இந்தியாவின் முன்னாள் மத்திய மின்சாரம், புதிய மற்றும் புதுப்பிக்கத்தக்க ஆற்றல் துறை கேபினட் அமைச்சரும், முன்னாள் இந்திய ஐ.ஏ.எஸ் (IAS) அதிகாரியுமான ஆர். கே. சிங் தன் எக்ஸ் பக்கத்தில் SIR குறித்து நீண்ட கடிதம் ஒன்றை எழுதியிருக்கிறார். அந்தக் கடிதத்தில் வாக்காளர் பெயர் நீக்கம், தேர்தல் ஆணையத்தின் செயல்பாடுகள் குறித்து விமர்சித்து எழுதியிருக்கிறார். முதலில், யார் இந்த ஆர்.கே.சிங்? ராஜ் குமார் சிங் (ஆர்.கே.சிங்) 1975-ம் ஆண்டு பிரிவைச் சேர்ந்த முன்னாள் இந்திய ஆட்சிப் பணி (IAS) அதிகாரியான இவர், 2005-ம் ஆண்டில் நிதிஷ் குமார் பிகார் முதலமைச்சரானபோது, முதன்மைச் செயலாளராகப் பணியாற்றினார். 2011 முதல் 2013 வரை இந்திய அரசின் மத்திய உள்துறைச் செயலாளராகப் பொறுப்பு வகித்தார். 2014-ம் ஆண்டு பிகாரின் ஆரா தொகுதியிலிருந்து பா.ஜ.க நாடாளுமன்ற உறுப்பினராகத் தேர்ந்தெடுக்கப்பட்ட இவர், மத்திய புதிய மற்றும் புதுப்பிக்கத்தக்க ஆற்றல் துறை அமைச்சராகவும் பணியாற்றினார். ராஜ் குமார் சிங் 2025-ம் ஆண்டு பிகார் சட்டமன்றத் தேர்தலின் போது, குற்றப் பின்னணி கொண்டவர்களுக்கு பாஜக வாய்ப்பு அளிப்பதாகவும், சீட் ஒதுக்குவதில் பிகார் பாஜக தலைவர்கள் பணம் பெறுவதாகவும் பகிரங்கமாகக் குற்றம் சாட்டினார். பிகார் சட்டப்பேரவைத் தேர்தலில் பாஜக கூட்டணி மிகப்பெரிய வெற்றியைப் பெற்ற மறுநாளே, கட்சிக்கு எதிரான கருத்துக்களைத் தெரிவித்ததாகவும், உட்கட்சி ஒழுங்கை மீறியதாகவும் கூறி முன்னாள் மத்திய அமைச்சர் ஆர்.கே.சிங் மற்றும் எம்.எல்.சி அசோக் அகர்வால் ஆகியோரை பாஜக இடைநீக்கம் செய்தது குறிப்பிடத்தக்கது. முழுமையான கடிதம் இதோ! என் சக நாட்டுமக்களுக்கு ஓர் திறந்த மடல் இந்தியாவில் ஜனநாயகம் நிலைத்திருக்க வேண்டும் என்று நீங்கள் விரும்புகிறீர்களா? அப்படியென்றால், தலைமைத் தேர்தல் ஆணையர் ஞானேஷ் குமாரும் அவருடைய அதிகாரத்தில் உள்ளவர்களும் இந்த SIR என்ற பெயரில் என்ன செய்துகொண்டிருக்கிறார்கள் என்பதை நீங்கள் கண்டிப்பாகப் புரிந்துகொள்ள வேண்டும். RK சிங்வெளிப்படையாக சட்டத்தை மீறி செயல்படுகிறார்கள்!SIR சரி என்று சொன்ன உச்ச நீதிமன்றத் தீர்ப்பு தவறானது. அவர்கள் சட்டத்தை வெளிப்படையாக மீறிச் செயல்பட்டு வருகிறார்கள். மக்கள் பிரதிநிதித்துவச் சட்டத்தின் பிரிவு 21-ன் படி, ஏதேனும் ஒரு குறிப்பிட்டத் தொகுதியில் அல்லது பகுதியில் மட்டும், தகுந்த காரணங்களைப் பதிவு செய்துதான் 'சிறப்புத் திருத்தம்' (Special