‘ஆட்குறைப்பு...’ - யூ-டர்ன் அடிக்கும் நிறுவனங்கள்... இதுதான் காரணமா?

கடந்த ஆண்டில், ட்ரம்ப் விதித்த வரிகள் ஆரம்பத்தில் திருப்பூர், கோயம் புத்தூர் உள்ளிட்ட ஜவுளி மைய உற்பத்தி யாளர்களைக் கடுமையாகப் பாதித்தன. இப்போது அடிடாஸ், ஆரக்கிள் போன்ற பெரிய சர்வதேச நிறுவனங்கள் இந்தியா முழுவதும் ஆட்குறைப்பில் ஈடுபட்டுள்ளன. போர், வரி, வர்த்தகத் தடை என அடுத்தடுத்து நடக்கும் பல நிகழ்வுகள் இந்தியப் பொருளாதாரத்தில் கணிசமான தாக்கத்தை ஏற்படுத்தும் என்ற அச்சத்தை ஏற்படுத்த தொடங்கி உள்ளது. தற்போது செய்திகளில் வரும் வேலை இழப்பு செய்திகள் வேதனைக் குரியதுதான்; எனினும், ஆட்குறைப் புகள் பொருளாதார எதிர்காலத்தைப் பிரதிபலிப்பதாக எடுத்துக்கொள்ள முடியாது. பங்குச் சந்தை செல்லும் திசையையும் அவை சுட்டிக்காட்ட வில்லை. இந்தியாவில், சமீபத்திய வேலை யின்மை செய்திகள் முதல் கரப்பான் பூச்சி மக்கள் கட்சியின் எழுச்சி வரை பல சமூகக் காரணிகளையே மைய மாகக் கொண்டுள்ளன. ஒட்டு மொத்தப் பொருளாதாரத் தாக்கத்தை ஆராய்வதற்கு அரசியல் சித்தாந்தத்தையும் உணர்ச்சிகளையும் ஒதுக்கி வைப்பது அவசியம். ஆட்குறைப்புகளும் வேலையின்மை யும் ஜி.டி.பி-யை பாதிக்கும் விதத்தை மதிப்பிட, தெளிவான புள்ளிவிவரங் களைக் கருத்தில் கொள்ள வேண்டும். உலகளாவிய பொருளாதாரங் களுக்கு நேரவிருக்கும் ஆபத்துக்கான எச்சரிக்கைதான் இந்த ஆட்குறைப்பு நடவடிக்கைகள் எனப் பலரும் தவறாகக் கருதுகின்றனர். ஆனால், உண்மையில் வேலைவாய்ப்பு தரவுகள் ஒருபோதும் மோசமான அல்லது நல்ல காலங்களைக் கணிப்பதில்லை. அவை சந்தையில் ஏற்கெனவே சரிந்த அல்லது உயர்ந்த தேவையை மட்டுமே பிரதிபலிக்கும் குறிகாட்டிகள்.பொதுவாக இது மெதுவாகவும் சுழற்சி முறையிலும் நிகழக்கூடியது. சந்தையில் தேவை குறைந்தால் ஆட்குறைப்பு நடக்கும். பொருளாதாரம் அதேநேரம், பங்குச்சந்தையில் எப்போதும் செய்திகள், தரவுகள், கருத்துகள் உள்வாங்கப்பட்டு, முன்கூட்டியே விலைகளில் பிரதிபலித்துவிடுகிறது. ஆட்குறைப்பு நேரும்போது, வரவிருக்கும் தடைகளுக்கேற்ப அவை முன்னதாகவே விலைகளைச் சரிசெய்திருக்கும். எனவே, ஆட்குறைப்புகளினால் உங்கள் பங்குச் சந்தை குறித்த பார்வை மாறக்கூடாது. இந்தியாவில் வேலை இழப்புகள் 2026-ல் அதிகரித்தன. AI சார்ந்த உலகளாவிய மறுசீரமைப்பு நடவடிக்கைகளுக்கு