Published
Jun 29, 2026
Source Name
BBC Tamil
Country
India
மும்பையில் முஹர்ரம் ஊர்வலத்தின் போது வலி நிவாரணி என்ற பெயரில் எலி விஷம் கொண்ட மாத்திரைகளை விநியோகித்த நபர் கைது செய்யப்பட்டுள்ளார். அவரிடம் இருந்து 14,900 மாத்திரைகள் பறிமுதல் செய்யப்பட்டுள்ளன. என்ன நடந்தது? முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
This is a Tamil summary for quicker reading. For the full report, extra context, and updates, open the original publisher.
Full article — see link below
பெரியகுளத்திலிருந்து தேனி செல்லும் சாலையில் சுமார் 2 கி.மீ. தொலைவில் உள்ளது தாமரைக்குளம் என்னும் ஊர். இங்குள்ள அழகுமலையான் திருக்கோயில் மிகவும் சிறப்பானது. இந்த ஆலயத்தின் தலவரலாறு சொல்லும் தகவல்கள் மிகவும் சிறப்பானது. இந்த அழகுமலையானுக்கு தாமரைகளைச் சமர்ப்பித்து பாலபிஷேகம் செய்து வழிபட்டால், பிரார்த்தனைகள் விரைவில் நிறைவேறும் என்கிறார்கள் பக்தர்கள். இத்தனை சிறப்புகள் கொண்ட அழகுமலையான் யார்? அவர் இங்கே கோயில்கொண்டது எப்படி என்பது குறித்து அறிந்துகொள்வோம் வாருங்கள். முன்னொருகாலத்தில் இந்தப் பகுதி மக்கள் திருமாலிருஞ்சோலை என்னும் அழகர் மலையில் இருக்கும் அழகரை வழிபட்டு வந்தனர். அவரே இப்பகுதி மக்களின் குலதெய்வமாகவும் இஷ்ட தெய்வமாகவும் விளங்கினார். தாமரைக்குளம் அழகுமலையான் ஓவ்வொருமுறையும் தங்கள் ஊரிலிருந்து தொலைவில் இருந்த அழகர்மலைக்கு வெகு சிரமத்தோடு சென்று வந்தார்கள். இதைத் தவிர்க்க என்ன செய்வது என்கிற யோசனையில் ஆழ்ந்தவர்கள் பெரியவர்களின் ஆலோசனைப்படி கோயில்களிலிருந்து ‘பிடிமண்’ எடுத்து வந்து, தாங்கள் வசிக்கும் ஊரிலேயே ஆலயம் எழுப்பி வழிபடத் தொடங்கினர். அப்படி ஒரு கோயில்தான் தாமரைக்குளத்தில் உள்ள அருள்மிகு அழகுமலையான் திருக்கோயில். அழகர்கோயில் பெருமாளும் தான் இஷ்டமுடன் அங்கே வந்து கோயில்கொள்வதாகக் குறி சொல்ல ஊர் மக்கள் பக்தியோடு வழிபாடு செய்ய ஆரம்பித்தனர். கன்னியாகுமரி மாவட்டம் சுசீந்திரம் தாணுமாலயன் கோயில்: வினைகள் தீர்க்கும் விஸ்வரூப ஆஞ்சநேயர் சந்நிதி! இந்த ஊரில் பெரிய ‘தாமரைக்குளம்’ இருக்கிறது. தாமரைகள் நிறைந்து எழிலுற காட்சியளிக்கும் இந்தக் குளத்தின் பெயரே ஊருக்கும் அமைந்துவிட்டது. அழகு பொலியத் திகழும் கோயிலில், கர்ப்பக்கிரகத்தில் ச்ரிதேவி பூதேவியுடன் நின்ற