Intensive Revision) செய்ய முடியும். ஆனால், விதிவிலக்காக அரிதாகப் பயன்படுத்த வேண்டிய இந்த விதியை வைத்துக்கொண்டு, நாடு முழுமைக்கும் தீவிரத் திருத்தம் செய்ய உத்தரவிட்டது சட்டத்திற்குப் புறம்பானது. இதைச் சரி என்று சொன்ன உச்ச நீதிமன்றத் தீர்ப்பும் தவறானது. மேலும், நாடு முழுவதும் இந்த நடவடிக்கையைச் செயல்படுத்த எடுத்த முடிவு தேர்தல் ஆணையம் முழுமையாகச் சேர்ந்து எடுத்ததா அல்லது ஞானேஷ் குமார் மட்டுமே தனிச்சையாக எடுத்த முடிவா என்ற கேள்வியும் எழுகிறது. ECI `பல உத்தரவுகள் எங்கள் அனுமதி இன்றியே வெளியாகின்றன'- SIR விவகாரத்தில் தேர்தல் ஆணையர்கள் அதிருப்திதேர்தலுக்கு புதியப் பட்டியலை பயன்படுத்தியது சட்டவிரோதம் 1950-ஆம் ஆண்டு சட்டப்பிரிவு 21-ன் படி, வாக்காளர் பட்டியல் திருத்தம் நடக்கும்போது, அறிவிப்பு வந்த நாளில் எந்தப் பட்டியல் நடைமுறையில் இருந்ததோ, அதுவே முழுப் பணிகளும் முடியும் வரை செல்லுபடியாகும். பெயர்கள் சேர்த்தல் அல்லது நீக்கலுக்கு எதிராகப் பெறப்பட்ட மேல்முறையீடுகள் (Appeals) அனைத்தும் முடிவுக்கு வந்த பிறகே புதிய பட்டியல் முழுமை பெறும். மேல்முறையீடுகள் நிலுவையில் இருந்தால், பழைய பட்டியலையே தேர்தலுக்குப் பயன்படுத்த வேண்டும். ஆனால் இதற்கு மாறாக, மேல்முறையீடுகள் நிலுவையில் இருந்தபோதே நீக்கங்கள் செய்யப்பட்ட புதிய பட்டியலைத் தேர்தலுக்குப் பயன்படுத்தியது சட்டவிரோதமாகும். அமித் ஷா - ஞானேஷ் குமார் மக்கள் பிரதிநிதித்துவச் சட்டத்தின் (RP Act) பிரிவு 22-ன் படி, வாக்காளர் பதிவு அதிகாரிக்கு (ERO) மட்டுமே ஒரு வாக்காளரின் பெயரை பட்டியலிலிருந்து நீக்கும் அதிகாரம் உள்ளது. வேறு யாருக்கும் அந்த அதிகாரம் இல்லை. அதுவும் பிரிவு 22(a), (b), மற்றும் (c)-ல் குறிப்பிடப்பட்டுள்ள காரணங்களுக்காக மட்டுமே பெயர்களை நீக்க முடியும். மேலும், அவ்வாறு நீக்குவதற்கு முன் ஒரு குறிப்பிட்ட விசாரணை நடத்தப்பட வேண்டும், சம்பந்தப்பட்ட நபருக்குத் தன் தரப்பு நியாயத்தைக் கூற வாய்ப்பளிக்கப்பட வேண்டும், மற்றும் அவரது உத்தரவுக்கு எதிரான மேல்முறையீடுகள் அனைத்தும் தீர்த்து வைக்கப்பட்ட பிறகே பெயரை நீக்க வேண்டும். ``தேர்தல் ஆணையர் மாற்றம் தீர்வாகாது" - அமைச்சர் ராஜ் மோகன்; காங்கிரஸிடமிருந்து முரண்படுகிறதா தவெக?