பெங்களூருவில் இரண்டு இளம்பெண்கள் ஆட்டோவில் சென்று கொண்டிருந்தனர். அவர்கள் ஆட்டோவில் இருந்து இறங்கியவுடன் ஆட்டோவில் பயணம் செய்ததற்கு பணம் கொடுப்பது தொடர்பாக ஆட்டோ டிரைவருக்கும், அப்பெண்களுக்கும் இடையே வாக்குவாதம் ஏற்பட்டது. இந்த வாக்குவாதம் முற்றிய நிலையில் இரு தரப்பினரும் அடிதடியில் இறங்கினர். அப்பெண்கள் ஆட்டோ டிரைவரை அடிப்பதும், ஆட்டோ டிரைவர் அப்பெண்களை அடிப்பதுமாக இருந்தனர். சாலையில் சென்ற ஒருவர் அதனைப் பதிவு செய்து இன்ஸ்டாகிராமில் வெளியிட்டுள்ளார். அதில் அந்த இரு பெண்களுக்கும் ஓட்டுநருக்கும் இடையே வாக்குவாதம் ஏற்பட்டு, பின்னர் அது கைகலப்பாக மாறுவது பதிவாகியுள்ளது. மோதல் தொடரும் நிலையில், அவர்கள் மூவரும் சாலையோரத்தில் ஒருவரையொருவர் தள்ளிக்கொண்டும் தாக்கிக்கொண்டும் இருப்பது காணப்படுகிறது. இறுதியில் அந்த வழியாக வந்த ஒரு பெண் அங்கு வந்து அவர்களைப் பிரித்துவிட்டதன் மூலம் அந்தச் சண்டை முடிவுக்கு வந்தது. இதனை ரோட்டில் வருபவர்கள் பார்த்துக்கொண்டிருந்தனர். ஆட்டோ டிரைவருடன் சண்டை இந்த வீடியோவை சமூக வலைத்தளப் பக்கத்தில் பார்த்தவர்களில் ஒருவர், "வாகனத்தில் ஏறுவதற்கு முன்பே அவர்கள் ஏன் கட்டணத்தைப் பற்றி விசாரிக்கவில்லை? வீடியோவை உற்று நோக்கினால், யார் முதலில் உடல்ரீதியாகத் தாக்கினார்கள் என்பது தெரியும். அந்தப் பெண்மணிதான் முதலில் முரட்டுத்தனமாக நடத்ததாகத் தெரிகிறது. அது உண்மையில் அவசியமா? உடல்ரீதியான வன்முறை இல்லாமலேயே அந்தச் சூழலைக் கையாண்டிருக்கலாம். வெள்ளை நிற ஜாக்கெட் அணிந்த பெண் நிலைமையைச் சமாதானப்படுத்த முயன்றுகொண்டிருந்தார். ஆனால் கருப்பு நிற டி-ஷர்ட் அணிந்த பெண்ணோ அதிக ஆக்ரோஷமாக நடந்துகொண்டார். ஒரு சேவையைப் பயன்படுத்தும்போது, பயணத்தைத் தொடங்கும் முன்பே கட்டணத்தை முடிவு செய்துகொள்ள வேண்டும் அல்லது கைகலப்பு போன்ற சூழலை உருவாக்காமல் அதற்கான கட்டணத்தைச் செலுத்திவிட வேண்டும்" என்று குறிப்பிட்டுள்ளார். இத்தாக்குதலில் ஈடுபட்ட ஆட்டோ டிரைவரின் பெயர் சேதன் என்று தெரிய வந்துள்ளது. அவருடன் சண்டையிட்ட பெண்கள் இரண்டு பேரும் சலூன் ஒன்றில் பணியாற்றி வந்தனர். அவர்கள் சண்டையிட்டுக்கொண்ட வீடியோ வைரலானதைத் தொடர்ந்து சம்பந்தப்பட்ட ஆட்டோ டிரைவரை போலீஸார் அழைத்து விசாரித்தனர். இதில் பெண்கள் இரண்டு பேரும் குடிபோதையில் இருந்ததாகவும், அவர்கள் ஆட்டோவில் பயணம் செய்துவிட்டு கட்டணம் கொடுக்க மறுத்ததாகவும், அவர்கள்தான் முதலில் தாக்கியதாகவும் தெரிவித்தார். இதையடுத்து அப்பெண்களை அழைத்து போலீஸார் விசாரித்தனர். அவர்கள் கொடுத்த புகாரின் அடிப்படையில் போலீஸார் வழக்குப் பதிவு செய்துள்ளனர். பரமக்குடி: ஆட்டோ டிரைவர்கள் மோதலைத் தடுத்த பெண் போலீஸ்; தள்ளிவிடப்பட்டதால் பலியான சோகம் முழு கட்டுரையைப் படிக்க, கீழே உள்ள இணைப்பைப் பயன்படுத்தவும்.
Dette er et tamilsksammendrag for rask lesing. For hele saken, mer kontekst og oppdateringer, gå til den opprinnelige utgiveren.
Les full artikkel
https://www.vikatan.com/trending/young-women-get-into-scuffle-with-auto-rickshaw-driver-in-middle-of-road