திருக்கோலத்தில் அருள்பாலிக்கிறார் அழகுமலையான். அவருக்கு இடப்புறம் பதினெட்டாம்படி கருப்பண்ண சுவாமிக்கும் இடப்புறம் இருவாஞ்சி அம்மனுக்கும் தனித்தனியே சந்நிதி அமைந்துள்ளது. மேலும் ஆலய வளாகத்தில் விநாயகர், ஆஞ்சநேயர், கருடாழ்வார் ஆகியோரையும் தரிசிக்கலாம். தாமரைக்குளம் அழகுமலையான் திருக்கோயில் சித்ரா பெளர்ணமித் திருவிழா இங்கு விசேஷம். அப்போது கள்ளழகர் வைகையில் எழுந்தருளும் வைபவம் போல் இங்கேயும் ஒரு வைபவம் நடக்கும். சுவாமிக்கான பூஜைப்பொருள்கள் வைக்கப்பட்டிருக்கும் பெட்டி, தாமரைக் குளத்துக்கு எடுத்துச் செல்லப்படும். அங்கே அந்த சாமிப்பெட்டிக்கு அபிஷேகம் செய்யப்பட்டு, கோயிலுக்கு ஊர்வலமாக எடுத்து வரப்படும். அப்போது கள்ளழகர் உலாவில் நடப்பதுபோலவே, பக்தர்கள் திரிஎடுத்து ஆடி வருவதும், அரிவாள் மீதேறி கருப்பண்ண சுவாமி குறிசொல்லும் வைபவமும் நடக்கும். மறுநாள் பக்தர்கள் சுவாமிக்குப் பொங்கல் வைப்பார்கள். முடிக்காணிக்கை செலுத்தியும் வழிபடுவார்கள். ஆடிமாதம் பதினெட்டாம் பெருக்கு அன்றும் சுவாமியின் பெட்டி, தாமரைக்குளத்துக்குச் சென்று வரும். அன்று சுவாமிக்கு விசேஷ அபிஷேக ஆராதனைகள் உண்டு. மறுநாள் பக்தர்கள் பதினெட்டாம்படி கருப்பண்ணசாமிக்கு, ஆட்டுக்கிடா நேர்த்திக்கடன் செலுத்துவார்கள். இருவாஞ்சி அம்மனுக்கும் பட்சணம், பலகாரங்கள் படைக்கும் வைபவம், சந்தனக் குடம் எடுக்கும் வைபவம் ஆகியன விசேஷமாக நடைபெறும். தேனி மாவட்டம் தீர்த்தத்தொட்டி விருப்பாட்சி ஆறுமுகநயினார் திருக்கோயில்: நாக தோஷம் தீர்க்கும் சந்நிதி! இந்த இரண்டு விழாக்களின்போதும் இவ்வூர் மக்கள் தாங்கள் எந்த ஊரில் வசித்தாலும் தாமரைக்குளத்துக்கு வந்துவிடுவார்கள். அன்னதானம், விழாக் கொண்டாட்டம் என்று ஊரே களைகட்டும். மதுரை கள்ளழகர் கோயிலுக்கு நேர்ந்து கொண்டு, சூழல் காரணமாக அங்கு செல்ல முடியாத அன்பர்களும் அழகுமலையான் ஆலயத்தில் அந்தப் பிரார்த்தனைகளைச் செய்வது உண்டு. புரட்டாசி சனிக்கிழமைகள், மார்கழி தனுர் மாத பூஜை மற்றும் பௌர்ணமி தினங்களில் விசேஷ அபிஷேக ஆராதனைகள் நடைபெறும். அப்போது அலங்காரப் பிரியனான அழகுமலையானுக்குப் பக்தர்கள் பாலாபிஷேகம் செய்து வழிபடுவது வழக்கம். சுவாமிக்குத் தாமரை மலர்கள் படைத்து, விளக்கு ஏற்றி, பாலபிஷேகம் செய்து வழிபட் டால் தங்களின் பிரார்த்தனைகள் விரைவில் நிறைவேறும் என்பது