உச்ச நீதிமன்ற தீர்ப்பை மீறிய குற்றம்! ஆனால், ஞானேஷ் குமார் 2003-க்குப் பிறகு வாக்காளர் பதிவு அதிகாரிகளால் சேர்க்கப்பட்ட அனைத்து வாக்காளர்களின் பெயர்களையும் எந்தவொரு அடிப்படையுமின்றி, எந்த விசாரணையுமின்றி, வாக்காளர்களுக்கு எந்தவித முன்னறிவிப்பும் தராமல் நீக்கினார். இது அப்பட்டமான சட்டவிரோதச் செயலாகும். அவ்வாறு அதிரடியாகப் பெயர்கள் நீக்கப்பட்டவர்கள், மீண்டும் புதிய வாக்காளர்களாக விண்ணப்பிக்க 'படிவம் 6' (Form 6) தாக்கல் செய்து, தாங்கள் வாக்காளராகப் பதிவு பெறத் தகுதியானவர்கள்தான் என்பதற்கான ஆதாரங்களை தாங்களே தர வேண்டியிருந்தது. உச்ச நீதிமன்றம் இது லால் பாபு ஹுசைன் மற்றும் பலர் எதிர் வாக்காளர் பதிவு அதிகாரி மற்றும் பலர் [(1995) 3 SCC 100] என்ற வழக்கில் உச்ச நீதிமன்றம் அளித்த தீர்ப்பை நேரடியாக மீறுவதாகும். ஏற்கனவே பட்டியலில் சேர்க்கப்பட்ட ஒரு வாக்காளரைத் தகுதிநீக்கம் செய்ய வேண்டும் என்றால், விசாரணை அதிகாரியோ அல்லது அதை எதிர்ப்பவரோதான் அதற்கான ஆதாரங்களைக் கொண்டு வர வேண்டுமே தவிர, வாக்காளர் அல்ல என்று அந்தத் தீர்ப்பு தெளிவுபடுத்தியுள்ளது. மேலும், விசாரணை அதிகாரி முன்வைக்கும் ஆதாரங்களின் அடிப்படையில் `ஏன் உங்கள் பெயரை நீக்கக் கூடாது?' என்று மட்டுமே வாக்காளரிடம் கேட்கப்பட வேண்டும். ஆனால், இவை எதுவுமே இங்கு நடக்கவில்லை. `தேர்தல் முடிவுகள் மீது கடும் சந்தேகங்களை எழுப்புகிறது; ஞானேஷ் குமார் பதவி விலக வேண்டும்!'- ஸ்டாலின்வாக்களிக்கும் உரிமையைப் பறிப்பதே நோக்கம் சட்டம் வகுத்துள்ள கொள்கைகளின்படி, ஒரு நபர் மீது ஏதேனும் தடையையோ அல்லது தண்டனையையோ விதிக்க வேண்டுமென்றால், அதற்குப் போதிய காரணங்கள் உள்ளன என்பதை நிரூபிக்கும் பொறுப்பு அந்தத் தண்டனையை வழங்க நினைக்கும் நபர் அல்லது அமைப்பிடமே உள்ளது. ஆனால் இங்கு, ஞானேஷ் குமார் அந்த நிரூபிக்கும் பொறுப்பைத் தலைகீழாக மாற்றி வாக்காளர்கள் மீதே சுமத்தியுள்ளார். இதுவும் சட்டத்திற்குப் புறம்பானதாகும். இதுவரை, அரசாங்கத்தினதும் தேர்தல் ஆணையத்தினதும் முயற்சிகள் அனைத்தும் தகுதியுள்ள அனைத்து வாக்காளர்களையும் பட்டியலில் சேர்ப்பதாகவே இருந்தன. அது ஜனநாயகத்தைப் பலப்படுத்தும் மற்றும் குடிமக்கள் அனைவருக்கும் அதிகாரமளிக்கும் ஒரு நோக்கமாகும். தேர்தல் ஆணையம் ஆனால், மக்களிடமிருந்து வாக்களிக்கும் உரிமையைப் பறிப்பதே ஒரு நோக்கமாக இருப்பது நம் நாட்டின் வரலாற்றிலேயே இதுவே முதல் முறையாகும். ஞானேஷ் குமார் 'படிவம் 6'-ல் ஒரு புதிய கூடுதல் இணைப்பைச் சேர்த்தார். படிவம் 6 என்பது சட்டப்பூர்வ விதிகளால் நிர்ணயிக்கப்பட்டது என்பதால், அதில் மாற்றம் செய்ய