இடையே, ஏப்ரலில் ஆரக்கிள் 12,000 இந்தியப் பணியாளர்களைப் பணிநீக்கம் செய்தது. மைக்ரோசாஃப்ட்டின் எக்ஸ்பாக்ஸ், உலகளவில் 3,200 பணியிடங்களைக் குறைப்பதாக அறிவித்ததும் பல இந்தியர்களைப் பாதித்துள்ளது. AI-ஐ காரணம் காட்டி, விசா நிறுவனம் 1,400 பணியிடங்களைக் குறைத்தது. இதனால், பலர் வேலையும் வருமானமும் இன்றித் தவிக்க, அவர்கள் இடத்தை எந்திரங்கள் ஆக்கிரமித்துக் கொள்வதாக சிலர் கருதுகின்றனர். இந்த அச்சம் தேவையற்றது. பல சமயங்களில், நிறுவனங்கள் ஆட்குறைப்புக்கான பழியை AI மீது போடுவதன் காரணம், அதிகப்படியான ஆட்களை வேலைக்கு அமர்த்தியதையும், நிறுவனத்தின் குறைவான செயல் திறனையும் மறைப்பதற்காகத்தான். ஆட்குறைப்பில் தங்கள் தவறை ஒப்புக்கொள்வதைவிட நிறுவனங்கள் AI மீது பழிபோடவே முனைகின்றன. உண்மையில், AI அதிகளவில் வேலைவாய்ப்புகளை உருவாக்கவே செய்துள்ளன. ஃபோர்டு நிறுவனம், AI செயல்திறனை நம்பி பணியாளர்களைக் குறைத்தது. ஆனால், அது மிகையான மதிப்பீடென நிரூபணமான தும், மீண்டும் பலரை வேலையில் அமர்த்தியது. மனிதர்களின் முடிவெடுக்கும் திறனின் மதிப்பை நிறுவனங்கள் குறைத்து மதிப்பிடுகின்றன என்பதற்கு இதுவே சான்று. தமிழ்நாட்டில் தொழிற்பயிற்சி நிலையங்களில் AI, மெஷின் லேர்னிங் பாடப்பிரிவுகளை அறிமுகப்படுத்தும் திட்டம், உலகளவில் AI தூண்டி விட்டிருக்கும் பணியாளர்களுக்கான திறன் மேம்பாட்டு பயிற்சிக்கான தேவையைக் காட்டுகிறது. குறிப்பிட்ட துறைகளில் பணியாளர்கள் இடத்தை AI ஆக்கிரமிப்பது உண்மைதான். ஆனால், AI மொத்தமாக மனிதர்களின் வேலைவாய்ப்பையே பாதியாகக் குறைத்துவிடும் என அச்சப்பட வேண்டிய அவசியமில்லை. அந்தவகையில், இந்திய வேலை வாய்ப்புச் சந்தை மிக ஆரோக்கியமாகவே உள்ளது. வேலைவாய்ப்பு பற்றிய கவலைகள் இருந்தாலும், ஆகஸ்ட் மாதத்தில் இந்தியாவின் வேலையின்மை விகிதம், கடந்த ஆறு மாதங்களிலேயே மிகக் குறைந்த அளவான 5%-ஐ எட்டியது. இது கடுமையான வேலை இழப்புகள் ஏற்படும் என்ற அச்சத்தைத் தகர்த்துள்ளது. அமெரிக்காவில், 2025 முழுவதும் ஆட்குறைப்பே தலைப்புச் செய்திகளாக இருந்தன. இந்தியாவிலும், தமிழ்நாட்டிலும்கூட அமெரிக்காவின் வரி அழுத்தங்கள் காரணமாக ஏற்றுமதி யாளர்கள் ஆட்குறைப்பில் ஈடுபட்டதை காண முடிந்தது. ஆனால், ஆட்குறைப் புகள் இருந்தபோதிலும், கடந்த ஆண்டில் ஜி.டி.