பக்தர்களின் நம்பிக்கை. தாமரைக்குளம் அழகுமலையான் திருக்கோயில் கருப்பண்ணசாமி அதேபோல், தாமரைத் தண்டில் திரி எடுத்து, அதைக்கொண்டு இந்தப் பெருமாளுக்குத் தீபம் ஏற்றி வழிபடுவதால் பித்ருதோஷம், முன்னோர் கோபம் ஆகியவை நீங்கும் என்கிறார்கள். மட்டுமன்றி மனச்சங்கடங்கள், குடும்பத்தில் பிரச்னை, பொருளா தாரத்தில் சிக்கல் - கடன் பிரச்னைகள் போன்றவை விலகவும், நீண்ட நாட்களாக தடைபட்டிக்கும் திருமணம் போன்ற சுபகாரியங்கள் விரைவில் நடக்கவும், குழந்தைப்பேறு வாய்க்கவும், ஆரோக்கியம் வேண்ட்யும், தொழில் சிறக்கவும் இந்தப் பிரார்த்தனையைச் செய்து அழகுமலையானை வழிபடுகிறார்கள். அழகுமலையானும் தன்னைநாடி வந்து வணங்கி வழிபடும் அவர்களின் இன்னல்களைக் களைந்து இன்பவாழ்வை வரமாக அருள்கிறார். இதற்கு, அனுதினமும் அவரின் சந்நிதிக்கு வரும் பக்தர்கள் கூட்டமே சாட்சி என்கிறார்கள் உள்ளூர் மக்கள். நீங்களும் ஒருமுறை குடும்பத்தோடு சென்று அழகுமலையானை வழிபட்டு வரம்பெற்று வாருங்களேன். சிவகங்கை மாவட்டம், கீழக்கோட்டை ஆதினமிளகி ஐயனார் கோயில்: கவலைகள் தீரும்... உணவுப் பஞ்சம் ஏற்படாது முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
முதல்வர் விஜய் தலைமையில் நாளை தோழமைக் கட்சிகளின் கூட்டத்திற்கு ஏற்பாடு செய்திருக்கிறது தவெக. காங்கிரஸ், கம்யூனிஸ்ட்டுகள், விசிக, ஐ.யூ.எம்.எல், மதிமுக என தங்களுக்கு ஆதரவாக இருக்கும் அத்தனை கட்சிகளுக்கும் தவெக சார்பில் இந்த கூட்டத்துக்கு அழைப்பு விடுக்கப்பட்டிருந்தது. இந்நிலையில், இந்தக் கூட்டத்தில் இந்திய கம்யூனிஸ்ட், மார்க்சிஸ்ட் கம்யூனிஸ்ட் என இரண்டு கட்சிகளும் கலந்துகொள்ளப் போவதில்லை என தகவல் வெளியாகியிருக்கிறது. வைகோ கோவளத்தில் உள்ள ஒரு தனியார் ஹோட்டலில் நாளை மாலை இந்த கூட்டத்துக்கு ஏற்பாடு செய்யப்பட்டிருக்கிறது. தவெக சார்பில் ஆனந்த், ஆதவ் அர்ஜூனா, ஜான் என முக்கிய நிர்வாகிகள் இந்த கூட்டத்துக்கான அழைப்பிதழ் கொடுக்கும் பணியில் இறங்கியிருந்தனர். நேற்று ஐ.யூ.எம்.எல் காதர் மொய்தீன், மதிமுக பொதுச்செயலாளர் வைகோ ஆகியோரை நேரில் சந்தித்து அழைப்பு விடுத்திருந்தனர். இன்று மாலை கம்யூனிஸ்ட்டுகள் மற்றும் காங்கிரஸூக்கு அழைப்புக் கடிதம் வழங்கியிருந்தனர். இந்நிலையில்தான் இந்த கூட்டத்தில் கம்யூனிஸ்டுகள் கலந்துகொள்ளப் போவதில்லை என தகவல் வெளியாகியிருக்கிறது. இதுதொடர்பாக