அவருக்கு எந்த அதிகாரமும் இல்லை. மேலும், மற்ற இரண்டு தேர்தல் ஆணையர்களின் கருத்துக்களுக்கு எதிராக அவரே தன்னிச்சையாக இதைச் சேர்த்தார். தேர்தல் ஆணையத்தின் முடிவுகள் ஒருமனதாகவோ அல்லது பெரும்பான்மை அடிப்படையிலோ எடுக்கப்பட வேண்டும். திரிணாமுல் காங்கிரஸ் பெயர் முடக்கம், பாஜக - தேர்தல் ஆணையம் மீது குற்றச்சாட்டு. நடப்பது என்ன? பாஜக-விற்கு தெரியும்! ஆனால், இந்த புதிய இணைப்பைச் சேர்ப்பதற்குப் பெரும்பான்மையான எதிர்ப்புகள் இருந்தன. எனவே, இந்த புதிய இணைப்பைச் சேர்த்தது தேர்தல் ஆணையத்தின் சொந்த முடிவுகளுக்கே எதிரானதாகும். அப்படியிருக்க இது ஏன் சேர்க்கப்பட்டது? யாருடைய உத்தரவின் பேரில் சேர்க்கப்பட்டது? இது சட்டவிரோதமானது. இந்த புதிய இணைப்பு, விண்ணப்பதாரரின் பெற்றோர்களின் பெயர்கள் 2003-ம் ஆண்டு வாக்காளர் பட்டியலில் எந்த வரிசை எண்ணில் இருந்தன என்பதைக் குறிப்பிடுமாறு கேட்கிறது. 2026-ம் ஆண்டில் ஒரு சாதாரண சாமானிய மனிதனால், 18 வயது நிரம்பிய ஒரு இளைஞனால், 2003-ம் ஆண்டின் வாக்காளர் பட்டியலை எங்கே போய் பெற முடியும்? இது அனைத்து இளம் வாக்காளர்களின் பதிவையும் தடுத்து நிறுத்தியுள்ளது. இளம் வாக்காளர்கள் தங்களுக்கு வாக்களிக்க மாட்டார்கள் என்பது பா.ஜ.க-விற்குத் தெரியும். பாஜக தலைவர்கள் வாக்காளர் பட்டியலில் பெயர்களைச் சேர்ப்பதற்கு எதிரான ஆட்சேபனைகள் 'படிவம் 7' மூலமாக மொத்த மொத்தமாக தாக்கல் செய்யப்பட்டன. அவற்றை தாக்கல் செய்தது யார்? அதில் கையொப்பமிட்ட நபர்கள் நேரில் வராத நிலையில், அந்தப் படிவங்கள் எவ்வாறு ஏற்றுக்கொள்ளப்பட்டு, அவற்றின் மீது நடவடிக்கைகள் எடுக்கப்பட்டன? மேற்கு வங்கத்தில் வாக்காளர் பதிவு அதிகாரியால் (ERO) தகுதியானவர்கள் எனச் சரிபார்க்கப்பட்ட 16 லட்சம் வாக்காளர்களின் பெயர்கள் பட்டியலில் சேர்க்கப்படவில்லை. ஏனெனில், அவர்களுக்கு எதிராகத் தேர்தல் ஆணையமே மேல்முறையீடு செய்ததாகத் தெரிகிறது. SIR: ``வாக்காளர் திருத்தப் பணியில் ‘மத’ அரசியல்?"- கடிதம் எழுதிய ஐ.நா; விளக்கமளித்த தேர்தல் ஆணையம்! தேர்தல் ஆணையமும், நீதிமன்றமும் பதிலளிக்க வேண்டும்! ஏன்? எதற்காக? எந்தக் காரணங்களின் அடிப்படையில்? மேல்முறையீடு செய்யப்பட்டது. தேர்தல் ஆணையத்திற்கு மேல்முறையீடு செய்ய உத்தரவளித்தது யார்? தாங்கள் அப்படி எந்த அதிகாரமும் வழங்கவில்லை என்று இரண்டு தேர்தல் ஆணையர்களும் கூறுகிறார்கள். எனவே, மேல்முறையீடு செய்யத் தேர்தல் ஆணையம் யாருக்கும் அனுமதி