பி வளர்ச்சி சிறப்பாகவே இருந்ததை மறந்துவிடக் கூடாது. வேலைவாய்ப்புகளை வருங்கால வளர்ச்சியோடு இணைத்துப் பார்க்கும் தவறு தொடர்ந்து நடக்கிறது. இந்திய ஜி.டி.பி-யில் நுகர்வோர் செலவினங் களின் பங்கு 58% ஆகவும் அமெரிக் காவில் 68% ஆகவும் உள்ளது. இதனால், ஆட்குறைப்புகள் கடைசியில் ஜி.டி.பி வளர்ச்சியைப் பாதிக்கும் என்று தோன்றுவதில் ஆச்சர்யமில்லை. வேலையின்றி அதிகம்பேர் இருந்தால் அது செலவினத்தை வெகுவாகப் பாதிக்கும்தானே என்று கருதுகிறார்கள். ஆனால், அப்படி இல்லை. வேலை யின்மை விகிதம் உயர்ந்தாலும்கூட, நுகர்வோர் செலவினத்தில் பெரிய சரிவு இருக்காது. பொருளாதார மந்தநிலைகளில்கூட, நுகர்வு சீராகவே இருந்துள்ளதை வரலாறு காட்டுகிறது. உதாரணத்துக்கு, அமெரிக்காவை எடுத்துக்கொள்வோம். 2007-2009 மாபெரும் உலகளாவிய பொருளாதார வீழ்ச்சி காலத்தின்போது, அமெரிக்க ஜி.டி.பி 3.8% சரிந்தது. அதேவேளையில், அமெரிக்க நுகர்வோரின் உண்மையான செலவினங்கள் (பணவீக்கத்திற்கேற்ப சரிசெய்யப்பட்டது) -2.3% அளவுக்கு மட்டுமே சரிந்தது. இது ஒப்பீட்டளவில் குறைவான பாதிப்புதான். அமெரிக் காவின் 2001 மந்தநிலையின்போதும் இதே நிலைதான். 2001 மார்ச் முடிவி லிருந்து நவம்பர் வரை மந்தநிலை தொடர்ந்தபோதிலும், உண்மையான நுகர்வோர் செலவினம் ஒவ்வொரு காலாண்டிலும் உயர்ந்தபடியே இருந்தது. காரணம், நுகர்வோர் செலவினங்கள் பெருமளவில் மளிகைப் பொருள்கள், இருப்பிடம், பயன்பாட்டுச் செலவுகள் என அத்தியாவசியத் தேவைகளைச் சார்ந்தவை. அவற்றில் திடீர் எழுச்சியோ அல்லது கடுமையான வீழ்ச்சியோ இருப்பதற்கு வாய்ப்பு குறைவு. சிறிய ஏற்ற இறக்கம் இருந்தாலும், மொத்தத்தில் சீராகவே இருக்கும். மேலும், பொருளாதாரச் சூழல்களை யும் வேலைவாய்ப்புகள் உடனடியாகப் பிரதிபலிப்பதில்லை. இதைப் புரிந்து கொள்ள, நாம் ஒரு நிறுவன சி.இ.ஓ போலச் சிந்திக்க வேண்டும். பொருளாதாரச் சரிவு விற்பனையைப் பாதிக்கையில், சி.இ.ஓ-க்கள் செலவுகளை, சரக்கு இருப்பை, வளர்ச்சித் திட்டங்களைக் குறைக்கின்ற னர். ஆட்குறைப்பு அவர்களது கடைசித் தேர்வுதான். பணிநீக்க நடவடிக்கைகள் ஊடக விமர்சனங் களுக்கு உள்ளாகி, நிறுவனங்களின் நன்மதிப்பையும் கலாசாரத்தையும் வாழ்வையும் பாதிக்கின்றன. மேலும், நிலைமை சீரடையும்போது, அனுபவம் வாய்ந்தவர்களுக்குப் பதில் புதியவர் களை மாற்றுவது அதிக செலவு பிடிக்கக்கூடிய