ஆம்ஸ்டெல்வீன், 2026-ம் ஆண்டு மகளிர் ஆக்கி உலகக் கோப்பை தொடரில் 52 ஆண்டுகளுக்குப் பிறகு இந்திய அணி வரலாறு படைத்துள்ளது. 5-வது இடம் நெதர்லாந்தின் ஆம்ஸ்டெல்வீன் நகரில் உள்ள வாக்னர் மைதானத்தில் நடைபெற்ற 5-வது இடத்துக்கான ஆட்டத்தில், இந்தியா-ஜெர்மனி அணிகள பலப்பரீட்சை நடத்தின. இப்போட்டியில் 3-1 என்ற கோல் கணக்கில் இந்திய மகளிர் அணி வெற்றிபெற்று 5-வது இடத்தை பிடித்தது. 52 ஆண்டுகளுக்குப் பிறகு 1974-ம் ஆண்டு நடைபெற்ற முதலாவது மகளிர் ஆக்கி உலகக்கோப்பையில் இந்திய அணி 4-வது இடத்தைப் பிடித்திருந்தது. அதன்பிறகு, 52 ஆண்டுகளுக்குப் பிறகு தற்போது 5-வது இடத்தைப் பிடித்துள்ள இந்திய அணி, உலகக்கோப்பை வரலாற்றில் 2-வது முறையாக டாப் 5-க்குள் இடம்பெற்று அசத்தியுள்ளது. அடுத்தடுத்து 3 கோல்கள் போட்டியின் முதல் பாதியில் இரு அணிகளும் தற்காப்பு ஆட்டத்தில் கவனம் செலுத்தியதால் கோல் எதுவும் பதிவாகவில்லை. 2-வது பாதியில் இந்திய அணி அதிரடியாக ஆடியது. 43-வது நிமிடத்தில் இஷிகா அபாரமான பீல்ட் கோல் அடித்து இந்தியாவுக்கு 1-0 முன்னிலை பெற்றுத் தந்தார். அடுத்த நிமிடமே 44-வது நிமிடத்தில் நவ்னீத் கவுர் கோல் அடித்து முன்னிலையை 2-0 என உயர்த்தினார். நவ்னீத் கவுர் அசத்தல் தொடர்ந்தது 47-வது நிமிடத்தில் நவ்னீத் கவுர் தனது 2-வது கோலை அடித்து இந்தியாவை 3-0 என வலுவான முன்னிலைக்கு அழைத்துச் சென்றார். போட்டியின் 59-வது நிமிடத்தில் ஜெர்மனி வீராங்கனை லின் கிரிங்க்ஸ் ஒரு கோல் அடித்தார். இருப்பினும், அதன் பின்னர் இந்தியாவின் தடுப்பாட்டத்தை ஜெர்மனியால் உடைக்க முடியவில்லை. புதிய சாதனை முடிவில், 3-1 என்ற கோல் கணக்கில் ஜெர்மனியை வீழ்த்திய இந்திய மகளிர் அணி 5-வது இடத்தைக் கைப்பற்றி, 52 ஆண்டுகளுக்குப் பிறகு உலகக்கோப்பையில் புதிய சாதனையை பதிவு செய்துள்ளது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dies ist eine tamilische Kurzfassung zum schnellen Lesen. Für den vollständigen Bericht, mehr Kontext und Aktualisierungen besuchen Sie die Originalquelle.
Vollständigen Artikel lesen
https://www.dailythanthi.com/sports/hockey/team-india-team-india-created-history-broke-a-52-year-old-record