அளிக்கவில்லை. அப்படியென்றால் அதைச் செய்தது யார்? ஞானேஷ் குமாரா? இந்த மக்கள் தேர்தலில் வாக்களிக்க முடியாமல் தடுக்கப்பட்டுள்ளனர். அப்படியென்றால், 'படிவம் 7'-லை போலி ஆட்சேபனைகளை மொத்தமாகத் தாக்கல் செய்து பெயர்களை நீக்குவதற்காகத் தேர்தல் ஆணையமும் ஒரு அரசியல் கட்சியைச் சேர்ந்த சிலரும் கூட்டுச் சதியில் ஈடுபட்டார்களா? ஆர்.கே.சிங்லட்சக்கணக்கான வாக்காளர்களின் மேல்முறையீடுகள் நிலுவையில் இருந்தபோது தேர்தலை நடத்த எவ்வாறு அனுமதிக்கப்பட்டது? இந்தியத் தேர்தல் ஆணையமும் உச்ச நீதிமன்றமும் இதற்குப் பதிலளிக்க வேண்டும். இதுவரை முடித்து வைக்கப்பட்ட மேல்முறையீடுகளின் முடிவுகள், விடுபட்ட வாக்காளர்களில் 90% பேர் தகுதியானவர்களே என்பதைக் காட்டுகின்றன என்பது குறிப்பிடதக்கது. தர்க்கரீதியான முரண்பாடு" (logical discrepancy) என்ற பெயரில் ஒரு வேடிக்கையான விஷயம் முன்னெடுக்கப்பட்டது. இந்தியாவில் ஏழை எளிய மக்கள் எப்படி வாழ்கிறார்கள் என்பதைப் பற்றிய எந்தப் புரிதலும் ஞானேஷ் குமாருக்கு இல்லை. அவர்களின் குழந்தைகள் மருத்துவமனைகளில் பிறப்பதில்லை. அவர்களிடம் பிறப்புச் சான்றிதழ்கள் இல்லை. அவர்களின் வீடுகளில் காலண்டர்கள் கூட கிடையாது. வாக்காளர் பட்டியலில் பெயர்களைச் சேர்ப்பதற்காக வாக்குச்சாவடி நிலை அலுவலர் (BLO) அவர்களை அணுகியபோது, அவர்கள் தங்கள் தோராயமான பிறந்த ஆண்டையே கூறினார்கள். தேர்தல் ஆணையம்: ``இதனால்தான் இந்த விவகாரம் சர்ச்சையாகியுள்ளது." - முன்னாள் ஆணையர் சொல்வதென்ன?பாதிக்கப்பட்டவர்கள் ஏழைகளே. அதேபோல, அவர்களின் தந்தையின் பெயர் வாக்காளர் பட்டியலில் சேர்க்கப்பட்டபோதும், தோராயமான பிறந்த ஆண்டையே கொடுத்தார்கள். ஞானேஷ் குமாரின் கீழ் இயங்கும் தேர்தல் ஆணையத்தில் உள்ள அறிவற்ற மனிதர்கள், தந்தைக்கும் குழந்தைக்கும் இடையிலான வயது வித்தியாசம் 15 ஆண்டுகளுக்கும் குறைவாக இருந்தால், அது ஒரு தர்க்கரீதியான முரண்பாடு என்றும், அதைக் காரணம் காட்டி அவர்களின் பெயர்களை நீக்கலாம் என்றும் கூறினர். சட்டத்தின் பிரிவு 21-க்கு மாறாக, எவ்வித விசாரணையும் இன்றி இந்த "தர்க்கரீதியான முரண்பாடு" என்ற பெயரில் பெயர்கள் நீக்கப்பட்டன. வாக்காளர்கள் தரவு இவ்வாறு பட்டியலில் இருந்து நீக்கப்பட்டவர்களில் பெரும்பாலானோர் ஏழைகளும், ஒடுக்கப்பட்டவர்களும், தங்களது குரலை உயர்த்த முடியாத சாமானியர்களும்தான். அவர்கள் தங்கள் அன்றாடப் பிழைப்பிற்காக வீடுகளை விட்டு வெளியேறி