Doctor Vikatan: என் வயது 70. நான் பேசும்போது வாயில் இருந்து கெட்ட வாடை வருகிறது. எதிரில் உள்ளவர்கள் மூக்கைப் பிடித்துக் கொள்கிறார்கள். அது எனக்கு அவமானமாக இருக்கிறது. எனக்கு வயிற்றில் புண் எதுவும் இல்லை. மருத்துவரைப் பார்த்து மருந்துகள் எடுத்துக்கொண்டும் குணமாகவில்லை. சுகர் மற்றும் கொலஸ்ட்ராலுக்கு மாத்திரை சாப்பிடுகிறேன். வாய் துர்நாற்றப் பிரச்னையைக் குணப்படுத்த என்னதான் வழி? -வாசகர், விகடன் இணையத்திலிருந்து பதில் சொல்கிறார், சென்னையைச் சேர்ந்த, இரைப்பை, குடல் மற்றும் கல்லீரல் சிறப்பு மருத்துவர் ஏ.சங்கமேஸ்வரன். இரைப்பை, குடல் மற்றும் கல்லீரல் சிறப்பு மருத்துவர் ஏ.சங்கமேஸ்வரன் வாய் துர்நாற்றப் பிரச்னையை மருத்துவ மொழியில் 'ஹாலிடோசிஸ்' (Halitosis) என்று சொல்கிறோம். வாய் துர்நாற்றம் உள்ள நோயாளிகளுக்கு, அது எதனால் ஏற்படுகிறது என்பதைக் கண்டறிய சில விரிவான பரிசோதனைகள் (Investigations) தேவைப்படுகின்றன. அந்த வகையில் நீங்கள் முதலில் பல் பரிசோதனை (Dental check-up) செய்து பார்த்து பற்கள் மற்றும் ஈறுகளில் ஏதேனும் பிரச்னைகள் உள்ளனவா என்று பார்க்க வேண்டும். அடுத்து இ.என்.டி பரிசோதனை (ENT check-up) செய்து, மூக்கு, தொண்டை அல்லது சைனஸ் பாதிப்புகள் (Sinusitis) ஏதேனும் உள்ளனவா என்பதை உறுதிசெய்ய வேண்டும். இரைப்பை குடல் மருத்துவரிடம் (Gastroenterologist ) ஆலோசனை பெறுவதும் அவசியம். அவர் உங்களைப் பரிசோதித்துவிட்டு, தேவைப்பட்டால் வயிற்றுப் பகுதியில் உள்ள பிரச்னைகளை அறிய எண்டோஸ்கோப்பி பரிசோதனை செய்யப் பரிந்துரைப்பார். பயாப்ஸி (Biopsy) பரிசோதனையின் மூலம் வயிற்றில் 'ஹெச். பைலோரி' (H. pylori) எனப்படும் பாக்டீரியா தொற்று ஏதேனும் உள்ளதா என்று பார்க்க வேண்டும். டியோடினல் பயாப்ஸி (Duodenal biopsy) செய்து பார்த்து சிறுகுடலின் ஆரம்பப் பகுதியில் பயாப்ஸி செய்வதன் மூலம், ஊட்டச்சத்துகளை உறிஞ்சுவதில் ஏதேனும் குறைபாடு (Malabsorption) உள்ளதா என்பதைப் பார்க்க வேண்டும். முதலில் பல் பரிசோதனை (Dental check-up) செய்து பார்த்து பற்கள் மற்றும் ஈறுகளில் ஏதேனும் பிரச்னைகள் உள்ளனவா என்று பார்க்க வேண்டும். வாய் துர்நாற்றம். பிரச்னை, வாயிலா… வயிற்றிலா? | குடல்நலம் -10 இந்த அனைத்துப் பரிசோதனைகளையும் மேற்கொள்வதன் மூலம், உங்களுக்கு வாய் துர்நாற்றம் ஏற்படுவதற்கான சரியான காரணத்தைக் கண்டறிந்து, அதற்கேற்ப தகுந்த சிகிச்சையை அளிக்க முடியும். முறையாக பற்களைத் துலக்காமல் இருந்தாலும், பற்களுக்கு இடையில் உள்ள உணவுத் துகள்களை, ஃப்ளாசிங் (Flossing) முறையில் சுத்தம் செய்யாமல் இருந்தாலும் பாக்டீரியாக்கள் எளிதில் வளரும். அதனால் வாய் துர்நாற்றம் வரும். எனவே, வாய் சுகாதாரத்தில் அக்கறை செலுத்துங்கள். நீரிழிவு நோய் (Diabetes), சிறுநீரகக் கோளாறுகள் அல்லது கல்லீரல் பாதிப்பு உள்ளவர்களுக்கும் மூச்சுக் காற்றில் ஒருவித வித்தியாசமான துர்நாற்றம் வீசலாம். எனவே, அது குறித்தும் மருத்துவ ஆலோசனை பெறுங்கள். உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் என்ற பெயரில் வெளியாகும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dit is een Tamilse samenvatting om snel te lezen. Voor het volledige verhaal, extra context en updates ga je naar de oorspronkelijke uitgever.
Volledig artikel lezen
https://www.vikatan.com/health/bad-breath-while-speaking-is-there-a-solution-to-this-embarrassing-problem
