவிடுவதன் மூலம், பூமியிலிருந்து அவற்றின் உண்மையான தூரத்தை கணக்கிட முடியும் என்பதை நிரூபித்தார். லீவிட் கண்டறிந்த இந்த முறை (லீவிட் விதி) வானியலில் தொலைவுகளை அளக்கும் ஒரு "அளவுகோலாக" மாறியது. லீவிட் தனது வாழ்நாளில் 2,400-க்கும் மேற்பட்ட மாறும் விண்மீன்களைக் (Variable stars) கண்டறிந்து பட்டியலிட்டார். இது அக்காலத்தில் கண்டுபிடிக்கப்பட்ட மொத்த மாறும் விண்மீன்களில் பாதியாகும். எட்வின் ஹப்பிள் (Edwin Hubble) போன்ற அறிவியலாளர்கள் லீவிட்டின் இந்த விதியைப் பயன்படுத்தியே, நம் பால்வெளி அண்டத்தைத் தாண்டி மற்ற விண்மீன் திரள்களும் இருப்பதை நிரூபித்தனர். மேலும், பிரபஞ்சம் விரிவடைந்து வருகிறது என்ற பெருவெடிப்பு (Big Bang) கோட்பாட்டின் அடிப்படையான கண்டுபிடிப்புக்கும் லீவிட்டின் ஆய்வே முக்கியக் காரணியாக அமைந்தது. வாழ்நாள் முழுவதும் வானியலுக்காக உழைத்த இவர் 1921-ஆம் ஆண்டு தனது 53-வது வயதில் புற்றுநோயால் காலமானார். இவரது மறைவுக்குப் பிறகே, லீவிட்டின் கண்டுபிடிப்புகளின் முக்கியத்துவம் முழுமையாக உலகிற்குத் தெரியவந்தது. பிரபஞ்சத்தின் எல்லையை அறிய உதவிய இவரைப் போற்றும் வகையில், சந்திரனில் உள்ள ஒரு பள்ளத்திற்கும், 5383 Leavitt என்ற சிறுகோளுக்கும் இவரது பெயர் சூட்டப்பட்டுள்ளது. 1924-ஆம் ஆண்டு ஸ்வீடிஷ் கணிதவியலாளர் கோஸ்டா மிட்டாக்-லெஃப்லர் (Gösta Mittag-Leffler), லீவிட்டை நோபல் பரிசுக்கு பரிந்துரைக்க விரும்பினார். ஆனால், அதற்கு 3 ஆண்டுகளுக்கு முன்பே லீவிட் காலமானதை அவர் அறிந்திருக்கவில்லை. நோபல் பரிசு மரணத்திற்குப் பின் வழங்கப்படுவதில்லை என்பதால் லீவிட்டிற்கு அப்பரிசு கிடைக்காமல் போனது. பிரபஞ்சம் எவ்வளவு வேகத்தில் விரிவடைகிறது என்பதைக் குறிக்கும் ஹப்பிள் மாறிலியைக் கணக்கிட, லீவிட்டின் விதியே தற்போதும் அடிப்படையாக உள்ளது. பெருவெடிப்பு கதிர்வீச்சுத் தரவுகளும், செஃபீட் விண்மீன்கள் தரும் நவீனத் தரவுகளும் பிரபஞ்ச விரிவடைதல் வேகத்தில் முரண்படுவதைக் காட்டும் லீவிட் விதி, புதிய இயற்பியல் விதிகளின் தேடலை வேகப்படுத்தி உள்ளது. செஃபீட்கள் மூலம் அண்டத்தின் துல்லியமான தூரங்களை அளவிட்ட பிறகே, பேரண்டத்தை முடுக்கும் விசித்திரமான இருண்ட ஆற்றல் கண்டறியப்பட்டது. லீவிட் விதியின் மூலம், நவீன தொலைநோக்கிகள் பிரபஞ்சத்தின் வயதை 13.8 பில்லியன் ஆண்டுகள் எனத் துல்லியமாக உறுதி செய்துள்ளன. வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் முயற்சியே ‘My Vikatan’. இந்த ‘My Vikatan’ பிரிவில் பதிவாகும் கட்டுரைகளுக்கு என பிரத்யேகமான ஒரு வாட்ஸ்அப் கம்யூனிட்டி க்ரூப் உருவாக்கப்பட்டுள்ளது. இதில் இணைந்திருப்பதன் மூலம், ‘My Vikatan’கட்டுரைகள், ‘My Vikatan’ தொடர்பான அறிவிப்புகள் என அனைத்தையும் உடனே தெரிந்து கொள்ளலாம்..! இதில் இணைய கீழே உள்ள லிங்கை க்ளிக் செய்யுங்க மக்களே...! Link : https://chat.whatsapp.com/G7U0Xo0F63YA5PC6VgYMBQ விகடனில் உங்களுக்கென ஒரு பக்கம்... உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

