நியூயார்க், அமெரிக்க ஓபன் டென்னிஸ் தொடரில் 2022-க்கு பிறகு மீண்டும் இணைந்த செரீனா வில்லியம்ஸ் - வீனஸ் வில்லியம்ஸ் ஜோடி 3 மணி நேரம் போராடி தோல்வியடைந்தது. கடுமையான போராட்டம் 'கிராண்ட்ஸ்லாம்' அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. இதில், ஆர்தர் ஆஷ் மைதானத்தில் நடைபெற்ற பெண்கள் இரட்டையர் பிரிவு ஆட்டத்தில் செரீனா வில்லியம்ஸ் - வீனஸ் வில்லியம்ஸ் சகோதரிகள் இணை, மாயா ஜாயிண்ட் - ஹாவோ-சிங் சான் ஜோடியை எதிர்கொண்டது. 2022-ம் ஆண்டுக்குப் பிறகு முதல்முறையாக அமெரிக்க ஓபனில் மீண்டும் இணைந்து விளையாடிய வில்லியம்ஸ் சகோதரிகள், தொடக்கம் முதலே கடுமையாக போராடினர். வெற்றி பரபரப்பாக நடைபெற்ற இந்த ஆட்டத்தில் முதல் செட்டை வில்லியம்ஸ் சகோதரிகள் 6-3 என்ற கணக்கில் கைப்பற்றினர். 2-வது செட்டில் ஜாயிண்ட் - சான் ஜோடி பதிலடி கொடுத்து 7-6 (8-6) என்ற கணக்கில் வென்றது. இதையடுத்து வெற்றியாளரை தீர்மானிக்கும் 3-வது செட்டில் கடும் போட்டி நிலவியது. இறுதியில் 7-6 (9-7) என்ற கணக்கில் ஜாயிண்ட் - சான் ஜோடி வெற்றி பெற்றது. 3 மணி 2 நிமிடங்கள் நீடித்த இந்த பரபரப்பான ஆட்டத்தின் முடிவில் மாயா ஜாயிண்ட் - ஹாவோ-சிங் சான் ஜோடி 3-6, 7-6 (8-6), 7-6 (9-7) என்ற செட் கணக்கில் வில்லியம்ஸ் சகோதரிகளை வீழ்த்தியது. முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dit is een Tamilse samenvatting om snel te lezen. Voor het volledige verhaal, extra context en updates ga je naar de oorspronkelijke uitgever.
Volledig artikel lezen
https://www.dailythanthi.com/sports/tennis/williams-sisters-suffer-three-set-defeat-in-emotional-us-open-doubles-return