ஒன்றாக இருக்கும். நிறுவனங்கள் சட்டரீதியான சவால் களையும் சந்திக்க நேரிடலாம். இதை 2025-ல் பார்த்தோம். டாடா கன்சல்டன்சி சர்வீசஸ் 12,000 பணியிடங்களைக் குறைக்கவுள்ளதாக அறிவித்தபின், தொழிற்சங்கப் புகார் களும் சட்டச் சிக்கல்களும் எழுந்தன. கென் ஃபிஷர் நிறுவனர், ஃபிஷர் இன்வெஸ்ட்மெண்ட்ஸ். அதேபோல பொருளாதார வளர்ச்சி தொடங்கும்போது, நிறுவனங்கள் முதலில் பகுதிநேர அல்லது ஒப்பந்தத் தொழிலாளர்களையே பணியமர்த்து கின்றனர். காரணம், மீட்சி என்று தவறாக எண்ணி நஷ்டமடையக் கூடாது என்பதே. இவ்வாறாக, வளர்ச்சியை வேலைவாய்ப்புகள் பின் தொடர்கின்றன - ஏற்றத்திலும் இறக்கத்திலும். எப்போதும்! கோவிட் ஊரடங்கால் 2020-ல் ஏற்பட்ட திடீர் சரிவைத் தவிர, இந்தியாவில் சமீபத்தில் பெரிய ஜி.டி.பி சரிவு எதுவும் ஏற்படவில்லை. 2007–2009 பொருளாதார மந்தநிலையின் போது, 2007 டிசம்பரில் அமெரிக்கப் பொருளாதார வளர்ச்சி உச்சத்தை எட்டியது. ஆனால், 2008 பிப்ரவரி வரையிலும் வேலைவாய்ப்புகள் குறையவில்லை. அதன்பிறகுதான் வேலைவாய்ப்புகளில் சரிவு காணப்பட்டது. அதுவும் குறிப்பிட்ட காலம் வரைதான். பின்னர் அதிலும் மீட்சி காணப்பட்டது. பங்குச் சந்தையிலும் பெரும்பாலான நிகழ்வுகள் கணிப்புகள் ஏற்கெனவே விலைகளில் பிரதிபலித்து விடுகின்றன. 2007 அக்டோபரில், பொருளாதார மந்தநிலை தொடங்குவதற்கு இருமாதங்களுக்கு முன், அமெரிக்கப் பங்குகள் உச்சத்தில் இருந்தன. 2010 பிப்ரவரியில் வேலைவாய்ப்புச் சரிவு நின்றபோது, S&P 500 ஏற்கெனவே 66% உயர்ந்திருந்தது. எந்த ஒரு பொருளாதார நிகழ்வும் முதலில் பங்குச் சந்தையில் பிரதிபலிக்கும், பின்னர் உண்மையான வளர்ச்சி தரவு களிலும், கடைசியாக வேலைவாய்ப்புகளிலும் தெரியவரும். தற்போது இந்திய பங்குச் சந்தை சரிவுக்கு ஆட்குறைப்பு பயம்தான் உண்மையான காரணம் என்றால், அமெரிக்காவில் தொழில்நுட்பத் துறையின் வேலை இழப்புகள் பற்றிய கவலைகள் இதைவிட அதிகமாக இருக்கும் நிலையில், அவையும் வீழ்ச்சி யடைந்திருக்க வேண்டும். ஆனால், அங்கு வீழ்ச்சி இல்லை. அப்படி பார்க்கும்போது வேலை இழப்புகள் பொருளாதார மந்தநிலையையோ, பங்குச் சந்தை எத்திசையில் செல்லுமென்பதையோ பிரதிபலிப்ப தில்லை. எனவே, அடிப்படையற்ற அச்சங்கள் உங்களைப் பயமுறுத்த அனுமதிக்காதீர்கள். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.