உழைத்துக் கொண்டிருந்தார்கள், இன்னமும் உழைக்கிறார்கள். லட்சக்கணக்கானோர் தூரத்திலுள்ள இடங்களிலோ அல்லது வேறு மாநிலங்களிலோ வேலை செய்கிறார்கள். வாக்காளர் பட்டியலில் தங்கள் பெயரைப் பதிவு செய்வதற்காக ஒரு மாதம் வேலையை விட்டுவிட்டு சொந்த ஊருக்குச் செல்ல அவர்களால் முடியாது. அதற்கான வசதியும் அவர்களிடம் இல்லை. அவர்கள் உழைக்காவிட்டால் பட்டினி கிடக்க வேண்டும். சிக்கலான படிவங்களை அவர்களால் நிரப்ப முடியாது. அவர்களிடம் பிறப்புச் சான்றிதழ்களோ பிற ஆவணங்களோ இல்லை. ஒரு வாக்கிற்காக அவர்கள் ஏன் தங்கள் அன்றாடக் கூலியைத் தியாகம் செய்ய வேண்டும்? SIR சர்ச்சை: "பாஜக, RSS, தேர்தல் ஆணையம் ஆகியவை தேசத் துரோகம் செய்துள்ளன” - ராகுல் காந்திஉண்மையில் நடந்தது இதுதானா? - எழும் சந்தேகங்கள்! சட்டவிரோதமாகக் குடியேறியவர்கள் இதனால் பாதிக்கப்படுவதில்லை. ஏனெனில், இந்தியாவிற்குள் நுழைந்தவுடன் அவர்கள் செய்யும் முதல் வேலை ஆதார் அட்டை, ரேஷன் அட்டை போன்ற தங்கள் ஆவணங்களைச் தயார் செய்து கொள்வதுதான். அவர்களுக்கு முன்பே வந்த குடியேறிகள் அவர்களின் ஆதரவு அமைப்பாக இருக்கிறார்கள். ஆனால், இந்திய ஏழை குடிமக்களின் வாக்களிக்கும் உரிமைதான் இங்கு பறிக்கப்பட்டுள்ளது. தேர்தல் ஆணையத்தில் உள்ள அறிவற்ற மனிதர்களும் அவர்களின் மேலதிகாரிகளும் இதைப் புரிந்து கொள்ளவில்லை. அல்லது அவர்கள் இதை இப்படித்தான் விரும்பியிருக்க வேண்டும். இந்தியா கூட்டணி - மோடி ஞானேஷ் குமார் ஒரு டிஜிட்டல் வாக்காளர் பட்டியலை உருவாக்கி, "தர்க்கரீதியான முரண்பாடு" என்ற பெயரில் பெயர்களைச் சேர்க்க மறுக்கும் அதிகாரத்தை அதற்கு வழங்கியுள்ளார். இந்த "தர்க்கரீதியான முரண்பாடு" என்ற பெயரில் லட்சக்கணக்கான வாக்காளர்களின் பெயர்கள் சேர்க்கப்படாமல் விடப்பட்டுள்ளன. இது சட்டத்திற்குப் புறம்பானதாகும். பெயர்களைச் சேர்க்கவோ, நீக்கவோ மற்றும் வாக்காளர் பட்டியலை வெளியிடவோ சட்டத்தால் நியமிக்கப்பட்ட ஒரே அதிகாரம் "வாக்காளர் பதிவு அதிகாரிக்குத்" (ERO) மட்டுமே உண்டு. அதற்கு மாறாக, வாக்காளர் பட்டியல் மத்திய மயமாக்கப்பட்டு, அதன் திருத்தங்கள் அனைத்தும் ஒரே மைய இடத்தில் வைத்து செய்யப்பட்டன. இது முற்றிலும் சட்டவிரோதமானது. தேர்தல் ஆணையம்: ``ஸ்டாலின் முதல் மம்தா வரை தோல்வி தற்செயல் அல்ல" - அபிஜித் தீப்கே சொல்லும் கணக்கு வாக்காளர் பட்டியலில் பெயர்களைச் சேர்க்கவோ அல்லது நீக்கவோ அதிகாரமளிக்கப்பட்ட ஒரே நபர்களான ERO, DEO மற்றும் CEO ஆகியோரே வாக்காளர் பட்டியலை அணுக