தோழர்கள் சிலரிடம் பேச்சு கொடுக்கையில், 'ஆதவ்வும் ஆனந்தும் அழைப்புக்கடிதம் கொடுத்த போதே 'எங்களால் இந்த கூட்டத்துக்கு வர இயலாது' என இருதரப்பு கம்யூனிஸ்ட்டுகளும் கூறிவிட்டோம். எங்களை பொறுத்தவரை நாங்கள் இந்த ஆட்சிக்கு ஆதரவுதான் கொடுக்கிறோம். காங்கிரஸ் ஆட்சியில் பங்கு பெறவில்லை. அவர்களின் கூட்டணியிலும் இல்லை. அப்படியிருக்க இந்த கூட்டத்தில் பங்கேற்பது சரியாக இருக்காது. இதை முறைப்படி ஆதவ்விடமும் ஆனந்திடமும் கூறிவிட்டோம். நேரில் வந்து அழைத்துவிட்டார்கள், அதனால் மரியாதைக்காக முதல்வரை சந்திக்க நேரம் கேட்டிருக்கிறோம். நாளை காலை 11 மணிக்கு தொழிலாளர் உரிமைகள் சார்ந்தும் மக்கள் நலன் சார்ந்தும் சில கோரிக்கைகளோடு மு.வீரபாண்டியனும் பெ.சண்முகமும் கோட்டைக்கே சென்று முதல்வரை சந்திக்கவிருக்கிறார்கள். அப்போது, 'நாங்கள் உங்கள் ஆட்சி நிலைக்க ஆதரவு தருகிறோம். நீங்கள் நல்லது செய்தால் பாராட்டுவோம். இப்போதைக்கு கூட்டணிக்கு வாய்ப்பில்லை' என மிகத் தெளிவாக முதல்வர் விஜய்யிடம் கூறவிருக்கின்றனர்' என்றனர். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
மனம் போன போக்கில் கட்சி மாறும் அரசியல் காட்சிகளை வட இந்தியாவில் 'ஆயா ராம் காயா ராம்' என விமர்சிப்பார்கள். அந்த ஆயா ராம் காயா ராம் அரசியலை முதல்வர் விஜய் தமிழகத்திலும் வேகமெடுக்க வைக்கிறாரோ எனும் கேள்வி எழுந்திருக்கிறது. TVK Vijay 1967 தேர்தலில் ஹரியானாவில் காயா லால் உட்பட 16 சுயேட்சைகள் வெல்கிறார்கள். சுயேட்சைகளின் ஆதரவோடு மட்டுமே அரசு அமைக்க முடியும் எனும் சூழல். அப்போது முதலில் காங்கிரஸை ஆதரிக்கிறேன் எனக் கூறிய காயா, சில மணி நேரத்திலேயே ஐக்கிய முன்னணிக்கு ஆதரவு தெரிவிக்கிறார். அத்தோடு நிற்கவில்லை. இன்னும் சில மணி நேரத்தில் மீண்டும் காங்கிரஸூக்கு தாவி அங்கிருந்து மீண்டும் ஐக்கிய முன்னணிக்கு தாவுகிறார். இத்தனை காட்சிகளும் ஒரே நாளில் நடக்கிறது. அங்கிருந்துதான் அணி தாவும் அரசியலுக்கு 'ஆயா ராம் காயா ராம்' எனும் பெயர் வந்தது. மக்களின் முடிவை துளி கூட மனதில் ஏற்றிக்கொள்ளாமல், அதற்கு குறைந்தபட்ச மதிப்பை கூட கொடுக்காமல் இருக்கும் அரசியலர்களுக்கு கடிவாளம் போடத்தான் 1985 இல் கட்சித் தாவல் தடைச்சட்டம் கொண்டு வரப்பட்டது. ஒரு கட்சியின் எம்.எல்.