💻Technologie

பிரதமர் மோடியின் முகமூடியை அணிந்துகொண்டு திருட்டு; 40 மொபைல் போன்களைத் திருடியவரைத் தேடும் போலீஸ்

ராஜஸ்தான் மாநிலம் பில்வாரா என்ற இடத்தில் செயல்பட்டு வந்த மாதேஷ்வரி மொபைல் கடையில் மர்ம நபர்கள் திங்கட்கிழமை இரவு புகுந்து ரூ.5 லட்சம் மதிப்புள்ள 40 ஸ்மார்ட் மொபைல் போன்களைத் திருடிச்சென்றுவிட்டனர். மொபைல் கடை உரிமையாளர் லட்சுமன் சென் இது தொடர்பாக போலீஸில் கொடுத்துள்ள புகாரில், படிக்கட்டுப் பகுதியிலிருந்த கதவின் பூட்டை உடைத்து, மேற்கூரை வழியாக கடைக்குள் நுழைந்த திருடர்கள், சுமார் 4 முதல் 5 லட்சம் ரூபாய் மதிப்பிலான 35 முதல் 40 ஸ்மார்ட்போன்களைத் திருடிக்கொண்டு தப்பிச் சென்றதாகக் குறிப்பிட்டுள்ளார். செவ்வாய்க்கிழமை கடையைத் திறந்தபோது, கடை முழுவதும் சூறையாடப்பட்டிருந்ததையும், விலையுயர்ந்த கைபேசிப் பெட்டிகள் காலியாகக் கிடந்ததையும், பொருட்கள் தரையில் சிதறிக் கிடந்ததையும் கண்டதாக லட்சுமன் சென் தன் புகாரில் தெரிவித்துள்ளார். பிரதமர் நரேந்திர மோடியின் முகமூடியை அணிந்திருக்கும் திருடன் புகார் அளிக்கப்பட்டதைத் தொடர்ந்து, போலீஸார் சம்பவ இடத்திற்கு வந்து குற்ற நடந்த இடத்தை ஆய்வு செய்தனர். கடையின் உள்ளேயும் அதைச் சுற்றியும் பொருத்தப்பட்டிருந்த சிசிடிவி காட்சிகளை ஆய்வு செய்தபோது, சந்தேகப்படும் நபர் ஒருவர் தனது அடையாளத்தை மறைக்கும் முயற்சியாக பிரதமர் நரேந்திர மோடியைப் போன்ற முகமூடியை அணிந்து மொபைல் போன்களைத் திருடியது கண்காணிப்பு கேமராவில் பதிவாகி இருந்தது. இங்கு மொபைல் போன் திருடிய கும்பல் அதே இரவில், சான்வாரியா மொபைல் என்ற மற்றொரு மொபைல் கடைக்குள் நுழையவும் இதே கும்பல் முயற்சி செய்துள்ளது. அந்த இடத்திலுள்ள சிசிடிவி காட்சிகளிலும், முகமூடி அணிந்த அதே நபர் கடையின் ஷட்டர் பூட்டை உடைக்க முயன்றுவிட்டு அங்கிருந்து தப்பிச் செல்வது பதிவாகி இருந்தது. இது குறித்து போலீஸார் வழக்குப் பதிவு செய்து குற்றவாளியைத் தேடி வருகின்றனர். அயோத்தி ராமர் கோயில் உண்டியல் பணம் திருட்டு: பண்ணை வீடு, கார் என ஆடம்பரமாக வாழ்ந்த ஊழியர்! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.

🇮🇳Vikatan

Tamil-Nachrichten

Bleiben Sie mit den neuesten Nachrichten aus vertrauenswürdigen Quellen informiert

Alle Nachrichten Zurück zur Startseite

Vollständiger Artikel

Dies ist eine tamilische Kurzfassung zum schnellen Lesen. Für den vollständigen Bericht, mehr Kontext und Aktualisierungen besuchen Sie die Originalquelle.

Vollständiger Artikel — Link unten