"இது ட்ரைலர்தான்; மெயின் பிக்சரை டெல்டாவில் காட்டுவோம்" - தவெக இணைப்பு விழாவில் விஜயபாஸ்கர் 'பன்ச்'

அதிமுக முன்னாள் எம்.எல்.ஏக்கள் சி. விஜய பாஸ்கர், எம்.ஆர். விஜயபாஸ்கர் இன்று தவெகவில் அதிகாரப்பூர்வமாக இணைந்திருக்கின்றனர். தவிர பல அதிமுக முன்னாள் அமைச்சர்களும், சட்டமன்ற உறுப்பினர்களும் தவெகவில் இணைந்திருக்கின்றனர். இந்த இணைப்பு விழாவில் பேசிய சி. விஜயபாஸ்கர், "'பழையன கழிதலும் புதியன புகுதலும்'தான் மலர்ச்சியை உண்டாக்கும். சி. விஜய பாஸ்கர் இன்று தவெகவில் இணைந்தது மகிழ்ச்சியைக் கொடுத்திருக்கிறது. தேர்தலுக்கு முன்பே நாங்கள் தவெகவுடன் கூட்டணி வைக்க வலியுறுத்தினோம். ஆனால் தலைமை செவிகொடுக்கவில்லை. தேர்தலுக்குப் பிறகு தவெகவிற்கு ஆதரவு கொடுக்க வேண்டும் என்று வலியுறுத்தினோம். அதையும் செவிமடுக்கவில்லை. இதனைச் செவிமறுத்தவர் இயற்கைக்குப் புறம்பாக தீயசக்தியோடு கூட்டணி வைக்க முயன்றதில் எங்களுக்கு உடன்பாடு இல்லை. எளிய மக்களின் குரலுக்குச் செவிமடுக்க ஒரு அரசு கிடைத்திருக்கிறது. தொண்டர்களை தோழர்களாக அணைத்துக்கொள்ள ஒரு நல்ல தலைமை கிடைத்திருக்கிறது. அதனால் இந்த இணைப்பு மகிழ்ச்சியைக் கொடுக்கிறது. சி. விஜய பாஸ்கர் இந்த இணைப்பு விழாவில் நீங்கள் பார்ப்பது வெறும் ட்ரைலர்தான். மெயின் பிக்சரை டெல்டாவில் காட்டுவோம். மாபெரும் இணைப்பு விழாவை முதல்வர் விஜய் தலைமையில் நிகழ்த்தி காட்டுவோம். இனி எத்தனை தேர்தல்கள் வந்தாலும் தவெக வெல்லும். நாங்கள் துணை நிற்க வருகை தந்திருக்கின்றோம். இந்த வாய்ப்புக்கு நன்றி" என்று பேசியிருக்கிறார். தமிழ்நாடு நிதிநிலை அறிக்கை: இன்று முதல் 22 ஆம் தேதி வரை முதலமைச்சர் விஜய் ஆலோசனை! முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.