ஏக்கள் இன்னொரு கட்சிக்கு மாற வேண்டுமெனில், மூன்றில் இரண்டு பங்கு உறுப்பினர்கள் அணி மாறினால் மட்டுமே அவர்களின் பதவி காப்பாற்றப்படும். அதற்கு குறைவான எண்ணிக்கையில் எம்.எல்.ஏக்கள் அணி தாவினால் தகுதிநீக்க நடவடிக்கை எடுக்கப்படும். இந்த விதி மக்களின் முடிவுகளுக்கு மாறாக அணி தாவ நினைக்கும் எம்.எல்.ஏக்களை கட்டுப்படுத்தும் என நினைத்தனர். ஆனால், இந்தியாவில் எப்போது ஒரு விதிமுறையோ சட்டமோ அமல்படுத்தப்படுகிறதோ, அப்போதே அந்த சட்ட விதிகளிலிருந்து கசிந்து தப்பிக்கும் ஓட்டைகளும் உருவாக்கப்படும். TVK Vijay - தவெக விஜய் அப்படி கட்சித்தாவல் தடைச் சட்டத்தை நீர்த்து போகச் செய்ய கண்டுபிடிக்கப்பட்டதுதான் எம்.எல்.ஏக்கள் ராஜினாமா செய்துவிட்டு அணிதாவும் முறை. ஒரு எம்.எல்.ஏ எப்போது எந்த சூழலில் ராஜினாமா செய்ய வேண்டுமென மக்கள் பிரதிநிதித்துவ சட்டத்தில் எந்த கட்டுப்பாடும் இல்லை. இதனால் அணி தாவ விரும்பும் எம்.எல்.ஏக்கள் முதலில் தங்களது பதவியை ராஜினாமா செய்துவிட்டு வேறு கட்சிக்கு தாவி, ராஜினாமா செய்த அதே தொகுதியில் இடைத்தேர்தலில் போட்டியிடுவார்கள். தமிழ்நாட்டில் இப்போது நடந்து கொண்டிருக்கிற நடக்கப்போகிற காட்சிகளும் இதுதான். முதல்வர் விஜய்யின் திருச்சி கிழக்கை தவிர்த்து இதுவரை 6 அதிமுக எம்.எல்.ஏக்கள் ராஜினாமா செய்திருக்கின்றனர். அவர்களில் நால்வர் தவெகவில் இணைந்துவிட்டனர். மீதமுள்ள இருவரும் வெகுவிரைவில் தவெகவில் இணையவிருக்கின்றனர். 'அவர்களாக தங்கள் கட்சியிலிருந்து விலகி விரும்பி எங்கள் கட்சியில் இணையும் போது எப்படி தடுக்க முடியும்?' என படு விவரமாக தவெகவினர் வாதத்தை முன்னெடுத்து வைக்கின்றனர். மதிமுக பொதுச்செயலாளர் வைகோ தனது கட்சியின் பொதுக்குழுவில் பேசும் போதும், அதன் பிறகான பத்திரிகையாளர் சந்திப்பிலும், 'முதல்வரை சந்தித்த போது உங்களின் எம்.எல்.ஏக்களை ராஜினாமா செய்ய சொல்லுங்கள். இடைத்தேர்தலில் நானே வந்து பிரசாரம் செய்கிறேன் என்றார்' எனப் பேசியிருந்தார். TVK Vijay | விஜய் வைகோவின் கூற்றை வைத்து பார்க்கையில் தவெகவினரின் கூற்று அடிபட்டு போகிறது. தவெக தரப்பிலிருந்து முதல்வர் விஜய் அதிமுக முகாமுக்கு எதோ ஒரு வலையை வீசியிருக்கிறார். அதைப் பிடித்துக் கொண்டுதான் அதிமுக எம்.எல்.