சென்னை, 10-வது டி.என்.பி.எல். 20 ஓவர் கிரிக்கெட் போட்டி சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் நடந்து வருகிறது. 8 அணிகள் பங்கேற்ற இந்த போட்டியின் லீக் சுற்று முடிவில் 'டாப்-4' இடங்களை பிடித்த மதுரை பாந்தர்ஸ், திருச்சி கிராண்ட் சோழாஸ், கோவை கிங்ஸ், நடப்பு சாம்பியன் திருப்பூர் தமிழன்ஸ் ஆகிய அணிகள் 'பிளே-ஆப்' சுற்றுக்கு முன்னேறின. இறுதிப்போட்டிக்கான முதலாவது தகுதி சுற்றில் மதுரை பாந்தர்ஸ்-திருச்சி கிராண்ட் சோழாஸ் மோதிய ஆட்டம் மழையால் பாதியில் ரத்து செய்யப்பட்டது. இதனால் புள்ளி பட்டியலில் முதலிடம் பிடித்ததன் அடிப்படையில் மதுரை அணி இறுதிப்போட்டியை எட்டியது. இதேபோல் வெளியேற்றுதல் சுற்றில் திருப்பூர் தமிழன்ஸ்- கோவை கிங்ஸ் மோதிய ஆட்ட மும் மழையால் கைவிடப்பட்டது. புள்ளி பட்டியலில் திருப்பூரை விட முன்னிலை பெற்று 3-வது இடம் வகித்ததால் கோவை அணி 2-வது தகுதி சுற்றுக்கு தகுதி பெற்றது. இன்று (புதன்கிழமை) நடைபெறும் இறுதிப்போட்டிக்கான 2-வது தகுதி சுற்றில் திருச்சி கிராண்ட் சோழாஸ்- கோவை கிங்ஸ் அணிகள் மல்லுகட்டுகின்றன. இதில் வெற்றி பெறும் அணி வருகிற 28-ந் தேதி நடைபெறும் இறுதிப்போட்டியில் மதுரை பாந்தர்சை எதிர்கொள்ளும். தோல்வி அடையும் அணி வெளியேறும். முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dit is een Tamilse samenvatting om snel te lezen. Voor het volledige verhaal, extra context en updates ga je naar de oorspronkelijke uitgever.
Volledig artikel lezen
https://www.dailythanthi.com/sports/cricket/2nd-qualifying-round-trichy-vs-coimbatore-clash-today