அனுமதி மறுக்கப்படுவதாக இரண்டு தேர்தல் ஆணையர்கள் சுட்டிக்காட்டினர். கோவாவில் 97 வாக்காளர்கள் தகுதியானவர்கள் மற்றும் பட்டியலில் சேர்க்கப்பட வேண்டியவர்கள் என ERO-வால் கண்டறியப்பட்டனர். ஆனால், அவர்களின் பெயர்களை இதுவரை வாக்காளர் பட்டியலில் அவர்களால் சேர்க்க முடியாமல் போயுள்ளது. வாக்காளர் பட்டியல் திருத்தத்தை இப்படி ஒரே இடத்தில் மத்திய மயமாக்குவது மிகவும் ஆபத்தானது. NDA கூட்டணிக்கு எதிராக வாக்களிக்கும் வாக்குச்சாவடிகளிலிருந்து வாக்காளர்களை நீக்குவதற்கு இதைப் பயன்படுத்த முடியும். உண்மையில் நடந்தது இதுதானா?ஞானேஷ் குமார்ஞானேஷ் குமார் குற்றவாளி! சரிபார்க்கும் முன்பே வாக்காளர்களின் பெயர்களை நீக்குவது ஒரு கொடூரமான குற்றமாகும்; ஞானேஷ் குமார் இதில் குற்றவாளி. SIR மூலம் இதுவரை 13 கோடி பெயர்கள் நீக்கப்பட்டுள்ளன. இது மொத்த வாக்காளர்களில் 13% ஆகும். மேலும், இந்த SIR செயல்முறை இன்னும் முடிவடையவில்லை. 2024 தேர்தலில் NDA கூட்டணிக்கும் INDIA கூட்டணிக்கும் இடையிலான வாக்கு வித்தியாசமே வெறும் 3% தான். எனவே, இந்த பெயர் நீக்கங்கள் தேர்தல்களில் மிகப்பெரிய தாக்கத்தை ஏற்படுத்தியுள்ளன, இனியும் ஏற்படுத்தும். தேர்தல் ஆணையம் விவகாரம்: ``அமித் ஷாவின் நிழலே ஞானேஷ்குமார்" - காரணங்களை அடுக்கிய மாணிக்கம் தாகூர்எதிர்க்கட்சிகளின் வீணான முயற்சி செப்டம்பர் 26 அன்று நடந்த ஆணையக் கூட்டத்திற்குப் பிறகு வெளியிடப்பட்ட பத்திரிகைக் குறிப்பு, மேலே குறிப்பிட்ட சட்டவிரோதச் செயல்களை உறுதிப்படுத்துகிறது. ஞானேஷ் குமார் இந்த அனைத்துச் சட்டவிரோதச் செயல்களையும் அவராகவே செய்தாரா அல்லது அவருடைய மேலதிகாரிகளால் அவ்வாறு செய்யப் பணிக்கப்பட்டாரா? ஞானேஷ் குமார் மீது நம்பிக்கையில்லாத் தீர்மானம் கொண்டுவரப் போவதாக எதிர்க்கட்சிகள் கூறுகின்றன. அது ஒரு வீணான முயற்சியாகும். அவர்களிடம் அதற்கான போதிய உறுப்பினர் எண்ணிக்கை இல்லை. அவர்கள் உண்மையிலேயே இதற்கு ஒரு தீர்வு காண விரும்பினால், ஞானேஷ் குமார் மீது குற்றவியல் வழக்குகளைத் தொடர வேண்டும். `இந்தியா’ கூட்டணி அடுத்து எடுக்கப்பட வேண்டிய நடவடிக்கை என்னவென்றால், அனைத்து எதிர்க்கட்சிகளும் ஒன்றுபட்டு, தலைமைத் தேர்தல் ஆணையர் மற்றும் தேர்தல் ஆணையாளர்கள் தங்கள் பதவிகளை ராஜினாமா செய்யும் வரையிலும், பிரதமர், எதிர்க்கட்சித் தலைவர் மற்றும் உச்ச நீதிமன்றத்தின் அமர்வு நீதிபதி ஆகியோரைக் கொண்ட முந்தைய தேர்வு முறையின்படி