மெஸ்ஸி, ரொனால்டோவை முந்திய எம்பாப்பே - நாக்அவுட் சுற்றின் புதிய `சுல்தான்'

2026 உலகக் கோப்பை கால்பந்து தொடரில் பிரான்ஸ் அணியின் நட்சத்திர ஆட்டக்காரர் கிலியன் எம்பாப்பே (Kylian Mbappe) புதிய உலக சாதனைகளைப் படைத்து சரித்திரம் எழுதி வருகிறார். செவ்வாய்க்கிழமை நடந்த Round 32 தகுதிச் சுற்றில், சுவீடன் அணிக்கு எதிரான போட்டியில் பிரான்ஸ் 3-0 என்ற கணக்கில் அபார வெற்றி பெற்றது. இதில் 28 வயதான எம்பாப்பே அடுத்தடுத்து 2 கோல்களை அடித்து அசத்தினார். இதன் மூலம் உலகக் கோப்பை வரலாற்றில் அதிக கோல்கள் அடித்த வீரர்கள் பட்டியலில் ஜெர்மனியின் மிரோஸ்லாவ் குளோசவை (17 கோல்கள்) முந்தி, தனது மொத்த கோல்களின் எண்ணிக்கையை 18 ஆக உயர்த்தியுள்ளார். உலகக் கோப்பையின் நாக்-அவுட் (Knockout) சுற்றுகளில் மட்டும் அதிக கோல்கள் அடித்த வீரர்கள் வரிசையில் எம்பாப்பே இப்போது 10 கோல்களுடன் உலகிலேயே முதலிடத்தைப் பிடித்துள்ளார். லியோனல் மெஸ்ஸி இதற்கு முன்பு பிரேசிலின் ரொனால்டோ நசாரியோ மற்றும் லியோனிடாஸ் ஆகியோர் தலா 8 கோல்களுடன் முதலிடத்தில் இருந்தனர். பிரான்சின் ஜஸ்ட் ஃபோன்டைன் மற்றும் பிரேசிலின் பீலே ஆகியோர் தலா 7 கோல்களுடன் அடுத்தடுத்த இடங்களில் உள்ளனர். தற்போது எம்பாப்பே இவர்கள் அனைவரையும் பின்னுக்குத் தள்ளியுள்ளார். உலகக் கோப்பை வரலாற்றில் 19 கோல்களுடன் ஒட்டுமொத்தமாக அதிக கோல் அடித்த வீரராக அர்ஜென்டினாவின் லியோனல் மெஸ்ஸி திகழ்கிறார். ஆனால், அவர் நாக்-அவுட் சுற்றுகளில் 5 கோல்கள் மட்டுமே அடித்துள்ளார். அதேபோல், நடப்பு தொடரில் எம்பாப்பே அடித்துள்ள 6 கோல்கள், Golden Boot விருதுக்கான போட்டியில் அவரை மெஸ்ஸியுடன் சமநிலைக்குக் கொண்டுவந்துள்ளது. மற்றொரு நட்சத்திர வீரரான கிறிஸ்டியானோ ரொனால்டோ, தனது உலகக் கோப்பை வரலாற்றில் நாக்-அவுட் சுற்றில் இதுவரை ஒரு கோல் கூட அடித்ததில்லை என்பது குறிப்பிடத்தக்கது. ரொனால்டோ சுவீடன் அணியின் பலமான தடுப்பாட்டத்தை உடைத்து, மைக்கேல் ஒலிசேயின் (Michael Olise) அசிஸ்ட்கள் உதவியுடன் எம்பாப்பே இந்த இரண்டு கோல்களையும் அடித்தார். 1998 உலகக் கோப்பை இறுதிப் போட்டிக்குக் பிறகு நாக்-அவுட் சுற்றில் பிரான்ஸ் பெற்ற மிகப்பெரிய வெற்றி இதுவாகும். "நாம் ஒரு வரலாற்றை நேரில் பார்த்துக் கொண்டிருக்கிறோம்" என்று பிரான்ஸ் அணியின் மேலாளர் டிடியர் டெசாம்ப்ஸ் எம்பாப்பேயைப் பாராட்டியுள்ளார். இந்த வெற்றியின் மூலம் பிரான்ஸ் அணி, ஜூலை 4-ம் தேதி நடைபெறவுள்ள காலிறுதிக்கு முந்தைய சுற்றில் (Round of 16) பராகுவே அணியை எதிர்கொள்ளவுள்ளது. தீர்ந்தது குழப்பம்; இனி கால்பந்து திருவிழா! FIFA உலகக்கோப்பை போட்டிகளை எங்கு, எப்படிப் பார்ப்பது? முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.