ஏக்கள் தங்களின் பதவியை ராஜினாமா செய்தார்களோ எனும் சந்தேகம் தானாகவே எழுகிறது. தன்னுடைய கட்சியை தூய சக்தி என அடையாளப்படுத்திக் கொள்ளும் முதல்வர் செய்கிற வேலையா இது எனும் அதிர்ச்சி மக்களுக்கே எழத் தொடங்கியிருக்கிறது. `முதல்வர் ராஜினாமா செய்ய சொல்லவில்லை. நான் தான் ராஜினாமா பற்றி பேசினேன்' என பதறிப்போய் தோசையை மாற்றிப் போட்டு தன் மீதான நம்பகத்தன்மையை மீண்டும் ஒரு முறை கேள்விக்குள்ளாக்கவும் செய்திருக்கிறார் வைகோ. இதே வைகோதான் 2006 இல் தன்னுடைய எம்.எல்.ஏ ஒருவர் ராஜினாமா செய்துவிட்டு அப்போதைய ஆளுங்கட்சியான திமுகவில் இணைந்து இடைத்தேர்தலில் போட்டியிட்டதாக சமீபத்தில் விமர்சித்தும் பேசியிருந்தார். காலத்துக்கு ஏற்றார் போல அறமும் நீதியும் தங்களின் அளவுகோலை மாற்ற முடியாதே. அதேமாதிரி, முதல்வர் விஜய்யும் தன் மீதான நம்பகத்தன்மை சலவை செய்துகொள்ளும்படி ஒரு புதிய வாஷிங் மெஷினை இறக்கியிருக்கிறார் போல. எம்.எல்.ஏ பதவியை ராஜினாமா செய்த சி.விஜயபாஸ்கர் மற்றும் எம்.ஆர்.விஜயபாஸ்கர் மீது நிறைய வழக்குகளும் அரசியல் சர்ச்சைகளும் இருக்கிறது. அவர்கள் தவெகவில் இணைந்தால் அந்த வழக்குகளெல்லாம் என்ன ஆகும்? அவை நியாயப்படி விசாரிக்கப்பட்டும் என்பதற்கு என்ன உத்தரவாதம் இருக்கிறது? தேர்தலில் எதிர்முகாமில் நிற்கும் வரை ஊழல் சக்திகளாக இருந்தவர் முதல்வரின் கட்சியில் இணைந்தவுடன் எப்படி உத்தமர்களாக மாற முடியும்? TVK Vijay - விஜய் தேர்தல் முடிவுகள் வெளியாகி தவெக ஆட்சியமைக்க சிரமப்பட்டுக் கொண்டிருந்த போது, திமுக ஆதரவில் அதிமுக ஆட்சியமைப்பதை பற்றி பேசப்பட்டது. ஜனநாயகத்தின் மீது நம்பிக்கை கொண்ட அத்தனை குரல்களும், 'இது மக்களின் முடிவுக்கு எதிரான சிந்தனை' என ஒரு சேர எதிர்த்தன. இப்போது அதே அளவுகோலை வைத்தே தவெகவின் செயல்பாடுகளையும் அலச முடியும். பெருவாரியாக இரட்டை இலைக்கு வாக்களித்து தேர்வு செய்யப்பட்ட பிரதிநிதியை தன்னுடைய முகாமுக்கு இழுத்து, அடுத்த இடைத்தேர்தலில் விசில் சின்னத்தில் அதே நபரை நிற்க வைக்கலாம் எனும் சிந்தனை சரியானது தானா?, ஒருவேளை சரி என்பீர்கள் எனில், தவெகவுக்கு மக்களின் முடிவு மீது என்ன மரியாதைதான் இருக்கிறது? கட்சித் தாவல் தடைச் சட்டத்தின் ஓட்டைகள் அடைக்கப்பட வேண்டியதன் தேவையையும் தமிழக அரசியலில் தற்போது நடக்கும் காட்சிகள் ஆழமாக உணர்த்துகின்றன. ராஜினாமா செய்துவிட்டு அப்படியே தலைகீழாக கட்சி மாறி இடைத்தேர்தலில் போட்டியிடலாம் என்கிற குறுக்கு சிந்தனைக்கு கடிவாளம் போட்டே தீர வேண்டும்.! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