தேர்ந்தெடுக்கப்படும் வரையிலும் தாங்கள் எந்தத் தேர்தலிலும் பங்கேற்க மாட்டோம் என்று அறிவிக்க வேண்டும். லட்சக்கணக்கான வாக்காளர்களின் மேல்முறையீடுகள் நிலுவையில் இருந்தபோது மாநிலங்களில் நடத்தப்பட்ட தேர்தல்கள் ரத்து செய்யப்பட்டு, மீண்டும் புதிய தேர்தல்கள் நடத்தப்பட வேண்டும். "வாக்குரிமையை பறிக்கும் சதியில் அமித் ஷாவுடன் ஞானேஷ் குமார் ஈடுபட்டிருக்கிறார்"- மாணிக்கம் தாகூர் மேலும், ஹேக் செய்ய முடியாத மின்னணு முறை எதுவுமே இதுவரை கண்டுபிடிக்கப்படவில்லை என்பதால், தேர்தல்கள் வாக்குச்சீட்டு முறையிலேயே நடத்தப்பட வேண்டும், வாக்குப்பதிவு இயந்திரங்கள் (EVM) மூலம் அல்ல. இதனால்தான் பொருளாதாரத்திலும் டிஜிட்டல் தொழில்நுட்பத்திலும் முன்னேறிய நாடுகள் எவையும் வாக்குப்பதிவு இயந்திரங்களைப் பயன்படுத்துவதில்லை. நமது ஜனநாயகத்தைப் பாதுகாக்க நாம் விரும்பினால், நாடு முழுவதற்கும் இது குறித்து விழிப்புணர்வு ஏற்படுத்தப்பட்டு, அனைவரும் ஒன்றுபட வேண்டும். SIR தொடர்பான தீர்ப்பினால் உச்ச நீதிமன்றத்தின் நற்பெயருக்குக் களங்கம் ஏற்பட்டுள்ளது. உச்ச நீதிமன்றம் எமெர்ஜென்சியை உறுதி செய்த தீர்ப்பிற்கு இணையான அவப்பெயரை இந்தத் தீர்ப்பும் பெற்றுள்ளது. நீதிபதிகள் இதைத் தயவுசெய்து கவனத்தில் கொள்ள வேண்டும். தேர்தல் ஆணையாளர்களின் தேர்வு தொடர்பான சட்டத்திற்கு எதிரான சவாலைத் தள்ளிப்போட்டுக் கொண்டே இருப்பது உச்ச நீதிமன்றத்தைப் பற்றிய ஒரு தவறான செய்தியையே அனுப்புகிறது. ஏனெனில், தேர்தல் ஆணையாளர்கள் ஆளும்கட்சியால் தேர்ந்தெடுக்கப்படக் கூடாது. அவர்களின் நடுநிலைமையை உறுதிசெய்ய ஒரு நடுநிலையான தேர்வுக் குழுவால்தான் தேர்ந்தெடுக்கப்பட வேண்டும் என்பது தெளிவான உண்மையாகும். நமது ஜனநாயகத்தைக் காப்பாற்ற நாம் அனைவரும் ஒன்றுபடுவோம்." எனக் குறிப்பிட்டிருக்கிறார். தேர்தல் ஆணையம் விவகாரம்: ``ஞானேஷ்குமார் அப்ரூவராக மாற வேண்டும்" - ராகுல் காந்திஒருமித்த முடிவுகள் என்றால், அதற்கான ஆவணங்களுடன் பதில் தருமா தேர்தல் ஆணையம்? முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Il s’agit d’un résumé en tamoul pour une lecture rapide. Pour le reportage complet, le contexte et les mises à jour, consultez le site de l’éditeur.
Lire l'article complet
https://www.vikatan.com/government-and-politics/rk-singh-has-written-a-detailed-letter-to-the-people-of-the-country-regarding-the-election-commission-issue
