புதிய கிரகங்கள் உருவாகும் காட்சி: வெப் தொலைநோக்கி அசத்தல் படம்

புதிய கிரகங்கள் உருவாகும் செயல்முறையை விளக்கும் இரண்டு பிரம்மாண்டமான படங்களை 'ஜேம்ஸ் வெப்' விண்வெளி தொலைநோக்கி வெளியிட்டுள்ளது. இந்த படங்கள், நட்சத்திரங்களைச் சுற்றி புதிய கிரகங்கள் உருவாகும் 'புரோட்டோபிளானெட்டரி டிஸ்க்குகள்' எனப்படும் வளையங்களைக் காட்டுகின்றன. ஒரு படத்தில், நட்சத்திரத்திலிருந்து வெளிவரும் ஒளிக்கற்றைகளும், தூசிப் படலங்களும் தெளிவாகத் தெரிகின்றன. மற்றொரு படத்தில், மஞ்சள் நிற தூசி வளையத்திற்குள் நட்சத்திரம் இருப்பதும், அதிலிருந்து சிதறும் தூசிகள் ஊதா நிறத்தில் தெரிவதும் வியக்க வைக்கிறது. இந்த அரிய காட்சி, கிரகங்களின் உருவாக்கம் குறித்த புதிய தகவல்களை விஞ்ஞானிகளுக்கு அளிக்கும் என எதிர்பார்க்கப்படுகிறது. மேலும் விவரங்களுக்கு கீழே உள்ள இணைப்பைப் பயன்படுத்தவும்.