கணவரை விட கணிசமாக அதிக ஊதியம் பெறும் மனைவி, அவரிடமிருந்து ஜீவனாம்சம் கோர முடியாது என்று கர்நாடக உயர் நீதிமன்றம் தீர்ப்பு வழங்கியுள்ளது. குறிப்பாக, அந்த மனைவிக்கு வேறு எந்தப் பொறுப்புகளோ அல்லது கடன்களோ இல்லாத பட்சத்தில் இந்த விதி பொருந்தும் என்றும் நீதிமன்றம் தெளிவுபடுத்தியுள்ளது. விசாரணை நீதிமன்றம் கணவருக்கு விதித்த ரூ. 20,000 இடைக்கால ஜீவனாம்ச உத்தரவை ரத்து செய்து, உயர் நீதிமன்றம் இந்த அதிரடி தீர்ப்பை வழங்கியது. இந்த வழக்கை விசாரித்த நீதிபதி டாக்டர் சிலகூர் சுமலதா அடங்கிய ஒற்றை நீதிபதி அமர்வு, ஜீவனாம்சம் வழங்குவதன் நோக்கமே, தன்னைக் கவனித்துக் கொள்ள முடியாத துணைவருக்கு ஆதரவளிப்பதாகும் என்று சுட்டிக்காட்டியது. இந்த வழக்கில், மனைவி தனது கணவரை விட கணிசமாக அதிக வருமானம் ஈட்டுகிறார். மேலும், அவருக்கு வேறு எந்த நிதிப் பொறுப்புகளோ அல்லது கடமைகளோ இல்லை என்பது தெளிவாகத் தெரிகிறது. இந்நிலையில், அவர் கணவரிடம் இருந்து ஜீவனாம்சம் பெறுவது சட்டத்தின் நோக்கத்திற்கு முரணானது என்று நீதிமன்றம் தனது தீர்ப்பில் குறிப்பிட்டுள்ளது. ஜீவனாம்சம் முன்னதாக, இந்த தம்பதியரின் விவாகரத்து வழக்கு விசாரணை நீதிமன்றத்தில் நடைபெற்றபோது, மனைவிக்கு மாதம் ரூ. 20,000 இடைக்கால ஜீவனாம்சம் வழங்குமாறு கணவருக்கு உத்தரவிடப்பட்டது. இந்த உத்தரவை எதிர்த்து கணவர் தரப்பில் கர்நாடக உயர் நீதிமன்றத்தில் மேல்முறையீடு செய்யப்பட்டது. இந்த மேல்முறையீட்டு மனுவை விசாரித்த உயர் நீதிமன்றம், விசாரணை நீதிமன்றத்தின் உத்தரவை ரத்து செய்து இந்த புதிய தீர்ப்பை வழங்கியுள்ளது. சமீப காலங்களில், ஜீவனாம்சம் தொடர்பான வழக்குகளில் தம்பதியரின் நிதி நிலையை நீதிமன்றங்கள் கவனமாக ஆராய்ந்து வருகின்றன. அந்த வகையில், கர்நாடக உயர் நீதிமன்றத்தின் இந்த தீர்ப்பு ஒரு முக்கியத்துவம் வாய்ந்ததாகக் கருதப்படுகிறது. மனைவி நன்கு படித்து, நல்ல வேலையில் இருந்து, கணவரை விட அதிகமாக சம்பாதிக்கும் பட்சத்தில், ஜீவனாம்சம் கோருவது ஏற்புடையதல்ல என்பதை இந்த தீர்ப்பு தெளிவுபடுத்துகிறது. இது, ஜீவனாம்ச சட்டங்களை பாலின பாகுபாடின்றி, தேவையின் அடிப்படையில் மட்டுமே அணுக வேண்டும் என்ற கருத்துக்கு வலு சேர்ப்பதாக சட்ட வல்லுநர்கள் கருதுகின்றனர். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.